1. ປັດຊະຍາ ແມ່ນຫຍັງ ?
ແມ່ນລະບົບ ບັນດາທັດສະນະລວມທີ່ສຸດຂອງຄົນເຮົາກ່ຽວກັບໂລກ (ທໍາມະຊາດ-ສັງຄົມ ແລະຈິນຕະນາການ) ແມ່ນໂລກະທັດຂອງຊົນຊັ້ນໜຶ່ງ ຫຼື ກໍາລັງຂອງສັງຄົມໃດໜຶ່ງ ທີ່ແນ່ນອນ.
2. ປັດຊະຍາມາກ - ເລນິນ ແມ່ນຫຍັງ ?
ແມ່ນທິສະດີວີທະຍາສາດ ແລະ ກໍ່ແມ່ນໂລກກະທັດຂອງຊົນຊັ້ນກຳມະກອນ ແລະ ຊາວຜູ້ອອກແຮງງານກ່ຽວກັບທຳມະຊາດ, ສັງຄົມ ແລະ ຈີນຕະນາການ.
3. ປັດຊະຍາມາກ - ເລນິນ ປະກອບດ້ວຍຈັກພາກ ? ຄືພາກໃດແດ່ ? ໃຫ້ອະທິບາຍແຕ່ລະພາກ
ມີ 2 ພາກຄື: ວັດຖຸນິຍົມສັດຈະວິພາກ ແລະ ວັດຖຸນິຍົມປະຫວັດວິພາກ.
ວັດຖຸນິຍົມສະແດງວ່າໂລກແມ່ນສິ່ງວັດຖຸ ມະນຸດສາມາດຮັບຮູ້ໂລກ ແລະ ດັດສ້າງໂລກໄດ້. ວັດຖຸເກີດກ່ອນຈີດໃຈ. ສັດຈະວິພາກໝາຍເຖີງໂລກວັດຖຸມີການເຄື່ອນເໜັງ, ພັດທະນາ ແລະ ປ່ຽນແປງໄປຢ່າງເປັນປະຈຳ.
ວັດຖຸນິຍົມປະຫວັດວິພາກ ໝາຍເຖີງທິດສະດີວິທະຍາສາດກ່ຽວກັບ ບັນດາກົດເກນລວມຂອງການພັດທະນາສັງຄົມ ແລະ ດັດສ້າງສັງຄົມແບບປະຕິວັດ.
4. ລະຫວ່າງວັດຖຸ ແລະ ຈິດໃຈອັນໃດມີກ່ອນ ແລະ ອັນໃດຕັດສິນ ?
ລະຫວ່າງວັດຖຸແລະຈິດໃຈແມ່ນວັດຖຸມີກ່ອນແລະວັດຖຸມີອັນຕັດສິນຈິດໃຈຍ້ອນວ່າ ໂລກນີ້ແມ່ນວັດຖຸທີ່ຄົງຕົວຢ່າງພາວະວິໄສບໍ່ຂື້ນກັບຈິດໃຈຄົນເຮົາແມ່ນພາກສ່ວນໜຶ່ງຂອງໂລກທຳມະຊາດແລະຈິດໃຈຂອງຄົນເຮົາແມ່ນຜະລິດຕະພັນໜຶ່ງທີ່ມີການຈັດ ຈັດສູງນັ້ນແມ່ນສະໝອງຂອງຄົນເຮົາ.
5. ຄົນເຮົາສາມາດຮັບຮູ້ໂລກໄດ້ບໍ ?
ຄົນເຮົາສາມາດຮັບຮູ້ໂລກໄດ້ ແລະ ຍັງສາມາດດັດສ້າງໂລກໄດ້ມີແຕ່ປະກົດການທີ່ບໍ່ທັນຄົ້ນຄວ້າພົບເທົ່າທີ່ບໍ່ສາມາດຮັບຮູ້ໂລກໄດ້.
6. ປັດຊະຍາມີປະຫວັດສາດແຫ່ງການກຳເນີດ ແລະ ຂະຫຍາຍຕົວແນວໃດ ?
ໃນການດຳລົງຊິວິດຂອງຄົນເຮົາໄດ້ພົວພັນກັບໂລກພາວະວິໄສຢ່າງສະນິດແໜ້ນທີ່ສຸດ.ເພື້ອມີຊີວິດຢູ່ຂອງຄົນເຮົາຕ້ອງຕໍ່ສູ້ກັບທຳມະຊາດແລະສັງຄົມໂດຍຜ່ານຂະບວນວິວັດແຫ່ງການຜະລິດແລະການເຄື່ອນໄຫວຂອງຊີວິດສັງຄົມ ເພື່ອດັດສ້າງໂລກທຳມະຊາດ,ສັງຄົມ,ຕາມຄາມຮຽກຮ້ອງຕ້ອງການ ແຫ່ງການດຳລົງຊີວິດຂອງສັງຄົມ ຜ່ານພຶດຕິກຳຕົວຈິງຢູ່ໃນການຜະລິດ,ການເຄື່ອນໄຫວດຳລົງຊີວິດແລະການຊອກຮູ້ທຳມະຊາດສັງຄົມຂອງຄົນເຮົາເປັນເວລາດົນນານ,ຄົນເຮົາກໍສາມາດສະສົມໄດ້ຄວາມຮູ້ກ່ຽວກັບທຳມະຊາດ,ສັງຄົມນັບມື້ນັບຫຼາຍແລະອຸດົມສົມບູນຂື້ນຢ່າງບໍ່ຢຸດຢັ້ງ,ດັ່ງນັ້ນປັດຊະຍາໃນຖານະເປັນລະບົບບັນດາທັດສະນະແລະຄວາມສຳນຶກລວມທີ່ສຸດຂອງຄົນເຮົາກ່ຽວກັບໂລກຈຶ່ງຄ່ອຍໆກຳເນີດຂື້ນແລະຂະຫຍາຍຕົວຢ່າງບໍ່ຢຸດຢັ້ງ.
7. ບັນຫາພື້ນຖານປັດຊະຍາແມ່ນຫຍັງ ? ຈົ່ງອະທິບາຍ
ບັນຫາພື້ນຖານປັດຊະຍາແມ່ນ ບັນດາປະກົດການທາງດ້ານວັດຖຸ (ການຄົງຕົວ) ແລະ ບັນດາປະກົດການທີ່ຂື້ນກັບສະຕິ (ຈິດໃຈ) ຂອງຄົນເຮົາເທົ່ານັ້ນວັດຖຸ ແລະ ຈິດໃຈແມ່ນສອງມາດຕະເກນທີ່ກວ້າງຂວາງກວ່າໝູ່ທີ່ໃຊ້ເພື້ອຊີ້ບອກເຖິງສອງປະກົດການນັ້ນ.
ການແກ້ໄຂບັນຫາພື້ນຖານປັດຊະຍາຕາມທັດສະນະວັດຖຸນິຍົມ ແລະ ຈິດນິຍົມ:
- ປັດຊະຍາວັດຖຸນິຍົມຕິດພັນກັບວິທະຍະສາດວັດຖຸແມ່ນມີກ່ອນບັນດາສິ່ງປະກົດການທີ່ເຮົາຮູ້ແລະເຫັນໄດ້ນັ້ນພຽງແຕ່ແມ່ນການສັງລວມບັນດາຄວາມຮູ້ສຶກດ້ວຍອິນຊີຂອງຄົນເຮົາເທົ່ານັ້ນ.
- ປັດຊະຍາວັດຖຸຈິຕະນິຍົມພົວພັນກັບສາດສະໜາແລະຜະລິດຕະພັນຂອງມັນສະໝອງຍ້ອນຈິດໃຈສຳບູນນີ້ຄົງຕົວຂະຫຍາຍຕົວຈຶ່ງສ້າງໂລກທຳມະຊາດແລະສ້າງມະນຸດຂື້ນຢູ່ພື້ນໜ້າໂລກນີ້.
8. ເປົ້າໝາຍຄົ້ນຄ້ວາປັດຊະຍາແມ່ນຫຍັງ?
ເປົ້າໝາຍຄົ້ນຄ້ວາປັດຊະຍາແມ່ນຄົ້ນຄ້ວາເຖິງບັນດາກົດເກນລວມທີ່ສຸດການເຄື່ອນເໜັງການຂະຫຍາຍຕົວຂອງໂລກທຳມະຊາດສັງຄົມແລະຈິຕະນາການບົນພື້ນຖານການແກ້ໄຂບັນຫາພື້ນຖານປັດຊະຍາຢ່າງຖືກຕ້ອງ
9. ຮຽນປັດຊະຍາເພືອຫຍັງ ?
