ການວິເຄາະການເປັນຜູ້ປະກອບການ
1.ສຶກສາຕົນເອງ (Self Study)
ເພື່ອໃຫ້ຮູ້ຈັກຕົນເອງວ່າມີຄວາມພ້ອມທີ່ຈະກ້າວໄປສູ່ທຸລະກິດໂດຍມຸ້ງຫວັງ ການມີກຳໄລ ແລະ ສາມາດທີ່ຈະດຳເນີນການໄປໄດ້ຕະຫຼອດໄປ ຫຼື ບໍ່ ຈຶ່ງຄວນຈະເຮັດການສຶກສາໂດຍຂຽນຮ່າງເພື່ອເປັນ ແນວທາງໃນການປັບປຸງແກ້ໄຂໄດ້ຕໍ່ໄປມີດັ່ງນີ້:
- ຄວາມຮູ້ຄວາມສາມາດ ແລະ ປະສົບການ
- ເງິນລົງທຶນ
- ຜູ້ຮ່ວມງານ ຫຼື ຜູ້ຮ່ວມລົງທຶນ
- ຈຸດແຂງ ແລະ ຈຸດອ່ອນຂອງຕົນເອງ
- ນິໃສຮັກການເຮັດວຽກງານ
- ທັດສະນະຄະຕິໃນການປະກອບທຸລະກິດ
- ອື່ນໆ. ເຊັ່ນ ຄວາມຮອບຮູ້ໃນເທກໂນໂລຢີທີ່ໃຊ້ ແບບແຜນຂະບວນການຂອງການປະກອບທຸລະກິດ
2.ສຶກສາທຸລະກິດທີ່ຈະດຳເນີນການ.
ເພື່ອພິຈາລະນາຫາຄວາມເປັນໄປ ໄດ້ວ່າຈະດຳເນີນທຸລະກິດນັ້ນໄດ້ຕະຫຼອດໄປສະແຫຼວງຫາໂອກາດຂອງທຸລະກິດເປັນຕົ້ນ ສິ່ງທີ່ຕ້ອງສຶກສາລາຍລະອຽດຂອງທຸລະກິດ ມີດັ່ງນີ້:
- ສະພາບແວດລ້ອມ ໂອກາດ ແລະ ສະຖານນະການຂອງທຸລະກິດທີ່ຈະດຳເນີນການວ່າມີປັດໄຈໃດທີ່ເອື້ອອຳນວຍ (Situation Analysis) ເພື່ອລະດົມຫາໂອກາດ ແລະ ຄວາມເປັນໄປໄດ້.
- ປະເພດຂອງທຸລະກິດນັ້ນເປັນແບບອົດສາຫກຳມະການຜະລິດ ການບໍລິການ ຫຼື ການຄ້າສົ່ງຄ້າຕ່າງໆ.
- ສິນຄ້າຜະລິດຕະພັນ ມີຄວາມແຕກຕ່າງ ແລະ ມີຈຸດເດັ່ນຢ່າງໃດ ທີ່ເຮັດໃຫ້ເໜືອຄູ່ແຂ່ງຂັນໄດ້.
- ການຫາທີ່ຕັ້ງຂອງທຸລະກິດ ແລະ ເລືອກສະຖານທີ່ເໝາະ.
- ການວາງແຜນການເງິນ ແລະ ການຫາແຫຼ່ງເງິນທຶນເພິ່ມເຕິມ.
- ການດຳເນີນການດ້ານທຸລະກິດ.
- ແຜນການຕະຫຼາດ ຕ້ອງພິຈາລະນາວ່າຕະຫຼາດຢູ່ທີ່ໃດ ພຶດຕິກຳຂອງຜູ້ບໍລິໂພກເປັນຢ່າງໃດ ໃຜຄືລູກຄ້າ.
- ແຜນການຜະລິດ ມີເທກໂນໂລຢີການຜະລິດຢ່າງໃດ ຂະບວນການຈະອອກແບບໄດ້ຢ່າງໃດ.
