ແນວທາງການຫາລາຍໄດ້ການເປັນຜູ້ປະກອບການ
ການຫາລາຍໄດ້ຈາກການເປັນຜູ້ປະກອບການຈະເຮັດໃຫ້ຮູ້ ແລະ ເຂົ້າໃຈເຖິງຂໍ້ມູນທີ່ກ່ຽວຂ້ອງກັບການປະກອບທຸລະກິດ ບໍ່ວ່າຈະເປັນປະເພດຂອງກິດຈະການ ລັກສະນະທີ່ເໝາະສົມຂອງການເປັນຜູ້ປະກອບການ ການງານ ງານໃນລັກສະນະຂອງຫຸ້ນສ່ວນກິດຈະການ ຕະຫຼອດຈົນຮູ້ຈັກວາງແຜນການຈັດຕັ້ງ ແລະ ດຳເນີນທຸລະກິດດ້ວຍຕົນເອງ ນອກຈາກນີ້ ຢັງໄດ້ຮຽນຮູ້ເລື່ອງຕົ້ນທຸນການຜະລິດ ກຳໄລ ແລະ ຈຸດຄຸ້ມທຶນ ທັງນີ້ເພື່ອໃຫ້ມີຄວາມຮູ້ຄວາມເຂົ້າໃຈທາງເສດຖະສາດຂອງຜູ້ປະກອບການໃຫ້ຫຼາຍຂຶ້ນອີກດ້ວຍ ຜູ້ປະກອບການຈຶ່ງຄວນຈະຕຽມຄວາມພ້ອມໃນການປະກອບການໂດຍສຶກສາຂໍ້ມູນກ່ຽວກັບການປະກອບທຸລະກິດ ເພື່ອຈະມີຄວາມຮູ້ຄວາມເຂົ້າໃຈກ່ຽວກັບການດຳເນີນງານໃນລັກສະນະຕ່າງໆ ດັ່ງນີ້:
1.1.ປະເພດຂອງກິດຈະການ.
1.ກິດຈະການເຈົ້າຂອງຄົນດຽວ.
ເປັນກິດຈະການທີ່ມີຂະໜາດນ້ອຍ ເນື່ອງຈາກເງີນທຸນຈະມີບໍ່ເທົ່າໃດຊຶ່ງກິດຈະການນີ້ມີຂໍ້ດີ ຄື ມີອິດສະຫລະໃນການຕັດສິນໃຈໄດ້ຢ່າງເຕັມທີ່.
- ລັກສະນະການດຳເນີນງານ ໂດຍບຸກຄົນຄົນດຽວເປັນຜູ້ຮັບຜິດຊອບໃນໝ້າທີ່ການງານຕ່າງໆ ຂອງທຸລະກິດພຽງຜູ້ດຽວ ແລະ ໄດ້ຮັບຜົນຕອບແທນແຕ່ພຽງຜູ້ດຽວບໍ່ວ່າຈະກຳໄລ ຫຼື ຂາດທຶນ.
- ຄວາມຮັບຜິດຊອບໃນໜີ້ສິນ ບໍ່ຈຳກັດຈຳນວນ.
2.ຫ້າງຫຸ້ນສ່ວນ
ຂະໜາດກິດຈະການມັກຈະໃຫຍ່ກວ່າປະເພດແຮກ ເນື່ອງຈາກລະດົມທຶນໄດ້ຫຼາຍກວ່າ ເຖິງແມ່ນຈະມີຈຳນວນຫຸ້ນສ່ວນບໍ່ຫຼາຍກໍຕາມ.
- ລັກສະນະການດຳເນີນງານ ເປັນກິດຈະການທີ່ມີຫຸ້ນສ່ວນຢ່າງນ້ອຍ 2 ຄົນ ໂດຍຫຸ້ນສ່ວນທັງໝົດ ຈະຕ້ອງມີສັນຊາດລາວ ຫຼີ ຕ່າງປະເທດ ຊຶ່ງມັກຈະເປັນຄົນຮູ້ຈັກກັນເອງ ບໍ່ເປີດຂາຍຕໍ່ສາທາລະນະ.