ເຮັດໃຫ້ທຸກຄົນຮັບຮູ້ແຫ່ງການກຳເນີດ,ການພັດທະນາຂອງໂລກທຳມະຊາດສັງຄົມຢ່າງຖືກຕ້ອງແລະຊອກຫາສ່ອງທາງເພື່ອດຳເນີນການດັດສ້າງໂລກບົນພື້ນຖານວິທີວິທະຍາສາດ, ຄົ້ນຫາຂໍ້ຂັດແຍ້ງຂອງບັນຫາຕ່າງໆໃນຊິວິດປະຈຳວັນ ແລະ ໃຊ້ວິທີການອັນສອດຄ່ອງເພື່ອແກ້ໄຂບັນຫາຂໍ້ຂັດແຍ້ງດັ່ງກ່າວ ໃຫ້ຖືກຕ້ອງຕາມກົດເກນ, ຍົກລະດັບທິດສະດີໂດຍ ໃຫ້ຕິດພັນກັບພືດຕິກຳ ແລະ ສ້າງທັດສະນະອັນຖືກຕ້ອງໃນການດຳລົງຊີວິດ.
10. ລະບົບປັດຊະຍາແບ່ງອອກເປັນຈັກຝ່າຍ ? ຄືຝ່າຍໃດແດ່ ? ອະທິບາຍແຕ່ລະຝ່າຍ ?
ມີ 2 ຝ່າຍຄື: ຝ່າຍຈິດຕະນິຍົມ ແລະ ຝ່າຍວັດຖຸນິຍົມ.
1.ຝ່າຍຈິດຕະນິຍົມ ມີສອງນັກປັດຊະຍາຄື: ນັກປັດຊະຍາຈິດຕະນິຍົມ ອັດຕະວິໄສ ແລະ ນັກປັດຊະຍາຈິດຕະນິຍົມພາວະວິໄສ.
ນັກປັດຊະຍາຈິດຕະນິຍົມ ອັດຕະວິໄສ ຢືນຢັນວ່າ: ຈິດໃຈມີກ່ອນ, ວັດຖຸມີຕາມຫຼັງ, ຈິໃຈພາໃຫ້ເກືດມີວັດຖຸ ເຮັດໃຫ້ວັດຖຸມີຊີວິດ, ຈິດໃຈແມ່ນພື້ນຖານຂອງສີ່ງທີ່ມີຊິວິດທັງປວງມະນຸດບໍ່ສາມາດຮັບຮູ້ໂລກໄດ້.
ນັກປັດຊະຍາຈິດຕະນິຍົມ ພາວະວິໄສ ຊ້ຳພັດ ຢືນຢັນວ່າ: ມະນຸດບໍ່ສາມາດຮັບຮູ້ໂລກພະວະວີໄສ (ທຳມະຊາດ) ແຕ່ຮັບຮູ້ຄວາມຄິດຂອງຕົນເອງ, ຄວາມວິຕົກກາງວົນຂອງຕົນ ຫຼື ຮັບຮູ້ຈິດໃຈໂລກ (ພະຜູ້ເປັນເຈົ້າ).
2.ຝ່າຍວັດຖຸນິຍົມຢືນຢັນວ່າ: ວັດຖຸກັບຈິດໃຈ ແມ່ນວັດຖຸມີກ່ອນ, ຈິດໃຈມີຕາມຫຼັງ ວັດຖຸມີລັກສະນະຖາວອນ (ຄົງຕົວຢູ່ຕະຫຼອດໄປ), ບໍ່ມີຜູ້ໃດສ້າງຂື້ນມາຈັກເທື່ອ, ບໍ່ມີອິດທີກຳລັງໃດໆເໜືອທຳມະຊາດຄົງຕົວຢູ່ໃນໂລກສ່ວນຈິດໃຈນັ້ນແມ່ນໝາກຜົນແຫ່ງການສ່ອງແສງຂອງວັດຖຸ, ຈິດໃຈແມ່ນຜະລິດຕະພັນຂອງວັດຖຸທີ່ມີການຈັດຕັ້ງສູງໄດ້ແກ່ມັນສະໝອງຄົນເຮົາ.
11. ເປັນຫຍັງຊົນຊັ້ນກຳມະກອນຈິ່ງຕ້ອງການທິດສະດີປະຕິວັດ ?
ຍ້ອນວ່າຊົນຊັ້ນກຳມະກອນຕ້ອງການທິດສະດີປະຕິວັດຂອງມະຫາຊົນຊາວຜູ້ອອກແຮງງານໃນການຕໍ່ສູ້ປົດປ່ອຍຕົນເອງ ໃຫ້ລຸດພົ້ນອອກຈາກແອກກົດຂີ່ຂູດຮີດ,ແມ່ນວິທະຍາສາດກ່ຽວກັບການກໍ່ສ່າງສັງຄົມນິຍົມ ແລະ ກອມມູຍນິດນິຍົມຊື່ງກວມເອົາລະບົບ ທັດສະນະ ເຊັ່ນ: ປັດຊະຍາ, ເສດຖະສາດ ແລະ ທັດສະນະການເມືອງ - ສັງຄົມ.
12. ຄົນເຮົາສາມາດຮັບຮູ້ໂລກໄດ້ຜ່ານທາງອິນຊີທັງ 5 ມີຄື:
1.ຫູ: ເຮົາສາມາດເອົາໄວ້ຟັງສຽງທຸກສິ່ງທີ່ເກີດຂື້ນໃນແຕ່ລະມື້.
ຕົວຢ່າງ: ຟັງສຽງຄົນ, ຟັງສຽງເພັງ ແລະສຽງອື່ນໆ.
2.ຕາ: ເອົາໄວ້ເບິ່ງສິ່ງຕ່າງໆ.
ຕົວຢ່າງ: ເບິ່ງຄົນ,ເບິ່ງດອກໄມ້...ເຮົາຮູ້ສຶກໄດ້ວ່າເປັນຕາໜ້າເບິ່ງແລະບໍ່ເປັນຕາໜ້າເບິ່ງ
3.ດັງ: ເອົາໄວ້ດົມກິ່ນ
ຕົວຢ່າງ: ດົມນ້ຳຫອມ.ດົມດອກໄມ້ ເຮົາຮູ້ສຶກວ່າກິ່ນນັ້ນມັນເປັນກິ່ນແນວໃດ
4.ລີ້ນ: ລີ້ນເອົາໄວ້ຊີ້ມລົດຊາດ
ຕົວຢ່າງ: ເຮົາກິນສົ້ມເຮົາກໍ່ຈະຮູ້ວ່າມັນສົ້ມ.
5.ຜິວໜັງ: ເຮົາສາມາດເອົາໄວ້ສຳພັດ
13. ວິທີສັດຈະວິພາກແມ່ນຫຍັງ ?
ວິທີສັດຈະວິພາກ ແມ່ນວິທີການແກ້ໄຂບັນຫາແບບໂລຊິ ອະທິບາຍຢ່າງມີເຫດ ແລະ ຜົນ ແມ່ນວິທີການເບິ່ງໂລກໃນທ່າຂະຫຍາຍຕົວ, ມີການເຄື່ອນເໜັງ, ປ່ຽນແປງ ສັບສົນ ມີຂໍ້ຂັດແຍ່ງ ມີລັກສະນະປະຫວັດສາດ ແລະ ມີການພົວພັນເຊິ່ງກັນ ແລະ ກັນ.
14. ວິທີເມຕາຟີຊິກ (ວິທີອະພິທໍາ) ແມ່ນຫຍັງ ?
ແມ່ນວິທີການສັງເກດໂລກ ຢ່າງໂດດດ່ຽວ ດ້ານດຽວ ບໍ່ມີການເຄື່ອນເໜັງ, ບໍ່ມີການປ່ຽນແປງ, ບໍ່ມີການກໍາເນີດ ແລະ ການຂະຫຍາຍຕົວ, ຖ້າມີການເຄື່ອນເໜັງກໍພຽງແຕ່ການຍົກຍ້າຍທີຕັ້ງແບບງ່າຍດາຍເທົ່ານັ້ນ ແລະ ຂະຫຍາຍຕົວກໍພຽງແຕ່ແມ່ນການເພີ່ມຫຼືຫຼຸດລົງທາງດ້ານປະລິມານເທົ່ານັ້ນ ເຊິ່ງບໍ່ມີການປ່ຽນແປງທາງດ້ານຄຸນະພາບ, ເຂົາປະຕິເສດຂໍ້ຂັດແຍ່ງທີ່ຢູ່ພາຍໃນຂອງສິ່ງວັດຖຸ.
15. ວັດຖຸແມ່ນຫຍັງ ?
ແມ່ນມາດຕະເກນໜຶ່ງ ຂອງປັດຊະຍາ ທີ່ໃຊ້ເພື່ອຊີ້ບອກສິ່ງທີ່ດໍາລົງຄົງຕົວຢ່າງພາວະວິໄສ ເຊິ່ງຄົນເຮົາສາມາດຮັບຮູ້ໄດ້ ໂດຍຜ່ານການາພັດທາງອິນຊີຂອງຄົນເຮົາ ຈາກການຈົດກາຍຖ່າຍທອດ ແລະ ສ່ອງແສງຄືນ ສິ່ງເຫຼົ່ານັ້ນຄົງຕົວຢູ່ໂດຍບໍ່ຂຶ້ນກັບຈິດໃຈຂອງຄົນເຮົາ.