- ແຜນການຈັດການດ້ານງານບຸກຄົນ ຂີດຄວາມສາມາດ ແລະ ຂໍ້ຈຳກັດຂອງບຸກຄະລາກອນທີ່ຕ້ອງການ.
- ໂອກາດ ການສົ່ງເສີມຈາກພາກລັດ ຕະຫຼອດຈົນຂໍ້ຈຳກັດຕ່າງໆ ທີ່ເປັນຮູບທຳ.
- ການຈົດທະບຽນທຸລະກິດ
- ການຫາວິທີບໍລິຫານຈັດການ
- ອື່ນໆ ເຊັ່ນ ທົບທວນແຜນຕ່າງໆ ໄລຍະເວລາທີ່ໃຊ້ດຳເນີນການ.
3.ການຈັດເຮັດແຜນທຸລະກິດ.
ການຈັດເຮັດແຜນທຸລະກິດສຳລັບການເລີ່ມຕົ້ນທຸລະກິດໃໝ່ ປຽບເໝືອນການຈຳລໍຂອງຜູ້ປະກອບການ ເພື່ອເປັນການທົບທວນແຜນ ວ່າມີຄວາມເປັນໄປໄດ້ຕາມໄລຍະເວລາທີ່ວາງແຜນໄວ້ ຫຼື ບໍ່ ງົດຖາປ່ຽນແປງຕາມກຳນົດເວລາ ຕະຫຼອດຈົນການນຳໄປສູ່ການກຳນົດນະໂຍບາຍ ແລະ ແຜນກົນຢຸດທັກສະອົງກອນ ແລະ ສາມາດປ່ຽນແປງຕາມກຳນົດເວລາ ຕະຫຼອດຈົນການນຳໄປ ອົງກອນໄດ້ ຫຼື ບໍ່.
1.1.ການວິເຄາະຕົນເອງໃນການເປັນຜູ້ປະກອບການ.
ການວິເຄາະຕົນເອງເພື່ອເປັນຜູ້ປະກອບການ ຊຶ່ງມັກຈະຂາດແນວຄິດ ແລະ ກົນລະຍຸດໃນການວິເຄາະ ກໍຈະບໍ່ສາມາດວິເຄາະຕົນເອງໃຫ້ຢູ່ໃນກອບໄດ້ ເນື່ອງຈາກຂາດຄວາມຄິດໃນການວິເຄາະຕົນເອງໃນດ້ານລົບ ເຮັດໃຫ້ເບິ່ງບໍ່ເຫັນເຖິງຂໍ້ເສຍທີ່ຄວນປັບປຸງ ແລະ ບໍ່ສາມາດພັດທະນາຕົນເອງໄດ້ ດັ່ງນັ້ນ ຈຶ່ງຄວນທຳການວິເຄາະເພື່ອກຳນົດແນວຄິດ ແລະ ວາງແຜນ ໂດຍໃຊ້ກົນລະຍຸດໃນການວິເຄາະທີ່ຮຽກວ່າ SWOT Analysis ຫຼື ກົນລະຍຸດການປະເມີນສະຖານນະການແວດລ້ອມດັ່ງນີ້:
1.Strengths ຄື ຈຸດແຂງ.
ໝາຍເຖິງ ຕົນເອງມີຈຸດແຂງ ຫຼື ສ່ວນດີດ້ານໃດດ້ານໝຶ່ງມີຄວາມຮູ້ຄວາມສາມາດທາງດ້ານໃດ ຄວນຫາວິທີຝຶກຝົນດ້ານດີນີ້ຕະຫຼອດເວລາ ເພື່ອເພີ່ມສັກກະຍະພາບໃຫ້ດີຂຶ້ນຢູ່ສະເໝີ ໂດຍອາດຈະພິຈາລະນາດັ່ງນີ້:
- ແມ່ນຫຍັງຄືຄວາມໄດ້ປຽບທີ່ຕົນເອງມີຢູ່.