- ຄວາມຮັບຜິດຊອບໃນໜີ້ສິນ ຫ້າງຫຸ້ນສ່ວນ ຈະມີຫຸ້ນສ່ວນຢູ່ 2 ຈຳພວກ ຄື (1) ຫຸ້ນສ່ວນຈຳກັດ ຄວາມ
ຮັບຜິດຊອບ ຈະຮັບຜິດຊອບບໍ່ເກີນຈຳນວນເງີນທີ່ຕົນຕົກລົງ ແລະ (2) ຫຸ້ນສ່ວນບໍ່ຈຳກັດຄວາມຮັບຜິດຊອບ ຈະ ຮັບຜິດຊອບໃນໜີ້ສິນຂອງຫ້າງໂດຍບໍ່ຈຳກັດຈຳນວນ.
3.ບໍລິສັດຈຳກັດ.
ປະເພດກົດໝາຍແພ່ງ ແລະ ກົດໝາຍວິສາຫະກິດ ວ່າບໍລິສັດຈຳກັດນັ້ນຄືບໍລິສັດ ປະເພດຊຶ່ງຈັດຕັ້ງດ້ວຍການແບ່ງທຶນເປັນຫຸ້ນ ມີມູນຄ່າເທົ່າໆ ກັນ.
- ລັກສະນະການດຳເນີນງານ ບໍລິສັດຈຳກັດ ຄື ທຸລະກິດປຣະເພດທີ່ຕັ້ງຂຶ້ນໂດຍແບ່ງທຸນເປັນຫຸ້ນມີ ມູນຄ່າເທົ່າໆກັນຂອງກລຸ່ມບຸກຄົນບໍ່ຕ່າກວ່າ 3 ຄົນເພື່ອເຮັດກິດຈະການຮ່ວມກັນ ຊຶ່ງມີວັດຖຸປະສົງຈະຫາກຳໄຣເພື່ອມາແບ່ງກັນ
- ຄວາມຮັບຜິດຊອບໃນໜີ້ສິນ ຜູ້ຖືຫຸ້ນຕ່າງຮັບຜິດຈຳກັດພຽງບໍ່ເກີນຈຳນວນເງີນທີ່ຕົນຢັງສົ່ງ ໃຊ້ບໍ່ຄົບມູນຄ່າຂອງຫຸ້ນທີ່ຕົນຖື.
1.2.ແຫຼ່ງການເງິນຂອງຜູ້ປະກອບການ.
ເມື່ອທຸລະກິດເຣີ່ມເຕີບໂຕ ຜູ້ປະກອບການກໍຈະມອງຫາແຫຼ່ງເງີນກູ້ ຕ່າງໆເພື່ອມາຂະຫຍາຍກິດຈະການ ຊຶ່ງແຫຼ່ງເງີນທຸນ ໄດ້ແກ່.
- ທນາຄານກາງ.
- ທະນາຄານທຸລະກິດລັດ ແລະ ທະນາຄານເອກະຊົນ ຫຼື ທະນາຄານສາຂາຕ່າງປະເທດ ເປັນທະນາຄານທີ່ຈັດຕັ້ງຂຶ້ນ ເພື່ອສົ່ງເສີມ ແລະ ສະໜັບສະໜູນກິດຈະການຂະໜາດກາງ ແລະ ຂະໜາດໃຫ່ຍ.
- ການຮ່ວມລົງທຶນ (Venture Capital) ເປັນອົງກອນທາງການເງິນທີ່ພ້ອມຈະນຳເງິນມາຮ່ວມລົງທຶນໄລຍະຍາວໃນທຸລະກິດເລີ່ມໃໝ່ທີ່ມີສັກຍາພາບໃນການເຕີບໂຕສູງ ທັງນີ້ ເມື່ອກິດຈະການເຕີບໂຕໄດ້ໂດຍບໍ່ຕ້ອງພຶ່ງພາເງິນທຶນ ຈາກການຮ່ວມລົງທຶນແລ້ວ ກໍຈະຂາຍຫຸ້ນເພື່ອຫວັງຜົນກຳໄລຈາກສ່ວນເພີ່ມຂອງມູນຄ່າຫຸ້ນ.
- ນອກຈາກນີ້ ຍັງມີອົງກອນອີກຫຼາຍທີ່ຈະໃຫ້ຄວາມຊ່ວຍເຫຼືອດ້ານການເງິນ ແລະ ດ້ານວິຊາການ ແກ່ຜູ້ປະກອບການ ເຊັ່ນ ສູນໃຫ້ຄຳປຶກສາທາງການເງິນສຳລັບວິສາຫກິດຂະໜາດກາງ ແລະ ຂະໜາດນ້ອຍ.
