ວິຊາ ຕະຫຼາດການເງິນ
1.ໃນລະບົບເສດຖະກິດມີຕະຫລາດຈັກປະເພດ
ຄືປະເພດໃດແດ່ ?
ຕະຫຼາດໃນລະບົບເສດຖະກິດມີ 3 ປະເພດຄື:
- ຕະຫຼາດປັດໄຈການຜະລິດ
- ຕະຫຼາດຜະລິດຕະພັນ
- ຕະຫຼາດການເງິນ
2.ຊັບສິນທາງການເງິນມີ ຈັກປະເພດ
ຄືປະເພດໃດແດ່ ?
ຊັບສິນທາງການເງິນມີ 7 ປະເພດຄື:
- ພັນທະບັດຄັງເງິນ
- ພັນທະບັດບໍລິສັດ
- ພັນທະບັດລັດຖະບານ
- ຮຸ້ນສາມັນ
- ຮຸ້ນບູລິມະສິດ
- ເງິນຝາກປະຫຍັດ
- ສັນຍາທາງເລືອກ
3.ໜ້າທີ່ຂອງຊັບສິນທາງການເງິນມີຈັກໜ້າທິ່
ຄື ໜ້າທີ່ຫຍັງແດ່?
ໜ້າທີ່ຂອງຊັບສິນທາງການເງິນມີ
2 ໜ້າທີ່ພື້ນຖານຄື:
1.ເຄື່ຶອນຍ້າຍເງິນທຶນສວ່ນເກີນ,
ໜ້າທີ່ດັ່ງກ່າວນີ້ ຊັບສິນທາງການເງິນປະກອບສວ່ນຊວ່ຍເຄື່ອນຍ້າຍເງິນທຶນສວ່ນເກີນຈາກນັກລົງທຶນໄປຫາຜູ້ຈຳໜ່າຍໄດ້ນຳໃຊ້ທຶນ
2.ກະຈາຍຄວາມສ່ຽງໃນການລົງທຶນໃຫ້ແກ່ນັກລົງທຶນໃສ່ຊັບສິນທາງການເງິນ
4.ຄຸນລັກສະນະຂອງຊັບສິນທາງການເງິນ
ມີຈັກຄຸນລັກສະນະ ຄືຄຸນລັກສະນະຫຍັງແດ່?
ຄຸນລັກສະນະຂອງຊັບສິນທາງການເງິນ
ມີ 10 ຄຸນລັກສະນະຄື:
- ລັກສະນະເປັນເງິນ
- ລັກສະນະແບ່ງແຍກມູນຄ່າ
- ລັກສະນະປ່ຽນເປັນເງິນໄດ້
- ລັກສະນະມີກຳນົດເວລາ
- ລັກສະນະຊຳລະສະສາງ
- ລັກສະນະເປັນເງິນຕາຕ່າງປະເທດ
- ລັກສະນະເກີດກຳໄລ
- ລັກສະນະສັບຊອ້ນ
- ລັກສະນະຮັບພາລະອາກອນ
5.ໃນລະບົບການເງິນມີຈັກລະບົບ ຄືລະບົບຫຍັງແດ່?
ລະບົບການເງິນມີ 3 ລະບົບຄື:
- ຕະຫຼາດການເງິນ
- ສະຖາບັນການເງິນ
- ເຄື່ອງມືການເງິນ
6.ຕະຫຼາດການເງິນແມ່ນຫຍັງ?
ໝາຍເຖິງສະຖານທີ່ໝູນທຶນຈາກຜູ້ທີ່ມີທຶນສວ່ນເກີນໄປຍັງຜູ້ທີ່ຕອ້ງການທຶນ
ຫຼື ໝາຍເຖິງສະຖານທີ່ເອື້ອອຳນວຍຄວາມສະດວກໃນການໂອນ ຫຼື
ປ່ຽນມືຊັບສິນທາງການເງິນຈາກບຸກຄົນໜຶ່ງໄປສູ່ອີກບຸກຄົນໜຶ່ງ
7.ຕະຫຼາດການເງິນມີຈັກໜ້າທີ່ ຄືໜ້າທີ່ຫຍັງແດ່?
ໜ້າທີ່ຂອງຕະຫຼາດການເງິນມີ 3 ໜ້າທີ່ຄື:
- ເປັນສື່ການງທາງດ້ານການເງິນ
- ສະໜັບສະໜູນການລະດົມທຶນໃຫ້ແກ່ຫົວໜວ່ຍທູລະກິດ
- ຊວ່ຍສະໜັບສະໜູນທາງດ້ານການອອມ ແລະ ການລົງທຶນ
8.ຕະຫຼາດການເງິນມີຈັກບົດບາດ ? ຄືບົດບາດຫຍັງແດ່?