16. ການເຄື່ອນເໜັງແມ່ນຫຍັງ ?
ການເຄື່ອນເໜັງ ແມ່ນແບບວິທີການຄົງຕົວ ແມ່ນລັກສະນະປະຈໍາຕົວທີ່ມີມາແຕ່ເດີມຂອງວັດຖຸ ການເຄື່ອນເໜັງ ແມ່ນບັນດາການປ່ຽນແປງ ແລະ ທຸກຂະບວນວິວັດທີ່ສະແດງອອກໃນຈັກກະວານ ນັບແຕ່ການປ່ຽນແບບງ່າຍດາຍ ຈົນເຖິງການປ່ຽນແປງແບບສັບສົນ.
17. ກາລະ ແລະ ເທສະ ແມ່ນຫຍັງ ?
ກາລະ : ແມ່ນສິ່ງທີ່ຊີ້ບອກການເຄື່ອນເໜັງຂອງສິ່ງວັດຖຸ ແລະ ປາກົົດການ ເຊິ່ງໄດ້ເກີດຂຶ້ນ ໃນເວລາໃດ ? ວັນທີ. ເດືອນ ປີໃດ ໄວ ຫຼື ຊ້າ.
ເທສະ : ແມ່ນສິ່ງທີ່ຊີ້ບອກວ່າທຸກສິ່ງວັດຖຸ ແລະ ປາກົດການລ້ວນແຕ່ມີຂະໜາດ ແລະ ຂອບເຂດອັນແນ່ນອນຂອງມັນເຊັ່ນ: ຕໍ່າ, ສູງ, ສັ້ນ, ຍາວ, ກວ້າງ, ແຄບ,ຢູ່ໃກ້ ຫຼ ໄກ, ຢູ່ເບື້ອງເທິງຫຼືລຸ່ມ, ຊ້າຍ ຫຼື ຂວາ.
18. ການຂະຫຍາຍຕົວແມ່ນຫຍັງ ?
ການຂະຫຍາຍຕົວແມ່ນຄວາມສໍານຶກເພື່ອໃຊ້ສັງລວມບັນດາການເຄື່ອນເໜັງທີ່ໄປຕາມທິດກ້າວຂຶ້ນແຕ່ຕໍ່າຫາສູງ ແຕ່ງ່າຍດາຍໄປຫາສັບສົນ ແຕ່ສິ່ງທີບໍ່ທັນສົມບູນກ້າວໄປຫາສົມບູນ ອັນໃໝ່ເກີດຂຶ້ນແທນອັນເກົ່າ ອັນກ້າວໜ້າປ່ຽນແທນອັນຫຼ້າຫຼັງ.
19. ກົດເກນແມ່ນຫຍັງ ?
ແມ່ນ ຄວາມສໍານຶກທີ່ສ່ອງແສງການພົວພັນທີ່ເປັນທາດແທ້ແນ່ນອນ ຈໍາເປັນ ແລະ ມີລັກສະນະປົກກະຕິ ລໍາໄປລໍາມາຂອງບັນດາສິ່ວັດຖຸ ແລະ ປະກົດການ ສິ່ງດັ່ງກ່າວເຫຼົ່ານັ້ນມີການປ່ຽນແປງໄດ້ຍາກ.
20. ຄຸນະພາບແມ່ນຫຍັງ ?
ແມ່ນ ຄວາມສໍາທີ່ຊີ້ບອກລັກສະນະກໍານົດພາຍໃນ ທີ່ມີມາແຕ່ເດີມຂອງສິ່ງວັດຖຸ ແລະ ປະກົດການ ແມ່ນການສັງລວມບັນດາລັກສະນະປະຈໍາຕົວເພື່ອຈໍາແນກສິ່ງວັດຖຸນີ້ກັບວັດຖຸອື່ນ ແລະ ປາກົດການນີ້ກັບປະກົດການອື່ນ.
21. ປະລິມານແມ່ນຫຍັງ ?
ແມ່ນ ຄວາມສໍານຶກທີ່ໃຊ້ເພື່ອຊີ້ບອກລັກສະນະປະຈໍາຕົວທີ່ມີມາແຕ່ເດີມຂອງສິ່ງວັດຖຸ ແລະ ປາກົດການ ປະລິມານບໍ່ໄດ້ເວົ້າແຈ້ງເຖິງຄວາມແຕກຕ່າງລະຫວ່າງສິ່ງວັດອື່ນ ພຽງແຕ່ເວົ້າເຖິງຂອບເຂດ ຂະໜາດຂອງສິ່ງວັັດຖຸ ແລະ ປະກົດການ.
22. ລັດມູນພື້ນຖານຂອງລັດທິວັດຖຸນິຍົມສັດຈະວິພາກມີຈັກຫຼັກມູນ? ຄືຫຼັກມູນໃດແດ ?
ມີ 2 ຫຼັກມູນຄື:
- ຫຼັກມູນການພົວພັນທົ່ວໄປຂອງບັນດາສິ່ງວັດຖຸ ແລະ ປະກົດການ.
- ຫຼັກມູນການຂະຫຍາຍຕົວຂອງບັນດາສິ່ງວັດຖຸ ແລະ ປະກົດການ.
23. ກົດເກນພື້ນຖານຂອງລັດທິວັດຖຸນິຍົມສັດຈະວິພາກມີຈັກກົດເກນ ? ຄືກົດເກນໃດແດ່ ?
ມີ 3 ກົດເກນຄື:
- ກົດເກນວ່າດ້ວຍຄວາມເປັນເອກະພາບ ແລະ ຕໍ່ສູ້ຂອງບັນດາດ້ານທີກົງກັນຂ້າມ.
- ກົດເກນການຫັນປ່ຽນຈາກການປ່ຽນແປງທາງດ້ານປະລິມານກາຍເປັນການປ່ຽນແປງທາງດ້ານຄຸນະພາບ.
- ກົດເກນການປະຕິເສດຊ້ອນປະຕິເສດ.
24. ບັນດາຄູ່ມາດຕະເກນພື້ນຖານຂອງລັດທິວັດຖຸນິຍົມສັດຈະວິພາກມີຈັກຄູ່ມາດຕະເກນ ? ຄືຄູ່ມາດຕະເກນໃດແດ່ ?
ມີ 6 ຄູ່ມາດຕະເກນຄື:
- ອັນສະເພາະ ແລະ ອັນລວມ
- ສາເຫດ ແລະ ໝາກຜົນ
- ອັນແນ່ນອນ ແລະ ອັນບັງເອີນ
- ເນື້ອໃນ ແລະ ຮູບການ
- ທາດແທ້ ແລະ ປະກົດການ
- ຄວາມອາດສາມາດ ແລະ ຄວາມເປັນຈິງ.
25. ມາດຕະເກນແມ່ນຫຍັງ ?
ແມ່ນ ຄວາມສໍານຶກລວມທີ່ສຸດ ເຊິ່ງສ່ອງແສງເຖິງບັນດາດ້ານ ບັນດາລັກສະນະປະຈໍາຕົວທີ່ມີມາແຕ່ເດີມ ບັນດາການພົວພັນພື້ນຖານແຜ່ຫຼາຍທົ່ວໄປຂອງໂລກພາວະວິໄສ.
26. ກົດເກນປະຕິເສດຊ້ອນປະຕິເສດແມ່ນຫຍັງ ?
ແມ່ນ ໜຶ່ງໃນສາມກົດເກນພື້ນຖານຂອງລັດທິວັດຖຖຸນິຍົມສັດຈະວິພາກ ໄດ້ເວົ້າເຖິງທ່າອ່ຽງການຂະຫຍາຍຕົວຂອງສິ່ງວັດຖຸ ແລະ ປາກົດການໃນໂລກພາວະວິໄສ ມັນແມ່ນຂີດໝາຍບາກກ້າວສໍາຄັນຝນຂະບວນວິວັດ ແລະ ການກໍານົດຂອບເຂດ ຄິດຕໍ່ລະຫວ່າງອັນເກົ່າ ແລະ ອັນໃໝ່.
27. ການປະຕິເສດແບບສັດຈະວິພາກແມ່ນການປະຕິເສດແນວໃດ ?
ແມ່ນ ການປ່ຽນແທນອັນເກົ່າດ້ວຍອັນໃໝ່ ແຕ່ບົນພື້ນຖານອັນເກົ່າ ການປະຕິເສດແບບສັດຈະວິພາກ ແມ່ນການປະຕິເສດດ້ວຍຕົວມັນເອງຂອງສິ່ງວັດຖຸ ແລະ ປະກົດການ.
28. ອັນສະເພາະແມ່ນຫຍັງ ?
ແມ່່ນ ມາດຕະເກນໜຶ່ງທີ່ໃຊ້ເພື່ອຊີ້ບອກສິ່ງວັດຖຸ ແລະ ປະກົດການ ຫຼື ຂະບວນການອັນໃດອັນໜຶ່ງຢູ່ໃນໂລກພາວະວິໄສ ມັນສ່ອງແສງຈຸດພິເສດສະເພາະຂອງແຕ່ລະວັດຖຸ ປະກົດການ ແລະ ຂວນວິວັດນັ້ນ.