1.3.ຄຸນສົມບັດຂອງຜູ້ປະກອບການ.
ແມ່ນເປັນສ່ວນສຳຄັນເພາະສາມາດນຳໄປປັບໃຊ້ຕໍ່ຍອດກັບທຸລະກິດໄດ້ ອີກທັງຍັງເປັນເກນຊີ້ວັດຄວາມສຳເລັດໃນການເຮັດກິດຈະການຂອງບຸກຄົນນັ້ນໄດ້ດີ ຊຶ່ງການທີ່ຈະເປັນຜູ້ປະກອບການທີ່ ປະສົບຄວາມສຳເລັດໄດ້ນັ້ນຕ້ອງພິຈາລະນາຄຸນສົມບັດດັ່ງນີ້:
1.ມີຄວາມມຸ້ງມັ່ນທີ່ຈະປະສົບຄວາມສຳເລັດ (Wilingness to Succeed)
ການເປັນຜູ້ປະກອບການທີ່ປະສົບຄວາມສຳເລັດໄດ້ນັ້ນ ຈະຕ້ອງລົງທິນ ແລະ ລົງແຮງ ຕ້ອງເຮັດວຽກໜັກເພາະຕ້ອງຕັດສິນໃຈດຳເນີນການ ແກ້ໄຂບັນຫາຕະຫຼອດເວລາ ຈຶ່ງຈຳເປັນ ທີ່ຈະໄດ້ຮັບການສະໜັບສະໜູນຈາກສະມາຊິກ ໂດຍສະເພາະຄອບຄົວ.
2.ມີຄວາມຫມັ້ນໃຈໃນຕົນເອງ (Self-Confidence)
ຄົົນທີ່ເຊື່ອມັ່ນໃນຕົນເອງຈະເປັນຄົົນທີ່ມີກຳລັງໃຈໃຫ້ຕົນເອງສູງ ບໍ່ຍ້ານທີ່ ຈະຕໍ່ສູ້ກັບບັນຫາ ແລະ ອຸປະສັກ ຈຶ່ງມີໂອກາດສູງທີ່ຈະບັນລຸກັບຄວາມສຳເລັດຕາມເປົ້າໝາຍທີ່ວາງໄວ້ ຈະເຮັດໃຫ້ຄົນ ທີ່ເຮັດວຽກດ້ວຍ ຫຼື ຄົນອື່ນທີ່ກ່ຽວຂ້ອງມີຄວາມເຊື່ອມັ່ນຕາມໄປດ້ວຍ.
3.ມີແນວຄິດກ່ຽວກັບທຸລະກິດຂອງຕົນເອງຢ່າງຊັດເຈນ (A Clear Business Idea)
ຜູ້ປະກອບການຈະຕ້ອງຮູ້ວ່າຕົນເອງກຳລັງຢູ່ໃນທຸລະກິດ ຫຍັງຜະລິດຕະພັນ ຫຼື ບໍລິການຂອງຕົນຄືຫຍັງ
ທຸລະກິດຂອງຕົນເມື່ອທຽບກັບຄູ່ແຂ່ງມີຈຸດອ່ອນຈຸດແຂງຢ່າງໃດດ້ວຍ ນອກຈາກນີ້ຢັງຕ້ອງຮູ້ກົນລະຍຸດວ່າເຮັດຢ່າງໃດ ທຸລະກິດຂອງຕົນຈຶ່ງຈະປະສົບຄວາມສຳເລັດໄດ້ ເຊັ່ນ ຮູ້ວ່າເຮັດຢ່າງໃດຈຶ່ງ ຈະເຮັດໃຫ້ຜະລິດຕະພັນ ຫຼືບໍລິການຂອງຕົນຖືກໃຈຜູ້ບໍລິໂພກໄດ້ຫຼາຍກວ່າ ມີຄຸນນະພາບຫຼາຍກວ່າເປັນຕົ້ນ.