ບົດບາດບົດບາດຂອງຕະຫຼາດການເງິນມີ
5 ບົດບາດຄື:
- ເຮັດໃຫ້ຜູ້ອອມໄດ້ຮັບຜົນປະໂຫຍດຕອບແທນໃນຮູບແບບຂອງອັດຕາດອກເບ້ຍແລະ ອຶ່ນໆ
- ເຮັດໃຫ້ຜູ້ລົງທຶນມີເງິນທຶນໄປໃຊ້ໃນໂຄງການຕ່າງໆ
- ເຮັດໃຫ້ຜູ້ບໍລິໂພກມີຊີວິດການເປັນຢູ່ທີ່ດີຂຶ້ນ
- ເຮັດໃຫ້ລະບົບເສດຖະກິດມີການສະສົມທຶນຂອງປະເທດເພີ່ມຂື້ນ
- ເຮັດໃຫ້ເກີດມີຄວາມຈະເລີນທາງດ້ານເສດຖະກິດ
9.ຕະຫຼາດການເງິນມີຈັກປະເພດ ? ຄືປະເພດຫຍັງແດ່?
ຕະຫຼາດການເງິນມີ 2 ປະເພດຄື:
- ຕະຫຼາດເງິນ
- ຕະຫຼາດທຶນ
10.ຕະຫຼາດທຶນລວມມີຈັກປະເພດ ຄືປະເພດຫຍັງແດ່?
ຕະຫຼາດທຶນລວມມີ 2 ປະເພດ :
- ຕະຫຼາດຂັ້ນໜຶ່ງ
- ຕະຫຼາດຂັ້ນສອງ
11.ຕະຫຼາດຂັ້ນສອງມີຈັກປະເພດ ຄືປະເພດຫຍັງແດ່?
ຕະຫຼາດຂັ້ນສອງມີ 2 ປະເພດຄື:
- ຕະຫຼັກຫຼັກຊັບ
- ຕະຫຼາດບໍ່ລວມສູນ
12.ຕະຫຼາດຂັ້ນໜຶ່ງ ແມ່ນຫຍັງ?
ຕະຫຼາດຂັ້ນໜຶ່ງ ແມ່ນພິມ ແລະ ຈຳໜ່າຍຫຼັກຊັບຄັ້ງທຳອິດ
13.ຕະຫຼາດບໍ່ລວມສູນ OTC ແມ່ນຫຍັງ?
ແມ່ນຕະຫຼາດທິ່ບໍ່ມີສະຖານທີ່ຊື້
ຂາຍທີ່ແນ່ນອນ, ຢູ່ກະແຈກກະຈາຍ ສາມາດຊື້ໄດ້ທຸກບອ່ນ
14.ຕະຫຼາດເງິນແມ່ນຫຍັງ?
ແມ່ນ ຕະຫຼາດທີ່ມີການຊື້ ຂາຍ ເອກະສານທາງການເງິນໄລຍະສັ້ນບໍ່ເກີນ
1 ປີ ທີ່ສະແດງເຖິງຄວາມເປັນເຈົ້າໜີ້ຂອງຜູ້ຖືເອກະສານ ເມື່ອຄົບກຳນົດ ຜູ້ຖື ມີສິດທວງໃຫ້
ຜູ້ອອກ ຕອ້ງໄຖ່ຖອນຄືນ ເຊັ່ນພັນທະບັດຄັງເງິນ,ໃບຮັບຝາກເງິນທີ່ປ່ຽນມືໄດ້
15.ຕະຫຼາດທຶນແມ່ນຫຍັງ ?
ເປັນຕະຫຼາດທີ່ມີການຊື້ ຂາຍເອກະສານທາງດ້ານການເງິນມີອາຍຸການຫຼາຍກວ່າ 1 ປີຂຶ້ນໄປເຊັ່ນ: ຮຸ້ນທຶນ, ຮຸນກູ້ ແລະ ພັນທະບັດປະເພດຕ່າງໆເພື່ອນຳມາໃຊ້ໃນໂຄງການໄລຍະຍາວ
16.ຜະລິດຕະພັນໃນຕະຫຼາດການເງິນ
ມີຈັກຜະລິດຕະພັນ ມີຫຍັງແດ່?
ຜະລິດຕະພັນໃນຕະຫຼາດການເງິນ ມີ 2 ຜະລິດຕະພັນຄື:
- ຫຼັກຊັບໜີ້
- ຫຼັກຊັບທຶນ
17.ພັນທະບັດແມ່ນຫຍັງ?