29. ອັນລວມແມ່ນຫຍັງ ?
ແມ່ນ ມາດຕະເກນໜຶ່ງທີ່ໃຊ້ເພື່ອຊີ້ບອກບັນດາດ້ານ ບອກລັກສະນະປະຈໍາຕົວ ບັນການພົວພັນຊໍ້າໄປຊໍ້າມາຄ້າຍຄືກັນຂອງສ່ິງວັດຖຸ, ປະກົດການ ແລະ ຂະບວນວິວັດ.
30. ສາເຫດແມ່ນຫຍັງ ?
ສາເຫດ ແມ່ນມາດຕະເກນໜຶ່ງທີ່ໃຊ້ເພື່ອຊີ້ບອກການກະທົບເຊິ່ງກັນ ແລະ ກັນລະຫວ່າງບັນດາດ້ານພາຍໃນຂອງສິ່ງວັດຖຸ ແລະ ປະກົດການອັນໜຶ່ງ ຫຼື ລະຫວ່າງສິ່ງວັດຖຸ ແລະ ປະກົດການ.
31. ໝາກຜົນແມ່ນຫຍັງ ?
ໝາກຜົນ ແມ່ນມາດຕະເກນໜຶ່ງທີ່ໃຊ້ເພື່ອຊີ້ບອກບັນດ້ານການຫັນປ່ຽນຂອງສິ່ງວັດຖຸ ແລະ ປະກົດການທີຫາກໍ່ປະກົດຂຶ້ນ ຍ້ອນໜຶ່ງຫຼືຫຼາຍສາເຫດ.
32. ທາດແທ້ແມ່ນຫຍັງ ?
ແມ່ນ ການລວບລວມບັນດາດ້ານ ບັນດາການພົວພັນທີ່ມີລັກສະນະຈໍາເປັນ ທີ່ປົກກະຕິ ສໍາພັດຢູ່ເບື້ອງໃນຂອງສິ່ວັດຖຸ ແລະ ປາກົດການ ມັນກໍານົດການເຄື່ອນເໜັງ ແລະ ການຂະຫຍາຍຕົວຂອງສິ່ງວັດຖຸ ແລະ ປາກົດການ.
33. ສະຕິແມ່ນຫຍັງ ?
ແມ່ນບັນດາເຄືອນເໜັງທັງໝົດທາງດ້ານຈິດໃຈຂອງຄົນ, ແມ່ນສິ່ງທີ່ຄົງຕົວໄດ້, ມັນແມ່ນວິນຍານຂອງຄົນເຮົາ ມັນຈະອອກຈາກຮ່າງກາຍຂອງຄົນເຮົາທີ່ຕາຍໄປແລ້ວ.
34. ສະຕິເກີດມາຈາກປັດໃຈ ? ຄືປັດໃຈໃດແດ່ ?
ມີ 4 ປັດໃຈຄື:
- ເກີດມາຈາກການອອກແຮງງານ: ຜ່ານການອອກແຮງງານຂອງຄົນເຮົາເປັນເວລາດົນນານຈຶ່ງເຮັດໃຫ້ຄົນເຮົາອຸດົມສົມບຸນຂື້ນ.
- ເກີດມາຈາກໂລກພາວະວິໄສ: ໂລກພາວະວິໄສສ່ອງແສງເຂົ້າໃນມັນສະໝອງຂອງຄົນເຮົາພາໃຫ້ເກີດມີສະຕິ.
- ເກີດມາຈາກກະໂຕມັນສະໝອງຂອງຄົນເຮົາ: ມັນສະໝອງຂອງຄົນເຮົາແມ່ນສູນກາງວິຊາການເຄືອນໄຫວຂອງຄົນ.
- ເກີດມາຈາກຄຳເວົ້າ: ພາສາຄຳເວົ້າແມ່ນເປືອກຂອງສະຕິ.
35. ການພົວພັນລະຫວ່າງວັດຖຸ ກັບ ສະຕິມີ ຄືແນວໃດ ?
ວັດຖຸ ແລະ ສະຕິມີການພົວພັນກັນຢ່າງສະໜິດແໜ້ນໃນນັ້ນວັດຖຸຕັດສິນສະຕິ (ຈິດໃຈ) ແຕ່ເມື່ອສະຕິເກີດຂື້ນມັນກໍ່ມີບົດບາດກະທົບຄືນຕໍ່ວັດຖຸຢ່າງຕັ້ງໜ້າ. ບົດບາດຂອງສະຕິ (ຈິດໃຈ) ເນື້ອແທ້ແມ່ນບົດບາດຂອງຄົນຕົວຢ່າງ: ຄົນສະຕິບໍ່ດີເຮັດຫຍັງກໍ່ບໍ່ເປັນ ນັ້ນມັນສະແດງໃຫ້ເຫັນວ່າກະທົບກັບວັດຖຸໂດຍກົງດັ່ງນັ້ນ: ທາດແທ້ຂອງສະຕິແມ່ນການສ່ອງແສງຕົວຈິງພາວະວິໄສແຕ່ແມ່ນຮູບການສ່ອງແສງສູງສຸດທີ່ມີລັກສະນະສັງເຂບແລະຕື່ນຕົວ ມີແຕ່ຄົນເຮົາເທົ່ານັ້ນຈິ່ງມີສິ່ງດັ່ງກ່າວ ສັດເດຍລະສານແມ່ນບໍ່ມີ.
36. ມາດຕະເກນປັດຊະຍາແມ່ນຫຍັງ ?
ມາດຕະເກນແມ່ນບັນດາຄວາມສຳນຶກລວມທີ່ສຸດເຊິ່ງຊ່ອງແສງເຖິງບັນດາດ້ານ, ບັນດາລັກສະນະປະຈຳຕົວທີ່ມີມາແຕ່ເດີມ, ບັນດາການພົວພັນພື້ນຖານ ແລະແຜ່ຫຼາຍທົ່ວໄປໂລກພາວະວິໄສ.
37. ມາດຕະເກນເກີດຂື້ນແນວໃດ ?
ມາດຕະເກນເກີດຂື້ນຈາກພຶດຕິກຳຂອອງຄົນເຮົາ ເຊິ່ງໃນພຶດຕິກຳນັ້ນຄົນເຮົາຮູ້ກ່ຽວກັບໂລກແລະກະທົບໃສ່ໂລກໃນຂະບວນວິວັດແຫ່ງການສ້າງຄວາມຮັບຮູ້ກ່ຽວກັບໂລກນັ້ນແມ່ນຂະບວນແຫ່ງການສຳນຶກ ລວມ.
38. ການພົວພັນລະຫວ່າງເນື້ອໃນ ແລະ ຮູບການ ແມ່ນແນວໃດ ?
ເນື້ອໃນ ແລະ ຮູບການເປັນຮູບການເອກະພາບໜຶ່ງບໍ່ວ່າແນວໃດກໍ່ສະແດງອອກພາຍໃຕ້ຮູບການອັນໜຶ່ງທີ່ແນ່ນອນບໍ່ວ່າສິ່ງວັດຖຸໃດກໍ່ມີທັງເນື້ອໃນແລະຮູບການເນື້ອໃນໜຶ່ງອາດສະແດງດ້ວຍຫລາຍຮູບການ ຮູບການໜຶ່ງອາດສະແດງເຖິງຫຼາຍເນື້ອໃນ.
ໃນສິ່ງວັດຖຸໃດໜຶ່ງເນື້ອໃນຕັດສີ້ນຮູບການ. ຕັດສິ້ນແບບວິທີຈັດວ່າງຊັບຊ້ອນແລະແບບວິທີສະແດງອອກເຊັ່ນ: ຕໍ່ໃນເນື້ອໃນການດຳລົງຊິວິດຂອງຄົນ ຕັດສິນບັນຫາຮູບການດຳລົງຊິວິດແລະການພົວພັນສັງຄົມຂອງຄົນ ເນື້ອໃນປ່ຽນແປງມັນຮຽກຮ້ອງໃຫ້ຮູ້ການປ່ຽນແປງໄປ.
ຮູບການເວລາໃດມັນກໍກະທົບໃສ່ເນື້ອໃນຢ່າງເປັນປະຈຳ ອາດຂະຫຍາຍເນື້ອໃນບິດເບື່ອນເນື້ອໃນຫຼືອາດຈະມ້າງເພເນື້ອໃນເມືອມັນບໍ່ສ່ອດຄ່ອງກັບເນື້ອໃນ
ດັ່ງນັ້ນຖ້າຮູ້ແກ້ໄຂຂໍ້ຂັດແຍ່ງລະຫວ່າງເນື້ອໃນແລະຮູບການຢ່າງທັນເວລາກໍ່ຈະເຮັດໃຫ້ສິ່ງວັດຖຸຂະຫຍາຍຕົວຢ່າງວ່ອງໄວເວລາກົງກັນຂ້າມ.