4.ມີແຜນງານທີ່ເປັນລະບົບ (The Business Plan)
ຜູ້ປະກອບການຈະຕ້ອງມີຄວາມສາມາດສ້າງ ແຜນທຸລະກິດ ເພື່ອຊີ້ໃຫ້ເຫັນວ່າຈະເຮັດຫຍັງ ທີ່ໃດ ຢ່າງໃດ ໂດຍໃຜ ເມື່ອໃດ ໃຊ້ເງິນທຶນເທົ່າໃດ ຈະໄດ້ຜົນຢ່າງໃດ ມີແຜນທຸລະກິດທີ່ຊັດເຈນຈະຊ່ວຍວິເຄາະສະຖານນະການທີ່ເປັນຢູ່ ແລະ ຄາດວ່າຈະເກີດຂຶ້ນໃນອະນາຄົດ.
5. ມີຄວາມສາມາດບໍລິຫານການເງິນ (Exact Control of Finances)
ຜູ້ປະກອບການຈຳນວນຫຼາຍປະສົບຄວາມສຳເລັດໄດ້ຈາກການ ໃຊ້ທັກສະດ້ານການຕະຫຼາດ ຫຼື ການຜະລິດ ແຕ່ຈະບໍ່ພັດທະນາທັກສະໃນເລື່ອງບັນຊີ ແລະ ການເງິນ ໂດຍສະເພາະແມ່ນ ໝ້າທີ່ຂອງພະນັກງານບັນຊີ ຊຶ່ງເປັນສາເຫດທີ່ເຮັດໃຫ້ເກີດການທຸດຈະລິດຂອງເງິນທຶນໃນກິດຈະການ ເມື່ອກິດຈະການເຕີບໂຕ ຄວາມຊັບຊ້ອນແລະ ປະລິມານຂອງກິດຈະກຳ ການຄ້າຢິ່ງມີຫຼາຍຂຶ້ນ ຜູ້ປະກອບການຄວນຮູ້ວ່າຂະໜາດທີ່ແທ້ຈິງຂອງ ກິດຈະການເປັນຢ່າງໃດເຊັ່ນ ມີຊັບສິນ ລາຍໄດ້ ຕົ້ນທິນ ຄ່າໃຊ້ຈ່າຍ ກຳໄລເປັນແນວໃດ ຄວນຮູ້ວິທີການກວດສອບຖານະ ທາງການເງິນ ແລະ ຜົນການດຳເນີນງານຂອງກິດຈະການ.
6. ມີຄວາມສາມາດທາງການຕະຫຼາດ (Targeted Marketing)
ໃນສະພາບການແຂ່ງຂັນແບບນີ້ ຄວາມສາມາດທາງການຕະຫຼາດ ເປັນທັກສະສຳຄັນທີ່ຈະເຮັດໃຫ້ກິດຈະການຢູ່ຫຼອດໄດ້ ຜູ້ປະກອບການຈະຕ້ອງສະແດງຝີມືດ້ານນີ້ໃຫ້ເຫັນຊັດເຈນວ່າຕົນເອງ ການທີ່ຈະນຳສິນຄ້າ ຫຼືບໍລິການເຂົ້າສູ່ຕະຫຼາດໃຫ້ປະສົບຜົນສຳເລັດໄດ້.
7. ມີຄວາມສາມາດໃນການແຂ່ງຂັນ (A Step Ahead of The Competition)
ໃນການດຳເນີນງານຈິງມັກຈະເກີດຂຶ້ນໃນອະນາຄົດ ຜູ້ປະກອບ ທີ່ດີຈະຕ້ອງຄາດການໄດ້ແມ່ນຢຳວ່າສະພາບຕະຫຼາດ ແລະ ການແຂ່ງຂັນຈະປ່ຽນແປງຢ່າງໃດ ແລະ ວາງແຜນ ແລະ ພັດທະນາຜະລິດຕະພັນໄວ້ລ່ວງໜ້າ.
8. ມີແຫຼ່ງສະໜັບສະໜູນທີ່ດີ (Management Support)
ຜູ້ປະກອບການທີ່ຈະປະສົບຄວາມສຳເລັດໄດ້ນັ້ນມັກຈະເປັນບຸກຄົນທີ່ຮູ້ຈັກເຄື່ອຂ່າຍ ແຫຼ່ງສະໜັບສະໜູນຕ່າງໆ ທີ່ມີຜົນຕໍ່ທຸລະກິດຂອງຕົນ ເຊັ່ນ ຜູ້ປະກອບການອາວຸໂສທີ່ຢູ່ໃນທຸລະກິດດຽວກັນທີ່ສາມາດສະໜັບສະໜູນແນວຄິດ ແລະ ວິທີການແກ້ໄຂບັນຫາທີ່ຄ້າຍກັນ ສະຖາບັນການເງິນທີ່ສາມາດໃຫ້ຄຳປຶກສາກ່ຽວກັບເງິນທຶນ ແລະການຂະຫຍາຍກິດຈະການ ເປັນຕົ້ນ ການພັດທະນາຕົນເອງໃຫ້ມີເຄື່ອຂ່າຍກວ້າງຂວາງຈະຊ່ວຍເຮັດໃຫ້ມີທີ່ປຶກສາຫຼາາຍ ໃນການຂໍຄວາມສະໜັບສະໜູນດ້ານຕ່າງໆ ໃນອະນາຄົດ.