ແມ່ນໃບຢັ້ງຢືນໜີ້ເຊິ່ງລັດຖະບານ ຫຼື ວິສາຫະກິດພິມຈຳໜ່າຍ ໂດຍສັນຍາກັບຜູ້ໃຫ້ກູ້ວ່າຈະຈ່າຍຜົນຕອບແທນເປັນງວດ ແລະ ສົ່ງຕົ້ນທຶນຄືນເມື່ອຄົບກຳນົດການໄຖ່ຖອນ
18.ພັນທະບັດມີຈັກຄຸນລັກສະນະ ? ຄືຄຸນລັກສະນະຫຍັງແດ່ ?
ພັນທະບັດມີ 4 ຄຸນລັກສະນະ ຄື:
- ມູນຄ່າກຳນົດ (Par
Value)
- ອັດຕາດອກເບ້ຍ
- ລາຄາຊື້ພັນທະບັດ
- ໄລຍະເວລາຂອງພັນທະບັດ
19.ຮຸ້ນກູ້ມີຈັກປະເພດ ? ຄືປະເພດໃດແດ່?
ຮຸ້ນກູ້ມີ 2 ປະເພດຄື:
- ຮຸ້ນກູ້ລັດຖະບານ
- ຮຸ້ນກູ້ວິສາຫະກິດ
20.ຮຸ້ນກູ້ຂອງລັດຖະບານແມ່ນຫຍັງ?
ເປັນຮຸ້ນກູ້ທີ່ອອກໂດຍສູນກາງ ຫຼືທອ້ງຖິ່ນຈຸດປະສົງເພື່ອທົດແທນບັນດາບວ້ງໃຊ້ຈ່າຍເຂົ້າໃນການລົງທຶນຂອງງົບປະະມານລັດຄຸ້ມຄອງອັດຕາເງິນເຟີ້, ສະໜັບສະໜູນບັນດາໂຄງການຂອງລັດ,ຮຸ້ນກູ້ລັດຖະບານເປັນເຄື່ອງພິເສດສຳຄັນ ແລະ ມີປະສິດທິຜົນໃນການລະດົມທຶນໃຫ້ງົບປະມານລັດ ເປັນຮຸ້ນທີ່ບໍ່ສາມາດປ່ຽນສະພາບໄດ້
21.ຮຸ້ນກູ້ວິສາຫະກິດແມ່ນຫຍັງ?
ເປັນຮຸ້ນກູ້ທີ່ບັນດາວິສາຫະກິດເປັນຜູ້ຈຳໜ່າຍເພື່ອລະດົມທຶນເຂົ້າໃນໂຄງການໄລຍະຍາວໃຫ້ແກ່ວິສາຫະກິດ
22.ຮຸ້ນກູ້ສາມາດໄຖ່ຖອນຄືນກອ່ນຄົບກຳນົດແມ່ນຫຍັງ?
ແມ່ນຮຸ້ນທີ່ສາມາດຮຽກຊື້ຄືນໄດ້ກອ່ນຮອດກຳນົດ,
ຜູ້ຈຳໜ່າຍມີຄວາມໄດ້ປຽບ, ເປັນຮຸ້ນທີ່່ມີດອກເບ້ຍສູງກວ່າຮຸ້ນປະເພດອື່ນ ບໍ່ມີໄລຍະເວລາທີ່ແນ່ນອນ.
ບໍລິສັດຮຽກເກັບຄືນຄືນກອ່ນກຳນົດຍອ້ນວ່າທຶນພຽງພໍແລ້ວ
23.ຮຸ້ນກູ້ອອກໂດຍໃບຢັ້້ງຢືນສິດແມ່ນຫຍັງ?
ເປັນຮຸ້ນທີ່ອອກຈຳໜ່າຍໂດຍມີໃບຢັ້ງຢືນສິດແກ່ຜູ້ຖື
ມີສິດຊື້ຮຸ້ນສາມັນນໄດ້ຕາມຈຳນວນ ແລະ ລາຄາທີ່ກຳນົດໄວ້ໃນໃບຢັ້ງຢືນ, ມີສິດໃນການສັ່ງຊື້
24.ຮຸ້ນກູ້ມີສະຖຽນລະພາບດ້ານດອກເບ້ຍແມ່ນຫຍັງ?