39. ຄວາມເປັນເອກະພາບລະຫວ່າງອັນແນ່ນອນ ແລະ ອັນບັງເອີນສະແດງອອກມີຫຍັງແດ່ ?
ອັນແນ່ນອນ: ຍາມໃດກໍ່ຂີດເສັ້ນທາງເດີນໃຫ້ແກ່ຕົນເອງໂດຍຜ່ານອັນບັງເອີນແລະຍາມໃດກໍ່ແມ່ນຮູບການສະແດງອອກອັນແນ່ນອນ, ເຂດແດນລະຫວ່າງອັນແນ່ນອນແລະອັນບັງເອີນມີລັກສະນະສຳພັດຖານ (ຊົ່ວຄາວ) ເທົ່ານັ້ນ, ອັນແນ່ນອນ ແລະ ອັນບັງເອີນຈະຜັນປ່ຽນບ່ອນໃຫ້ແກ່ກັນຢູ່ໃນເງື່ອນໄຂອັນແນ່ນອນໃດໜຶ່ງ.
40. ການພົວພັນລະຫວ່າງທາດແທ້ ແລະ ປະກົດການ ແມ່ນແນວໃດ ?
ທາດແທ້ ແລະ ກົດການແມ່ນສອດຄ່ອງດ້ານທີ່ເປັນເອກະພາບກັນ ນອນຢູ່ໃນສິ່ງວັດຖຸໜຶ່ງແລະມີການພົວພັນແບບສັດຈະວິພາກນຳກັນ ທາດແທ້ສະແດງອອກໂດຍຜ່ານປະກົດການຍາມໃດກໍ່ແມ່ນການສະແດງແບບທາດແທ້.
41. ການພົວພັນລະຫວ່າງຄວາມອາດສາມາດ ແລະ ຄວາມເປັນຈິງ ແມ່ນແນວໃດ ?
ຄວາມເອກະພາບກັນລະຫວ່າງຄວາມອາດສາມາດ ແລະ ຄວາມເປັນຈິງເມື່ອສິ່ງວັດຖຸໃໝ່ (ແມ່ນຄວາມເປັນຈິງໃໝ່)ແລະກໍແມ່ນຄວາມອາດສາມາດໃໝ່ ກໍ່ຈະຫັນກາຍເປັນຄວາມຈິງໃນເງືອນໄຂທີ່ເໝາະສົມຄວາມອາດສາມາດຈະຫັນກາຍເປັນຈິງ ເງືອນໄຂທີ່ເໝາະສົມບໍ່ແມ່ນທຸກຄວາມສາມາດຈະກາຍເປັນຈິງໄດ້. ມີເງືອນໄຂທີ່ແນ່ນອນມີຫລາຍຄວາມອາດສາມາດທີບໍ່ແນ່ນອນ ບໍ່ແມ່ນມີແຕ່ຄວາມອາດສາມາດດຽວເຊັ່ນ:ການຍິ່ງເປົ້າບໍຖືກຈຸດໃດໜຶ່ງຕ້ອງຖືກຈຸດໜຶ່ງນີ້ແມ່ນຫຼາຍຄວາມອາດສາມາດ, ເວລາເງື່ອນໄຂເກີດຂື້ນໃໝ່ໃນສິ່ງວັດຖຸກໍ່ຈະປະກົດຂື້ນມີຄວາມອາດສາມາດໃໝ່ເກີດຂື້ນນອກຈາກຄວາມອາດສາມາດທີ່ເກີດຂື້ນທີ່ມີຢູ່ແລ້ວ.
42. ຈົ່ງຈຳແນກການພົວພັນສັດຈະວິພາກຂອງມາດຕະເກນ ?
ບັນດາຄູ່ມາດຕະເກນພື້ນຖານຂອງສັດຈະວິພາກຍັງມີໝ້າທີ່ຄົ້ນຄ້ວາປະກອບເພີ່ມເຕີ່ມໃຫ້ແກ່ບັນດາພື້ນຖານອີກ ສິ່ງທີ່ບັນດາສາມກົດເກນພື້ນຖານຍັງບໍ່ທັນໄດ້ເວົ້າເຖິງ ແຕ່ພວກມັນກໍ່ບໍ່ຄວນເຂົ້າໃຈວ່າບັນດາຄູ່ມາດຕະເກນນີ້ມີລັກສະນະສົມບູນຄົບຖ້ວນ ເປັນຈິງທັງໝົດຂອງພາວະວິໄສ ພວກເຮົາຍັງມີໜ້າທີ່ຄົ້ນຄ້ວາຊອກຮູ້ບັນຫາສາມມາດຕະເກນຕື່ມອີກ.
43. ການເຄື່ອນເໜັງຂອງວັດຖຸມີຈັກຮູບແບບ ? ຄືຮູບແບບໃດແດ່ ? ໃຫ້ອະທິບາຍແຕ່ລະຮູບແບບ
ມີ 5 ຮູບແບບຄື:
- ການເຄື່ອນເໜັງແບບກົນຈັກ:ໄດ້ແກ່ການປ່ຽນແປງທີ່ຕັ້ງຂອງວັດຖຸໃນກາງຫາວ ( ເທສະ )
- ການເຄື່ອນເໜັງແບບຟີຊິກສາດ:ໄດ້ແກ່ການເຄື່ອນເໜັງຂອງຄວາມຮ້ອນ, ໄຟຟ້າ, ການເຄື່ອນເໜັງພາຍໃນປາລະມານູແລະ ພາຍໃນ ນິວເຄຼຍ.
- ການເຄື່ອນເໜັງແບບຊິວະສາດ: ໄດ້ແກ່ການເຄື່ອນໄຫວຂອງສິ່ງທີ່ມີຊີວິດ ແລະ ການຈະເລີນເຕີບໂຕຂອງຮ່າງກາຍ.
- ການເຄື່ອນເໜັງແບບເຄມີສາດ: ໄດ້ແກ່ການສັງເຄາະ ແລະ ການວິເຄາະຂອງໂມເລກຸນ
- ການເຄື່ອນເໜັງແບບສັງຄົມ:ໄດ້ແກ່ຂະບວນວິວັດຂອງຊິວິດສັງຄົມ ແລະ ການພັດທະນາສັງຄົມ.
44. ວັດຖຸ ແລະ ສະຕິມີສາຍພົວພັນກັນແນວໃດ ?
ແມ່ນຄຸນລັກສະນະຂອງມັນສະໝອງທຳມະດາ, ຫາກແມ່ນຄຸນລັກສະນະຂອງມັນສະໝອງທີ່ກະທົບໄປຕໍ່ໂລກວັດຖຸ ສະຕິແມ່ນຄວາມສາມາດຂອງວັດຖຸທີ່ມີການຈັດຕັ້ງສູງໃນການສ່ອງແສງຈາກໂລກພາວະວິໄສໂດຍສະແດງເປັນຮູບພາບຈິດໃຈ (ລວມຄວາມຄິດ ແລະ ອຸດົມຄະຕິ).
45. ເປັນຫຍັງຈິງວ່າແຮງງານສ້າງມະນຸດ ແລະ ເປັນຕົ້ນກຳເນີດຂອງສະຕິ ?
ຍ້ອນການອອກແຮງງານບັນພະບູລຸດຂອງພວກເຮົາໃນສະໄໝດຶກດຳບັນທີ່ຍັງເປັນຄົນປ່າຢູ່ນັ້ນໄດ້ກາຍມາເປັນຄົນທີ່ມີສະຕິສຳປະສັນຍະ. ຄົນສະຫຼາດ ການອອກແຮງງານໄດ້ຊ່ວຍໃຫ້ຄົນມີອາຫານ, ເຄື່ອງນຸ່ງຮົ່ມ ແລະ ທີ່ຢູ່ອາໄສ. ມະນຸດບໍ່ພຽງແຕ່ສາມາດກອລກູ້ຕົນເອງອອກຈາກໄພທຳມະຊາດໄດ້ເທົ່ານັ້ນ, ຫາກຍັງສາມາດເອົາຊະນະ ແລະ ຄອບຄຸມໄພພິບັດເຫຼົ່ານັ້ນໄດ້. ຜ່ານການອອກແຮງງານມະນຸດໄດ້ປ່ຽນແປງຕົນເອງ ແລະ ປ່ຽນແປງໃບໜ້າຂອງໂລກພວກເຮົາໄດ້ອີກ. ແຮງງານແມ່ນຊັບສົມບັດອັນຍີ່ງໃຫຍ່ຂອງມະນຸດ ແລະ ທັງເປັນເງື່ອນໄຂອັນຈຳເປັນໃຫ້ແກ່ການດຳລົງຊີວິດ ແລະ ການພັດທະນາມະນຸດອີກດ້ວຍ.
46. ສັດຈະວິພາກ ແມ່ນຫຍັງ ?