- ເຮັດສິ່ງຕ່າງໆ ໄດ້ດີພຽງໃດ ເມື່ອທຽບກັບຄູ່ແຂ່ງ.
- ມີຊັບພະຍາກອນຫຍັງທີ່ສາມາດເຂົ້າເຖິງໄດ້ ຫຼື ຫາມາໄດ້ ໃນຂະນະທີ່ຄູ່ແຂ່ງບໍ່ສາມາດຫາໄດ້.
- ເລື່ອງອື່ນໆ ທີ່ເຫັນວ່າເປັນຈຸດແຂງຂອງຕົນເອງ.
2.Weaknesses ຄື ຈຸດອ່ອນ.
ຕົນເອງມີຈຸດອ່ອນດ້ານໃດ ສິ່ງໃດທີ່ບໍ່ຖະນັດ ບໍ່ມັກ ຫຼື ເຮັດບໍ່ໄດ້ ຄວນພະຍາຍາມຫາທາງແກ້ໄຂ ປັບປຸງແລະ ພັດທະນາຈຸດອ່ອນນັ້ນໃຫ້ນ້ອຍລົງ ຫຼື ໝົດໄປໃນທີ່ສຸດ ໂດຍຈະພິຈາລະນາດັ່ງນີ້:
- ແມ່ນຫຍັງ ຄືສິ່ງທີ່ຕົນເອງ ຫຼື ບຸກຄົນໃກ້ຄຽງເຫັນວ່າຕ້ອງປັບປຸງ.
- ແມ່ນຫຍັງ ທີ່ຕົນເອງຢັງເຮັດໄດ້ບໍ່ດີເທົ່າທີ່ຄວນ.
- ຄູ່ແຂ່ງຂັນຂອງຕົນເອງ ມີຈຸດແຂງດ້ານໃດແດ່.
3.Opportunities ຄື ໂອກາດ.
ຊຶ່ງເປັນປັດໄຈຂອງສະພາບແວດລ້ອມພາຍນອກ ທີ່ເອື້ອອຳນວຍໃຫ້ແກ່ການ ເຮັດວຽກນັ້ນເປັນໄປຕາມຈຸດມຸ້ງໝາຍທີ່ວາງໄວ້ ແລະ ຊ່ວຍສົ່ງເສີມການພັດທະນາຕົນເອງໃຫ້ມີປະສິດທິພາບທີ່ດີຢິ່ງຂຶ້ນ ດັ່ງນັ້ນເມື່ອມີໂອກາດທີ່ດີເຂົ້າມາເປັນຜູ້ປະກອບການແລ້ວຈຶ່ງບໍ່ຄວນປ່ອຍໃຫ້ໂອກາດນັ້ນໃຫ້ຜ່ານໄປ ໂດຍຈະພິຈາລະນາດັ່ງນີ້:
- ການປ່ຽນແປງພາຍນອກ ທີ່ມີຜົນດີີຕໍ່ກິດຈະການຂອງຕົນເອງມີຫຍັງແດ່.
- ແນວໂນ້ມທີ່ໜ້າສົນໃຈທີ່ຕົນເອງຈະຕ້ອງຄອຍຖ້າຕິດຕາມມີຫຍັງແດ່.
4.Threats ຄື ອຸປະສັກ
ເປັນປັດໄຈພາຍນອກທີ່ສົ່ງຜົນກະທົບຕໍ່ເປົ້າໝາຍ ຊຶ່ງອາດເຮັດໃຫ້ຕົນເອງ ບໍ່ສາມາດບັນລຸວັດຖຸປະສົງທີ່ວາງໄວ້ໄດ້ ໂດຍຈະພິຈາລະນາດັ່ງນີ້:
- ການປ່ຽນແປງພາຍນອກແມ່ນຫຍັງແດ່ ທີ່ຈະເປັນອຸປະສັກກັບທຸລະກິດຂອງຕົນເອງ.