ແມ່ນຮຸ້ນທີ່ຊຳລະຕາມອັດຕາດອກເບ້ຍໃນນາມ
ມີການຈ່າຍດອກເບ້ຍເປັນປະຈຳ ແລະ ເປັນງວດຕາມປົກກະຕິແມ່ນ 6 ເດືອນ ຫຼື 1 ປີຕໍ່ຄັ້ງ, ບັງຄັບໃຫ້ວິສາຫະກິດຕອ້ງມີພັນທະຈ່າຍດອກເບ້ຍຕະຫຼອດໄລຍະທີ່ມີການເກັບຮັກສາ
25.ຮຸ້ນກູ້ທີ່ມີດອກເບ້ຍລອຍຕົວແມ່ນຫຍັງ?
ແມ່ນປະເພດຮຸ້ນກູ້ເຊິ່ງດອກເບ້ຍຂອງມັນໄດ້ປັບໄປຕາມການປ່ຽນຂອງດອກເບ້ຍຕະຫຼາດ
ຫຼື ຊຳລະສະສາງອີງຕາມດອກເບ້ຍຕະຫຼາດ
26.ຮຸ້ນກູ້ອັດຕາດດອກເບ້ຍຕ່ຳ ຫຼື
ບໍ່ມີດອກເບ້ຍແມ່ນຫຍັງ?
ເປັນຮຸ້ນກູ້ທີ່ລະບຸດອກເບ້ຍຕໍ່າ
ຫຼື ບໍ່ມີດອກເບ້ຍ ສວ່ນຫຼາຍຈຳໜ່າຍຕໍ່າກວ່າລາຄາໜ້າໃບ ເມື່ອຄົບກຳນົດການໄຖ່ຖອນແມ່ນຈະໄດ້ຮັບຄົບຕາມມູນຄ່າໜ້າໃບ
27.ຮຸ້ນກູ້ຕ່າງປະເທດແມ່ນຫຍັງ?
ເປັນຮຸ້ນທີ່ພິມຈຳໜ່າຍພາຍໃນປະເທດແຕ່ສະກຸນເງິນທີ່ຊື້ຂາຍ
ແມ່ນສະກຸນເງິນຕາຕ່າງປະເທດ ເປົ້າໝາຍແມ່ນເພື່ອຢາກໄດ້ເງິນຕາຕ່າງປະເທດ ຫຼື
ແມ່ນໃບຢັ້ງຢືນໜີ້ຂອງລັດຖະບານ ແລະ ວິສາຫະກິດທີ່ພິມຈຳໜ່າຍຂາຍໃນຕະຫຼາດທຶນສາກົນ
28.ຮຸ້ນກູ້ທີ່ໄດ້ຮັບຜົນຕອບແທນແມ່ນຫຍັງ?
ເປັນຮຸ້ນກູ້ປະເພດໜຶ່ງທີ່ບໍ່ມີຫຼັກຊັບຄ້ຳປະກັນແຕ່ຕອ້ງຈ່າຍຜົນຕອບແທນ
ຫຼື ດອກເບ້ຍຕາມຄວາມສາມາດໃນການຫາກຳໄລຕົວຈິງຈາກການດຳເນີນງານ
29.ຮຸ້ນກູ້ທີ່ມີຫຼັກຊັບຄ້ຳປະກັນແມ່ນຫຍັງ?
ແມ່ນບັນດາວິສາຫະກິດທີ່່ຈະພິມຈຳໜ່າຍຮຸ້ນກູ້ຕອ້ງມີການຄ້ຳປະກັນດວ້ຍຊັບສິນ
ຫຼື ຫຼັກຊັບ ໃນລະດັບສູງ
30.ຮຸ້ນກູ້ທີ່ບໍ່ມີຫຼັກຊັບຄ້ຳປະກັນແມ່ນຫຍັງ?
ບັນດາບໍລິສັດທີ່ມີຊື່ສຽງ ໃນຕະຫຼາດພາຍໃນ
ແລະ ຕ່າງປະເທດສາມາດພິມຈຳໜ່າຍພັນທະບັດໂດຍບໍ່ມີການຄ້ຳປະກັນຍອ້ນວ່າບໍລິສັດດັ່ງກ່າວມີຄວາມໜ້າເຊື່ອຖືພຽງພໍ
ເຊິ່ງອາໃສຊື່ສຽງນັ້ນເອງເປັນການຄ້ຳປະກັນ ຖ້າຫາກບໍລິສັດລົ້ມລະລາຍຜູ້ຖືຮູ້ນກູ້ປະເພດນີ້ຈະໄດ້ຮັບການຊຳລະຫຼັງຜູ້ຖືຮຸ້ນທີ່ມີຫຼັກຊັບຄ້ຳປະກັນດວ້ຍຊັບສິນ
31.ຮຸ້ນກູ້ແປງສະພາບໄດ້ແມ່ນຫຍັງ?