ແມ່ນແບບວິທີເບິ່ງໂລກຢູ່ໃນສາຍກ້ຽວພັນການເຄື່ອນເໜັງ, ປ່ຽນແປງ ແລະ ພັດທະນາຕະຫຼອດໄປ, ວິທີສັດຈະວິພາກ ຍັງແມ່ນການເບິ່ງໂລກ ເຊິ່ງວັດຖຸທຸກສິ່ງທຸກຢ່າງມີການພົວພັນເຊິ່ງກັນແລະກັນ.
47.ການພັດທະນາ ແມ່ນຫຍັງ ?
ແມ່ນຂະບວນວິວັດແຫ່ງການປ່ຽນແປງ ແຕ່ຕໍ່າຫາສູງ ແລະ ກໍແມ່ນການປ່ຽນແປງທາງດ້ານທາດແທ້.
48. ຈົ່ງອະທິບາຍເນື້ອໃນສັດຈະວິພາກ ແມ່ນທິດສະດີກ່ຽວກັບການພັດທະນາ ?
ແມ່ນການສຶກສາເບິ່ງໂລກຢູ່ໃນພາວະເຄື່ອນເໜັງ, ຢ່ຽນແປງ ແລະ ພັດທະນາຕະຫຼອດໄປ, ການພັດທະນາ ແມ່ນຂະບວນວິວັດແຫ່ງການປ່ຽນແປງ ແຕ່ຕໍ່າຫາສູງ ແລະ ກໍແມ່ນການປ່ຽນແປງທາງດ້ານທາດແທ້, ທຸກສິ່ງທຸກຢ່າງໃນໂລກ ລ້ວນແຕ່ພັດທະນາ, ດາວພະເຄາະຈຳນວນອະສົງໄຂ, ສຸລິຍະຈັກກະວານ, ໜ່ວຍໂລກ ແລະ ທຸກສິ່ງວັດຖຸໃນໂລກແມ່ນຜົນແຫ່ງການພັດທະນາອັນຍາວນານຂອງວັດຖຸໃນຂະບວນວິວັດທະນາການຂອງໂລກວັດຖຸໄດ້ມີມະນຸດປະກົດຕົວຂື້ນມາ ຊິ່ງຖືວ່າ ເປັນສິ່ງທີ່ມີຊີວິດສົມບູນກ່ວາໝູ່ໝົດ.
49. ເປັນຫຍັງຈິ່ງວ່າສັດຈະວິພາກ ແມ່ນທິດສະດີກ່ຽວກັບສາຍພົວພັນກວມລວມ ?
ແມ່ນສາຍພົວພັນກວມລວມຂອງສິ່ງວັດຖຸ ແລະ ປະກົດການ ຈິ່ງແມ່ນຈຸດພິເສດອັນສຳຄັນຂອງໂລກວັດຖຸ, ເລນີນຊີ້ແຈງວ່າ ຢາກຮູ້ຈັກສິ່ງວັດຖຸ, ຕ້ອງສຶກສາຄົ້ນຄ້ວາສິ່ງນັ້ນຢ່າງຮອບດ້ານ ແລະ ສຶກສາສາຍພົວພັນທຸກຢ່າງຂອງມັນ, ອັນນີ້ກໍແມ່ນໜ້າທີ່ສຳຄັນອີກຢ່າງໜຶ່ງຂອງສັດຈະວິພາກວັດຖຸນິຍົມ.
50. ກົດເກນແມ່ນຫຍັງ ?
ແມ່ນສາຍພົວພັນຈຳເປັນລວມຢ່າງພາວະວິໄສ ທີ່ສະແດງໃຫ້ເຫັນລັກສະນະທີ່ໝັ້ນຄົງ ແລະ ຊ້ຳໄປຊ້ຳມາ ເຊິ່ງໄດ້ກຳນົດທາດແທ້ ແລະ ທ່າອ່ຽງຂອງການພັດທະນາສິ່ງວັດຖຸ ແລະ ປະກົດການ.
51. ກົດເກນພື້ນຖານສັດຈະວິພາກ ວັດຖຸນິຍົມມີຫຍັງແດ່ ?
- ກົດເກນການເອກະພາບ ແລະ ການຕໍ່ສູ້ລະຫວ່າງບັນດາດ້ານທີ່ກົງກັນຂ້າມ.
- ກົດເກນແຫ່ງການປ່ຽນແປງດ້ານປະລິມານໄປສູ່ການປ່ຽນແປງດ້ານຄຸນນະພາບ.
- ກົດເກນແຫ່ງການປະຕິເສດຊ້ອນປະຕິເສດ.
52. ຈົ່ງບອກກົດເກນແຫ່ງເອກະພາບ ແລະ ການຕໍ່ສູ້ລະຫວ່າງສິ່ງກົງກັນຂ້າມ, ແລ້ວຍົກຕົວຢ່າງກ່ຽວປະກົດການຟີຊິກ ຫຼື ເຄມີເພື່ອພິສູດ ?
ແມ່ນກົດເກນນີ້ໄດ້ຊີ້ບອກໃຫ້ເຫັນບໍ່ເກີດ ແລະ ທີ່ມາອັນແທ້ຈິງຂອງການເຄື່ອນໜູນ ແລະ ການພັດທະນາຂອງໂລກວັດຖຸ.
ຕົວຢ່າງ : ຂອງບັນດາດ້ານທີ່ກົງກັນຂ້າມ ທີ່ຢູ່ໃນວັດຖຸດຽວກັນ, ໄດ້ແກ່, ໂປຣຕົງ ແລະ ເອເລັກຕຼົງ ອັນເປັນອະນຸພາກ ດັ້ງເດີມ ທີ່ກົງກັນຂ້າມກັນຢູ່ຮ່ວມກັນໃນປະລະມາພູດຽວກັນ, ອິນຊີມີຊີວິດ, ມີຂະບວນວິວັດກົງກັນຂ້າມຄື: ການດູດຊືມ ແລະ ການຂັບຖ່າຍ, ຂະບວນວິວັດທາງຈິດມີການກະຕຸ້ນ ແລະ ການຫັກຫ້າມ, ສັງຄົມມີຊົນຊັ້ນທີ່ກົງກັນຂ້າມຄື: ເຈົ້າທາດກັບຂ້າທາດ, ສັກດິນາກັບຊາວນາ, ນາຍທືນກັບຊາວກຳມະຊີບ ການຄິດຫາເຫດ ຜົນມີສິ່ງກົງກັນຂ້າມຄື: ການອະນຸມານ ແລະ ການອຸປະມານ.
53. ຈົ່ງບອກກົດເກນແຫ່ງການຂ້າມຜ່ານຈາກການປ່ຽນແປງດ້ານປະລິມານ ໄປສູ່ການປ່ຽນແປງດ້ານຄຸນນະພາບ, ຍົກຕົວຢ່າງກ່ຽວກັບຊີວິດສັງຄົມ ?
ແມ່ນການປ່ຽນແປງດ້ານປະລິມານ ແລະ ການປ່ຽນແປງດ້ານຄຸນນະພາບ ມີຈຸດພິເສດແຕກຕ່າງກັນຄື,ການປ່ຽນແປງດ້ານປະລິມານ ປະກົດຂື້ນແບບຊ້າໆ ແລະ ຄ່ອຍເປັນຄ່ອຍໄປ ແຕ່ຕໍ່ເນື່ອງ, ສ່ວນການປ່ຽນແປງດ້ານຄຸນນະພາບ ແມ່ນປະກົດຂື້ນແບບໄວວາຈະແຈ້ງ ແລະ ຂາດບັ້ນຂາດຕອນ, ການປ່ຽນແປງດ້ານຄຸນນະພາບໄດ້ປະ ກົດຂື້ນໂດຍຜ່ານບາດກ້າວກະໂດດຂັ້ນ, ບາດກ້າວປ່ຽນແປງແບບກະໂດດຂັ້ນຈະພາໃຫ້ມີການພັດທະນາຂື້ນ, ກົງກັນຂ້າມອາດຈະມີບາດກ້າວຖອຍຫຼັງ.
ຕົວຢ່າງ : ສປປລາວ ປັດຈຸບັນກຳລັງສ້າງປະຖົມປັດໃຈ ເພື່ອກ້າວຂື້ນຕາມເສັ້ນທາງສັງຄົມນິຍົມເທື່ອລະກ້າວຢ່າງມີຫຼັກການ, ປະຖົມປັດໃຈເຫຼົ່ານັ້ນໄດ້ແກ່ການເຮັດໃຫ້ບໍລິມາດການຜະລິດອຸດສາຫະກຳ,ກະສິກຳ ແລະ ປ່າໄມ້ເພີ່ມຂື້ນ, ລະດັບການພັດທະນາເສດຖະກິດ ແລະ ວັດທະນາທຳສູງຂື້ນ, ລາຍໄດ້ແຫ່ງຊາດສູງຂື້ນ, ປະຊາຊົນຮັ່ງມີ, ປະເທດຊາດເຂັ້ມແຂງ, ຈະເລີນສີວິໄລ ແລະ ຍຸດຕິທຳ.