- ຄູ່ແຂ່ງຂັນຂອງຕົນເອງ ກຳລັງພະຍາຍາມຈະເຮັດແມ່ນຫຍັງແດ່ ທີ່ອາດສົ່ງຜົນກະທົບກັບທຸລະກິດຂອງຕົນເອງໃນອະນາຄົດ.
ເຖິງວ່າການວິເຄາະ SWOT ຈະເປັນກົນລະຍຸດທີ່ໃຊ້ໃນການວິເຄາະຈຸດແຂງ ຈຸດອ່ອນ ໂອກາດ ແລະອຸປະສັກຂອງແຕ່ລະບຸກຄົນ ເພື່ອປັບປຸງຂໍ້ບົກຜ່ອງຂອງຕົນເອງທີ່ມີຢູ່ໃຫ້ດີຂຶ້ນ ແຕ່ສິ່ງທີ່ສຳຄັນທີ່ສຸດ ກໍຄືຄວາມຕັ້ງໃຈ ແລະ ຄວາມພະຍາຍາມທີ່ຈະປະຕິບັດຕາມເປົ້າໝາຍທີ່ໄດ້ວາງໄວ້ໃຫ້ສຳເລັດ.
1.2.ການວິເຄາະບັນຫາຂອງຜູ້ປະກອບການໃໝ່.
ຜູ້ປະກອບການໃໝ່ (New Entrepreneur) ມີຄວາມສຳຄັນໃນການເພີ່ມຄວາມເຂັ້ມແຂງໃນລະບົບເສດຖະກິດຂອງປະເທດ ລັດຖະບານໄດ້ສະໜັບສະໜູນໃຫ້ຜູ້ປະກອບການໃຊ້ຄວາມຮູ້ ເທກໂນໂລຢີ ທັກສະ ແລະ ຝີມື ໃນການປະກອບທຸລະກິດຫຼາຍຂຶ້ນ ແຕ່ກໍຢັງປະສົບກັບບັນຫາ ແລະ ອຸປະສັກອີກຫຼາຍບັນຫາ ແລະ ອຸປະສັກຂອງຜູ້ປະກອບການໃໝ່ ປະກອບດ້ວຍ:
1. ຂາດຄວາມຮູ້ ຄວາມສາມາດ ແລະ ປະສົບການໃນການປະກອບກິດຈະການ.
2. ບັນຫາການຂາດແຄນເງິນທຶນ.
3. ບັນຫາດ້ານການຕະຫຼາດ.
4. ບັນຫາດ້ານເທກໂນໂລຢີ.
1.3.ຂະບວນການສ້າງຜູ້ປະກອບການໃໝ່.
ການສ້າງຜູ້ປະກອບການ ແລະ ທຸລະກິດ ການສົ່ງເສີມອຸດສາຫະກຳ ກະຊວງອຸດສາຫະກຳ ເກີດຂຶ້ນຈາກການປັບປຸງໂຄງສ້າງໝ່ວຍງານທີ່ເຮັດໝ້າທີ່ພັດທະນາຜູ້ປະກອບການທຸລະກິດ ໂດຍແຢກໂຄງການເສີມສ້າງຜູ້ປະກອບການໃໝ່ມາຢູ່ທັງໝົດກັນໃນໝ່ວຍງານນີ້ ໂດຍຍັງຄົງໃຊ້ເກນການພິຈາລະນາຄັດເລືອກຜູ້ເຂົ້າຮັບການອົບຮົມເປັນຜູ້ປະກອບການທຸລະກິດ ຂະໜາດສົມຄວນຕາມໂຄງການເສີມສ້າງຜູ້ປະກອບການແຫ່ງຊາດ (NEC) ແລະ ປັບແຜນງົບປະມານຈາກງົບກະຕຸ້ນເສດຖະກິດມາເປັນງົບປົກກະຕິໂດຍຮ່ວມກັບໝ່ວຍປະຕິບັດ ສະຖາບັນການສຶກສາ ອົງກອນເອກຊົນໃຫ້ການຝຶກອົບຮົມປຶກສາ ແນະນຳສ້າງຜູ້ປະກອບການທຸລະກິດ.