9. ມີທັກສະປະສານງານ (Cooperation)
ຜູ້ປະກອບການຄວນຮູ້ວ່າຕົນເອງບໍ່ສາມາດຮູ້ທຸກເລື່ອງ ແລະ ເຮັດທຸກເລື່ອງດ້ວຍຕົວຄົນດຽວໄດ້ ໂດຍສະເພາະເມື່ອກິດຈະການເລີ່ມຂະຫຍາຍຕົວ ການມີທັກສະການປະສານງານທັງ ພາຍໃນກິດຈະການ ແລະ ກັບພາຍນອກກິດຈະການຈະ ຊ່ວຍໃຫ້ການດຳເນີນງານເປັນໄປໄດ້ຢ່າງລາບລື່ນ.
10. ມີການຈັດອົງກອນທີ່ເໝາະສົມ (Clear Company Structure)
ການຈັດອົງກອນທີ່ເໝາະສົມ ເປັນການມີສາຍການບັງຄັບບັນຊາຊັດເຈນບໍ່ຊັບຊ້ອນ ເໝາະກັບຂະໜາດຂອງກິດຈະການ ແລະ ປັບປ່ຽນໄດ້ຕາມຂະໜາດຂອງອົງກອນທີ່ຈະເລີນເຕີບໂຕຂຶ້ນ.
1.4.ການເລີ່ມຕົ້ນທຸລະກິດ.
ຫຼັງຈາກກວດສອບຄຸນສົມບັດຕ່າງໆ ທີ່ຜູ້ປະກອບການເລີ່ມຕົ້ນເຮັດທຸລະກິດ ໂດຍການເລີ່ມຕົ້ນທຸລະກິດເປັນເລື່ອງທີ່ຕ້ອງມີການຕຽມການຢ່າງລະອຽດ ແລະ ຮອບຄອບເພື່ອໃຫ້ເກີດຄວາມພ້ອມຫຼາຍທີ່ສຸດ ຊຶ່ງຂັ້ນຕອນທີ່ຈະຊ່ວຍໃຫ້ການເລີ່ມຕົ້ນທຸລະກິດເປັນໄປໄດ້ງ່າຍຂຶ້ນມີດັ່ງນີ້:
1.ເລືອກທຸລະກິດເລືອກດຳເນີນທຸລະກິດທີ່ເໝາະສົມແລະ ມີຄວາມພ້ອມພຽງພໍ ທັງໝົດເຖິງການພິຈາລະນາ ຄວາມເປັນໄປໄດ້ໃນການດຳເນີນການ ທັງດ້ານບຸກຄະລາກອນ ດ້ານຄວາມຖະນັດ ໂອກາດໃນຕະຫຼາດ ແລະ ອື່ນໆ ໂດຍທີ່ທຸລະກິດນັ້ນ ອາດຈະບໍ່ຈຳເປັນຈະຕ້ອງເປັນທຸນກິດຈະການຄ້າ ອາດຈະເປັນທຸລະກິດບໍລິການກໍໄດ້.
2.ຈັດສັນບົດບາດ ແບ່ງໝ້າທີ່ ແລະ ຄວາມຮັບຜິດຊອບຂອງແຕ່ລະບຸກຄົນໃຫ້ຊັດເຈນ ເພື່ອໃຫ້ດຳເນີນງານ
ສະດວກ.
3.ວາງແຜນການດຳເນີນການ ກ່ອນທີ່ຈະສາມາດວາງແຜນການດຳເນີນງານໄດ້ນັ້ນ ຄວນຈະຕ້ອງຮູ້
ຂໍ້ມູນເຫຼົ່ານີ້ກ່ອນໄດ້ແກ່:
- ຜົນສຳຫຼວດວ່າໃຜເປັນຜູ້ຊື້ ຊື້ແນວໃດ, ຊື້ທີ່ໄດ້ລາຄາເທົ່າໃດ, ມີຜູ້ຊື້ຫຼາຍນ້ອຍສຳໃດ, ຊື້ຫຼາຍເທົ່າໃດ.