54. ຈົ່ງບອກກົດເກນແຫ່ງປະຕິເສດຊ້ອນປະຕິເສດ, ຍົກຕົວຢ່າງປະກົດການຊີວະສາດ ເພື່ອພິສູດ ?
ແມ່ນການພັດທະນາດຳເນີນໄປໂດຍຜ່ານການປະຕິເສດສິ່ງເກົ່າ, ດ້ວຍສິ່ງໃໝ່ ໃນເມື່ອສິ່ງໃໝ່ປະຕິເສດສິ່ງເກ່ົ່າ, ສິ່ງໃໝ່ຍັງຄົງຮັກສາ ແລະ ຂະຫຍາຍດ້ານດີຂອງສິ່ງເກົ່າ, ການພັດທະນາມີລັກສະນະກ້າວໜ້າ, ພ້ອມກັນນັ້ນ, ການພັດທະນາເປັນໄປຕາມຮູບກົ້ນຫອຍ ຊິ່ງຮອບວຽນຂັ້ນສູງມີການລື້ມຄືນບາງດ້ານຂອງຮອບວຽນຂັ້ນຕໍ່າ ນີ້ແມ່ນເນື້ອໃນຂອງກົດເກນແຫ່ງການປະຕິເສດຊ້ອນປະຕິເສດ.
ຕົວຢ່າງ: ນັກຮຽນພວມຮຽນຢູ່ໃນສາຍສາມັນ ຈະໄດ້ຮຽນຄວາມຮູ້ລວມໆເຊັ່ນ: ຄະນິດສາດ, ຟີຊິກສາດ,ປະຫວັດສາດ, ຫັດແຕ່ງ ແລະ ອື່ນໆ, ແຕ່ເມື່ອເຂົ້າມາຮຽນໂຮງຮຽນວິຊາຊີບ ( ວິຊາສະເພາະ ) ແລ້ວຈະມີຄວາມສັບສົນຍິ່ງຂື້ນ ບາງວິຊາບໍ່ເຄີຍໄດ້ຍີນມາກ່ອນເລີຍ, ສະນັ້ນ ຈິ່ງເວົ້າໄດ້ວ່າ ເລີ່ມແຕ່ງ່າຍຫາສັບສົນ.
55. ມາດຕາເກນ ປັດຊະຍາ ໝາຍເຖິງ ? ຈົງຍົກຕົວຢ່າງມາດຕາເກນໃດໜຶ່ງ ?
ໝາຍເຖິງຄວາມຄິດລວມຍອດທີ່ສະແດງເຖິງຄຸນລັກສະນະ ແລະ ສາຍພົວພັນລວມດ້ານຕ່າງໆ ແລະ ຄຸນລັກສະນະຂອງຄວາມເປັນຈິງ.
ຕົວຢ່າງ: ມາດຕາເກນອັນລວມ ແລະ ອັນສະເພາະຊ່ວຍໃຫ້ເຮົາຮັບຮູ້ຄວາມເປັນເອກະພາບຂອງໂລກຢູ່ໃນລັກສະນະຫຼາຍຮູບຫຼາຍແບບ, ມາດຕາເກນຄູ່ນີ້ມີຄວາມສຳຄັນສຳລັບເຂົ້າໃຈການພັດທະນາປະກົດການທຸກການພັດທະນາ, ບໍ່ວ່າໃນທຳມະຊາດກໍຄືໃນສັງຄົມ, ລ້ວນແຕ່ພົວພັນກັບການກຳເນີດຂອງອັນໃໝ່, ອັນສະເພາະໃດໜຶ່ງ, ພ້ອມກັນນັ້ນມັນກໍຂື້ນກັບກົດເກນລວມເໝືອນກັນ.
56. ທ່ານໄກສອນ ພົມວີຫານ ເກີດເມືອວັນທີ່:
13.12.1920 ທີ່ ບ້ານ (ນາເຊງ ເມືອງຄັນທະບູລີ, ແຂວງສະຫວັນນະເຂດເມື່ອທ່ານໄດ້ອາຍູ 7 ປີ ທ່ານໄດ້ເຂົ້າໂຮງຮຽນປະຖົມພາສາລາວທີ່ບ້ານເໜືອ (ບ້ານໄຊຍະພູມ)ແລະ ຕໍ່ມາໄດ້ເຂົ້າຮຽນຢູ່ໂຮງຮຽນປະຖົມພາສາຝຣັ່ງບ້ານໃຕ້ ບ້ານທ່າແຮ່) ເມື່ອທ່ານໄດ້ຮຽນຈົບປະຖົມໃນປີ 1934 ທີ່ແຂວງສະຫວັນນເຂດ ແລ້ວທ່ານໄດ້ໄປຮຽນຕໍ່ຢູ່ໂຮງຮຽນວິທະຍາໄລເຕັກໂຕຣາທີ່ນະຄອນຫລວງຮ່າໂນຍປະເທດຫວຽດນາມ, ເມື່ອຮຽນຈົບວິທະຍາໄລໃນປີ 1942 ທ່ານໄດ້ເສັງເຂົ້າວິທະຍາໄລສາຂາວິຊາການແພດ,ເມື່ອ ທ່ານໄກສອນ ພົມວິຫານເຂົ້າສູ່ປິ 1944 ໄດເຂົ້າເປັນສະມາຊິກສະມາຄົມຊາວໜູ່ມກູ້ຊາດຫວຽດນາມວັນທີ່ 20 ມັງກອນ 1949 ປະທານ ໄກສອນໄດ້ປະກາດສ້າງຕັ້ງກອງທັບລາວອິດສະຫຼະຂື້ນແລະໄດ້ກາຍເປັນວັນສ້າງຕັ້ງກອງທັບປະຊາຊົນລາວ, ມາຮອດເດືອນສິງຫາ ປີ 1950 ທ່ານ ພ້ອມດ້ວຍຜູ້ແທນ 120 ຄົນ ໄດ້ເຂົ້າຮ່ວມກອງປະຊູມໃຫ່ຍແນວລາວຕໍ່ຕ້ານທົ່ວປະເທດຢູ່ແຂວງ ຕວຽນກວາງ, ມາຮອດເດືອນ ກັນຍາ ປີ 1969 ທ່ານໄດ້ຊື້ນຳການໂຈມຕີ ຍາດເອົາບໍລິເວນທົ່ງໄຫຫີນຄືນ ແລະ ມາຕີຕ້ານບັ້ນເຄື່ອນທັບຂອງສັດຕູເຊິງເປັນບັ້ນເຄື່ອນທັບທີ່ໃຫ່ຍກ່ວາໝູ່ ຂອງອາເມລິກາ ວັນທີ່ 18 ກໍລະກົດ ປີ 1977 ທ່ານໄດ້ເຂົ້າ ຮ່ວມເຊັນສັນຍາມິດຕະພາບລະຫວ່າງລາວຫວຽດນາມ ທີ່ເປັນນະຄອນຫລວງວຽງຈັນ, ຈົນມາຮອດວັນທີ່ 21 ເດືອນ ພະຈິກ ປີ 1992 ທ່ານໄດ້ເສຍຊີວິດ.
57. ປະຫວັດຫຍໍ້ ທ່ານ ກາກມາກ ປີ 1818- 1883.
ທ່ານກາກມາກເກີດເມືອວັນທີ່ 5.5.1818 ທີ່ລັດປາລຸດຊີ (ຝຣັ່ງແມ່ນນ້ຳໄຮ)ໃນຄອບຄົວມີຖານະ ວັດທະນະທຳດີ, ພາຍຫຼັງສຳເລັດການສຶກສາຊັ້ນມັດທະຍົມຕອນປາຍທີ່ເມື ຕີຮເຮີແລ້ວ,ແລ້ວທ່ານ ກາກມາກໍ່ໄດ້ເຂົ້າຮຽນຕໍ່ວິທະຍາໄລ "ແລກແລ້ງ " ໃນຂະແໜ່ງກົດໝາຍປີ 1841 ທ່ານ ກາກມາໄດ້ປ້ອງກັນ ວິທະຍານິຍົມປະລິຍາເອກ ເດືອນ ຕຸລາ ປີ 1842 ມາກ ໄດ້ເດີນທາງໄປປາຣີ ເພື່ອພີມຈຳໜ່າຍເອກະສານ " ຮາດີການ " (ວາລະສານລາຍປີຂອງຝຣັ່ງ -ເຢຍລະມັນ) ປີ 1844 ທ່ານ ອັງແກນເດີນທາງໄປປາຣີ ເພື່ອພົບກັບທ່ານ ກາກມາກແລະ ໃນທີ່ສຸດ ທ່ານ ກາກມາກໄດ້ຖຶກກົດດານຈາກລັດຖະບານເຢຍລະມັນໃຫ້ຍົກຍ້າຍຈາກປາຣີໄປຢູ່ບຣຸກໄຫວ " ສະຫະພັນຄອມມູນິດ "ພາຍຫຼັງຄອມມູປາຣີຖຶກປະຣາໄຊ ລົງໃນວັນທີ່ 28.5.1817 ຫຼັງຈາກນັ້ນກອງປະຊູມໃຫ່ຍຂອງສາກົນທີ່1 ສະໄໝທີ່ 2 ໄດ້ສ້າງຕັ້ງຂື້ນ ທ່ານກາກມາກ ໄດ້ກັບຄືນໄປລອນດອນປະເທດອັງກິດ ແລະ ຢູ່ທີ່ນັ້ນຈົນຮອດມື້ທີ່ທ່ານ ມໍລະກຳ 17.3.1883.