- ຂໍ້ມູນຄູ່ແຂ່ງຂັນ ຄູ່ແຂ່ງສຳຄັນແມ່ນໃຜ, ຈຸດອ່ອນ, ຈຸດແຂງແມ່ນຫຍັງ ໃຊ້ວິທີການຂາຍແນວໃດ.
- ວິທີຈັດການກັບຕົ້ນທຶນ.
- ການດຳເນີນການດ້ານທຸລະກິດການເງິນ.
4.ການວາງແຜນທຸລະກິດ ທຸລະກິດຂະໜາດນ້ອຍ ຫຼື ທຸລະກິດເກີດໃໝ່ມັກຈະຕັ້ງຄວາມຫວັງໄວ້ຢ່າງສວຍງາມ ແຕ່ມັກຈະບໍ່ມີທາງເຮັດໄດ້ສຳເລັດ ໃນຂະບວນການວາງແຜນທຸລະກິດຄວນຄຳນຶງເຖິງສິ່ງສຳຄັນຕໍ່ໄປນີ້:
1.ເລືອກທຸລະກິດທີ່ມີເອກະລັກສະເພາະ ມຸ້ງເນັ້ນຄວາມສົນໃຈໄປທີ່ທຸລະກິດທີ່ຕົນເອງມີຄວາມຮູ້ ຄວາມຊຳນານເປັນຢ່າງດີ ບໍ່ມີທຸລະກິດໃດທີ່ຈະສາມາດແຂ່ງຂັນກັບຕົນເອງໄດ້.
2.ເຮັດໃນສິ່ງທີ່ເຮັດໄດ້ດີທີ່ສຸດ ຄວນພິຈາລະນາໄຕຕອງໃຫ້ຮອບຄອບກ່ອນ ແລະ ໃຫ້ຄວາມສຳຄັນ ກັບສິ່ງທີ່ຕົນເອງເຮັດໄດ້ດີທີ່ສຸດ.
3.ຮູ້ຈັກຄວາມພໍດີ ກຳນົດວັດຖຸປະສົງທາງທຸລະກິດຢ່າງກວ້າງຂວາງ ພຽງ 2-3 ຂໍ້ ເພື່ອ ກຳນົດທິດທາງການດຳເນີນງານຂອງກິດຈະການຢ່າງໃດກໍຕາມ ຄວນຈະວາງເປົ້າໝາຍຢ່າງຊັດເຈນໃນການດຳເນີນງານ ໃນໄລຍະ 1 ປີ ແລະ ປະເມີນຜົນເປັນປະຈຳທຸກເດືອນເພື່ອສຳຫຼວດສະພາບ ແລະ ຖານະທາງທຸລະກິດ.
1.5.ຕົ້ນທຶນການຜະລິດ (Cost of Production)
ແມ່ນປັດໄຈພື້ນຖານສຳຄັນໃນການຜະລິດສິນຄ້າ ຫຼື ບໍລິການ ປ້ອນສູ່ຕະຫຼາດ ຊຶ່ງປັດໄຈພື້ນຖານໃນການຜະລິດສິນຄ້າ ຫຼື ບໍລິການປະກອບດ້ວຍ:
- ທີ່ດິນ (Land)
- ແຮງງານ (Labor)
- ເງີນທຶນ (Capital)
- ຄວາມຮູ້ຄວາມຊຳນານຂອງຜູ້ປະກອບທຸລະກິດ (Entrepreneurial Ability)
ຕົ້ນທຶນການຜະລິດທາງເສດຖະກິດ ແມ່ນ ຕົ້ນທຶນຄ່າໃຊ້ຈ່າຍທີ່ຈ່າຍໃຫ້ແກ່ຜູ້ຜະລິດ ຫຼື ຜູ້ປ້ອນຊັບພະຍາກອນ ທີ່ຈຳເປັນຕໍ່ການຜະລິດເພື່ອມີໃຫ້ມີການນຳຊັບພະຊາກອນນັ້ນໄປໃຊ້ເພື່ອການອື່ນ ອາດມີທັງຕົ້ນທຶນທີ່ເບິ່ງເຫັນວ່າຈ່າຍຈິງ ແລະ ຕົ້ນທຶນທີ່ເບິ່ງບໍ່ເຫັນວ່າຈ່າຍຈິງ ເພື່ອໃຫ້ທຸລະກິດຄົງການຜະລິດສິນຄ້າ ຫຼື ບໍລິການໄດ້ ໂດຍ:
- ຕົ້ນທຶນທີ່ເບິ່ງເຫັນວ່າຈ່າຍຈິງ ຄື ຄ່າໃຊ້ຈ່າຍຊຶ່ງຕ້ອງຈ່າຍເປັນເງິນໃຫ້ແກ່ບຸກຄົນ ຫຼື ໝ່ວຍງານພາຍນອກທຸລະກິດ ເຊັ່ນ: ຄ່າຈ້າງ, ຄ່າຂົນສົ່ງ, ຄ່າວັດຖຸດິບ ເປັນຕົ້ນ.
- ຕົ້ນທຶນທີ່ເບິ່ງບໍ່ເຫັນວ່າຈ່າຍຈິງ ຄື ຕົ້ນທຶນຂອງຊັບພະຍາກອນທີ່ທຸລະກິດ ຫຼື ເຈົ້າຂອງທຸລະກິດນັ້ນໆ ເປັນເຈົ້າຂອງເອງ ຊຶ່ງບໍ່ຈຳເປັນຕ້ອງຈ່າຍເງິນອອກໄປເພື່ອໃຫ້ໄດ້ມາ ເຊັ່ນ ຄ່າເຊົ່າສຳນັກງານ ແລະ ອື່ນໆ.
1.6.ສ່ວນປະສົມທາງການຕະຫຼາດ (Marketing Mix = 4P's)
ເມື່ອລະບຸຄວາມຕ້ອງການຂອງລູກຄ້າໄດ້ ແລະ ເລີ່ມຜະລິດສິນຄ້າເພື່ອສະໝອງຄວາມຕ້ອງການຂອງລູກຄ້າ ຈຶ່ງຕ້ອງພິຈາລະນາເຖິງສ່ວນປະສົມທາງການຕະຫຼາດໄດ້ແກ່:
1.ສິນຄ້າ (Product) ໝາຍເຖິງ ສິ່ງຂອງທີ່ສະເໜີຂາຍໃຫ້ແກ່ບຸກຄົນ ຫຼື ອົງກອນຕ່າງໆ ຕະຫຼອດຈົນບັນຈຸພັນສະລາກ ຮູບລັກສະນະ ນະໂຍບາຍ ແລະ ການໃຫ້ບໍລິການແກ່ລູກຄ້າ.
2.ລາຄາ (Price) ແມ່ນຜົນລັບທຸກອົງຄວາມສຳພັນລະຫວ່າງສິນຄ້າ ແລະ ຄວາມຕ້ອງການໃນຕະຫຼາດ ຊຶ່ງໝາຍເຖິງລາຄາສິນຄ້າ ແລະ ສ່ວນຫຼຸດ, ເບ້ຍເພີ່ມ ແລະ ເຄຣດິດທີ່ເຮົາໃຫ້ແກ່ລູກຄ້າ.
3.ສະຖານທີ່ຈຳໜ່າຍ (Place) ໝາຍເຖິງ ຂະບວນການກະຈາຍສິນຄ້າຊຶ່ງສິນຄ້າຈະຖືກສົ່ງຈາກຜູ້ຜະລິດ ໄປຍັງຜູ້ບໍລິໂພກໂດຍຜ່ານຊ່ອງທາງການຕະຫຼດ.
4.ການສົ່ງເສີມການການຕະຫຼາດ (Promotion) ໝາຍເຖິງ ການຕິດຕໍ່ສື່ສານກັບຜູ້ທີ່ເປັນລູກຄ້າກຸ່ມ ເປົ້າໝາຍໂດຍການໂຄສະນາ ການປະຊາສຳພັນ ການສົ່ງເສີມການຂາຍ ແລະ ການຂາຍໂດຍພະນັກງານຂາຍ.
1.7.ກຳໄລ ແລະ ການເພີ່ມປະສິດທິພາບຂອງການຜະລິດ.