58. ທ່ານ ຟະຣິຣິກ ອັງແກນ ເກີດເມືອວັນທີ່ 28.11.1820.
ທີ່ ເມືອງບາຣແມນ ປະເທດເຢຍລະມັນ ປີ 1837 ທ່ານອາຍຸໄດ້ 17 ປີ ທ່ານ ຟ ອັງແກນ ໄດ້ເຂົ້າຮຽນວິຊາການຄ້າແຕ່ໃນເວລາຕົວຈິງທ່ານບໍ່ເອົາໃຈໃສ່ພໍເທົ່າໃດເວລາສ່ວນຫຼາຍໃຊ້ເຂົ້າໃນການຄົ້ນຄ້ວາວິທະຍາສາດສັງຄົມເຊັ່ນ: ວັນນະຄະດີ, ພາສາຕ່າງປະເທດ, ປະຫວັດສາດແລະ ອື່ນໆ. ທ້າຍປີ 1842 ທ່ານ ອັງແກນໄດ້ເດີນທາງໄປເມືອງແມນແຊດເຕີ ປະເທດອັງກິດເພື່ອເຝິກງານກ່ຽວກັບວຽກງານການຄ້າປີ 1847 ທ່ານ ຟ ອັງແກນ ພ້ອມກັບ ທ່ານ ກາກມາກສ້າງຕັ້ງສາກົນທີ່ ທີ່ລອນດອນວັນທີ່ 14.7.1889 ສາກົນທີ່ IIໄດ້ສ້າງຕັ້ງທີ່ນະຄອນປາຣີ ທ່ານຟ ອັງແກນ ໄດ້ກາຍເປັນຜູ້ນຳສາກົນ, ທ່ານ ຟ ອັງແກນ ມີຜົນງານອັນໃຫ່ຍຫລວງທາງດ້ານວິທະຍາສາດ ທ່ານ ໄດ້ຂຽນບົດນິພົມນ້ອຍ-ໃຫ່ຍຫລາຍບົດຮ່ວມກັບ ທ່ານ ກາກມາກ ປີ 1877 – 1878 ທ່ານ ຟ ອັງແກນຂຽນປື້ມຊື່ວ່າ ຕ້ານດຸຍສິງ ເພື່ອຕ້ານກັບທິດສະດີດຸຍລິງ ທ່ານ ຟ ອັງແກນ ຕ້ອງໃຊ້ເວລາຄົ້ນຄ້ວາວິທະຍາສາດແລະ ຂຽນເຖິງ 8 ປີ.
59. ທ່ານ ວະລາດີ ເມຍອິເດຍ ເລນິນ 1870- 1924.
ທ່ານເລນິນ ເກີດເມືອວັນທີ່ 22.4.1870 ທີ່ເມືອງ "ຊິມບຽກສະກິ "ປະຈູບັນແມ່ນເມືອງ" ອູລິອານົມ "ແຄມຝຣັ່ງຊ້າຍຂອງແມ່ນໍ້າໂວ ນກາ, ຕອນລູມຂອງເມືອງ " ກາຊານ " ພໍ່ແມ່ເປັນປັນຍາຊົນທີ່ກ້າວ ໜ້າປີ 1887 ໄດ້ເຂົ້າຮຽນຢູ່ມະຫາວິທະຍາໄລ "ກາຊານ " ໃນຂະແໜ່ງກົດໝາຍແຕ່ບໍ່ທັນຈົບພັດຖຶໄລ່ອອກຈາກໂຮງຮຽນ ປີ 1891 ໄດ້ເຂົ້າສອບເສັງວິຊາ ກົດໝາຍຢູ່ມະຫາວິທະຍາໄລເປເຕັງບວກໄດ້ຢ່າງງ່າຍດາຍທັງໄດ້ຮັບໃບປະກາດກຽດຕິຍົດອັນ 1 ປີ 1892 ທ່ານເລນິນໄດ້ກໍ່ສ້າງສະໂມສອນມັກມາກຊິດໜ່ວຍທຳອິດທີ່ເມືອງຊາມາລາ ຕໍ່ມາໄດ້ເຄື່ອນໄຫວປະຕິວັດຢູ່ເມືອງເປເຕກບວກ, ປີ 1895 ທ່ານເລນິນໄດ້ເດີນທາງໄປຕ່າງປະເທດ ໂດຍໄດ້ຮັບພາລະ ຈາກຊາວນາມາກຊິດເປເຕກບວກໄປຕິດຕໍ່ພົວພັນກັບກກຸ່ມ"ປົດປ່ອຍແຮງງານ"ແລະເພື່ອໄປສຶກສາເບິ່ງຂະບວນກຳມະກອນໃນເອີລົບຕາເວັນຕົກ, ວັນທີ່ 29.1.1900 ທ່ານເລນິດໄດ້ພົ້ນອອກຈາກການເນລະເທດແລ້ວກັບຄືນໄປເຕກບວກເພື່ອສືບທອດຕໍ່ການປະຕິວັດ, ວັນທີ່ 17.7.1900 ຈົນຮອດ ເດືອນ 4 ປີ 1917 ແມ່ນໄລຍະເວລາທີ່ ທ່ານ ເລນິນ ດໍາລົງຊີວິດ ແລະ ເຄື່ອນໄຫວຢູ່ ຕ່າງປະເທດເພື່ອພາລະກິດປະຕິວັດຂອງຊົນຊັ້ນກຳມະກອນລັດເຊຍແລະ ກຳມະກອນ ແມ່ນໄລຍະ ການຕໍ່ສູ້ ແລະ ນຳພາຂອງພັກສັງຄົມປະຊາທິປະໄຕ ກຳມະກອນລັດເຊຍ.
ພາຍຫລັງການປະຕິວັດ ປະຊາທິປະໄຕນາຍທືນໃນເດືອນ ກູມພາ ປີ 1917 ໄດ້ຮັບໄຊຊະນະ ແລະ ການສ້າງລັດຖະບານຊົ່ວຄາວຂອງຊົນຊັ້ນນາຍທືນໃນລັດເຊຍແລ້ວ ທ່ານ ເລນິນ ກໍ່ໄດ້ກັບມາປະເທດຊາດ ໃນວັນທີ່ 3.4.1917 ເພື່ອນຳພາການປະຕິວັດສັງຄົມເດືອນ ຕຸລາ ປີ 1917 ດ້ວຍຕົນເອງ.
ພາຍຫລັງມະຫາປະຕິວັດສັງຄົມນິຍົມເດືອນ ຕຸລາ ປີ 1917 ທ່ານ ເລນິນໄດ້ນຳພາໃນການສ້າງຕັ້ງລັດພະເດັດກຳມະຊີບ ສ້າງຕັ້ງລະບອບພະເດັດກຳມະຊີບພາຍໃຕ້ການນຳພາຂອງພັກກອມມູນິດນຳພາປະຊາຊົນໂຊວຽດ ຕ້ານສົງຄາມໂລກຄັ້ງທີ່ I ແລະ ແກ້ໄຂບັນຫາຕ່າງໆຂອງອຳນາດລັດແບບໃໝ່.
ທ່ານເລນິນໄດ້ສ້າງຕັ້ງສາກົນທີ່ II ຂື້ນໃນວັນທີ່ 2.3.1919 ທີມົດສະກູເພື່ອສືບທອດພາລະກິດປະຕິວັດຂອງສາກົນທີ່ I,II ຢູ່ໃນເງື່ອນໄຂ ປະຫວັດສາດໃໝ່, ທ່ານ ເລນີນ ເປັນຜູ້ສືບທອດພາລະກິດຂອງ ທ່ານ ກາກມາກ ແລະ ທ່ານ ອັງແກນ, ໃນການເສີມຂະຫຍາຍ ລັດທິມາກຢ່າງປະດິດສ້າງຂ້ືນເຂົ້າການປະຕິວັດລັດເຊຍແຕ່ປີ 1810 – 1924 ທັດສະນະປະດິດສ້າງຂອງເພີ່ນສະແດງໃຫ້ເຫັນຢູ່ບົດນິພົນຄົບຊູດທຳອິດໃນປື້ມເພື່ອນຂອງປະຊາຊົນແມ່ນຫຍັງ ຈະຕໍ່ສູ້ຕ້ານກັບນັກສົງຄາມປະຊາທິປະໄຕ.