ໃນລະບົບການຕະຫຼາດນັ້ນ ທຸລະກິດຈະສະແຫຼວງຫາໂອກາດ ໃນການເຮັດກຳໄລສູງສຸດ ສິ່ງສຳຄັນທີ່ຕ້ອງຕັດສິນໃຈຄືປະລິມານການຜະລິດ ເພື່ອໃຫ້ເຂົ້າໃຈເຖິງເຫດຜົນຂອງການຕັດສິນໃຈ ຂອງກິດຈະການໂດຍການວິເຄາະຫາກຳໄລ ແລະ ຜົນກຳໄລ ທີ່ເພີ່ມຂຶ້ນກຳໄລ ຄື ຜົນຕ່າງລະຫວ່າງລາຍໄດ້ທັງໝົດທີ່ໄດ້ຈາກການຂາຍສິນຄ້າກັບຄ່າໃຊ້ຈ່າຍທັງໝົດທີ່ໃຊ້ໃນການຜະລິດສິນຄ້າ (ລາຍໄດ້ - ຄ່າໃຊ້ຈ່າຍ = ກຳໄລ).
ການເພີ່ມປະສິດທິພາບຂອງເຄື່ອງຈັກເຄື່ອງມືທີ່ໃຊ້ໃນການຜະລິດ ເປັນວິທີເພີ່ມປະສິດທິພາບການຜະລິດ ໂດຍອາດຈະນຳນວັດກຳ ແລະ ເທກໂນໂລຢີໃໝ່ໆ ມາຊ່ວຍຈະເຮັດໃຫ້ເພີ່ມປະສິດທິພາບການຜະລິດໄດ້ເປັນຢ່າງຫຼາຍຢ່າງໃດກໍຕາມເຄື່ອງຈັກເຄື່ອງມືຢ່າງດຽວ ນັ້ນບໍ່ສາມາດເພີ່ມປະສິດທິພາບການຜະລິດໄດ້ ພະນັກງານຈະຕ້ອງ ໄດ້ຮັບການຝຶກອົບຮົມໃຫ້ມີທັກສະໃນການໃຊ້ເຄື່ອງຈັກເຄື່ອງມືເຫຼົ່ານັ້ນດ້ວຍ ແລະ ຜູ້ບໍລິຫານ ຫຼື ເຈົ້າຂອງກິດຈະການ ຕ້ອງສາມາດບໍລິຫານໃຫ້ຂະບວນການຜະລິດດຳເນີນໄປຢ່າງມີປະສິດທິພາບດ້ວຍ.
ປັດໄຈການຜະລິດສາມາດນຳມາປະສົມປະສານກັນໄດ້ຫຼາຍວິທີ ຫາກປະສົມກັນໄດ້ຢ່າງມີປະສິດທິພາບ ທຸລະກິດນັ້ນກໍຈະມີປະສິດທິພາບໃນການຜະລິດສູງ ແຕ່ຫາກເລືອກໃຊ້ວິທີທີ່ບໍ່ເໝາະສົມປະສິດທິພາບການຜະລິດຈະຕ່າລົງ ວິທີທີ່ຈະເພີ່ມປະສິດທິພາບການຜະລິດໄດ້ຄື:
1.ການຈັດແບ່ງແຮງງານທີ່ໃຊ້ໃນການຜະລິດຢ່າງເໝາະສົມ ໄດ້ແກ່ ການແຢກງານຊິ້ນໃຫຍ່ຊັບຊ້ອນອອກເປັນງານຊິ້ນຍ່ອຍຫຼາຍງານ ເພື່ອໃຫ້ແຕ່ລະຄົນສາມາດເຮັດວຽກແຕ່ລະຊິ້ນໄດ້ ຢ່າງຊຳນານເປັນຜູ້ຊ່ຽວຊານແຕ່ລະດ້ານ.
2.ການຈັດສາຍງານຜະລິດແບບຊຽວຊານສະເພາະດ້ານ ໂດຍທີ່ມີຄວາມ ຊຳນາຍນໃນການຜະລິດງານ ຫຼືສິນຄ້າພຽງບໍ່ຈັກຊະນິດ ຊຶ່ງກິດຈະການທີ່ມີເປົ້າໝາຍທຸລະກິດສະເພາະດ້ານຈະມີຄວາມຮູ້ຄວາມ ຊຳນານກ່ຽວກັບງານທີ່ເຮັດ ແລະ ສາມາດຫຼຸດຕົ້ນທຶນການຜະລິດລົງໄດ້.