ແມ່ນຮຸ້ນກູ້ທີ່ສາມາດປ່ຽນສະພາບເປັນຮຸ້ນສາມັນໄດ້
32.ຜົນຕອບແທນຂອງຮຸ້ນກູ້ປະກອບມີຫຍັງແດ່?
ຜົນຕອບແທນຂອງຮຸ້ນກູ້ປະກອບມີ:
- ໄດ້ຮັບດອກເບ້ຍເປັນງວດ
- ຜົນຕອບແທນຈາກທຶນ(ສວ່ນຕ່າງລາຄາ)
- ຜົນຕອບແທນຈາກການລົງທຶນກຳໄລ
33.ຄວາມສ່ຽງຂອງຮູ້ນກູ້ມີຄວາມສ່ຽງຫຍັງແດ່
ອະທິບາຍພອ້ມ?
ຄວາມສ່ຽງຂອງຮູ້ນກູ້ມີ:
- ຄວາມສ່ຽງອັດຕາດອກເບ້ຍຄື: ເມື່ອດອກເບ້ຍເພີ່ມຂຶ້ນເຮັດໃຫ້ລາຄາຮຸ້ນກູ້ຫຼຸດລົງ ເມື່ອດອກເບ້ຍຫຼຸຸດລົງຈະເຮັດໃຫ້ລາຄຮຸ້ນເພີ່ມຂື້ນ
- ຄວາມສ່ຽງຊຳລະສະສາງ: ຄວາມສ່ຽງໃນການສຳລະສະສາງເອີ້ນວ່າຄວາມສ່ຽງສິນເຊື່ຶອ ຫຼື ຄວາມສ່ຽງຊຳລະໜີ້ ເປັນຄວາມສ່ຽງທີ່ຜູ້ຈຳໜ່າຍສູນເສຍໜີ້ໝາຍຄວາມວ່າບໍ່ສາມາດຊຳລະສະສາງຖືກຕາມກຳນົດເວລາ ແຕ່ຖ້າເປັນຮຸ້ນກູ້ຂອງລັດຖະບານຖືວ່າບໍ່ມີຄວາມສ່ຽງໃນການສຳລະສະສາງ
- ຄວາມສ່ຽງອັດຕາເງິນດຟີ້: ເອີ້ນວ່າຄວາມສ່ຽງທາງດ້ານຄວາມສາມາດຊື້ ເກີດຂຶ້ນຍອ້ນການປ່ຽນແປງຂອງກະແສເງິນ ຫຼື ຄ່າຂອງເງີນ
- ຄວາມສ່ຽງອັດຕາແລກປ່ຽນ: ສຳລັບຮຸ້ນກູ້ທີ່ໄດ້ພິມຈຳໜ່າຍເປັນສະກຸນເງິນຕາຕ່າງປະເທດ ເມື່ອຄົບກຳນົດການຊຳລະສະສາງແຕ່ຕອ້ງຊຳລະເປັນສະກຸນພາຍໃນ ເຊິ່ງເວລານັ້ນເງິນພາຍໃນພັດອອ່ນຄ່າທຽບກັບສະກຸນເງິນທີ່ຈຳໜ່າຍຮຸ້ນກູ້ເຮັດໃຫ້ຜູ້ພິມຈຳໜ່າຍໄດ້ຮັບສະກຸນເງິນຕາຕ່າງປະເທດໜອ້ຍລົງ ເອີ້ນວ່າຄວາມສ່ຽງອັດຕາແລກປ່ຽນ
34.ປັດໄຈທີ່ສົ່ງຜົນກະທົບຕໍ່ກັບລາຄາຮຸ້ນກູ້
ມີຈັກປັດໄຈ ຄື ປັດໄຈຫຍັງແດ່?
ປັດໄຈທີ່ສົ່ງຜົນກະທົບຕໍ່ກັບລາຄາຮຸ້ນກູ້
ມີ 5 ປັດໄຈ ຄື:
- ຄວາມອາດສາມາດທາງດ້ານການເງິນຂອງຜູ້ອອກກູ້
- ໄລຍະເວລາຄົບກຳນົດ
- ຄາດຄະເນກ່ຽວກັບເງິນເຟີ້
- ການເໜັງຕີງຂອງດອກເບ້ຍຕະຫຼາດ
- ການປ່ຽນແປງຂອງອັດຕາແລກປ່ຽນ
35.ຜົນດີໃນການຈຳໜ່າຍຮຸ້ນກູ້ມີຫຍັງແດ່?
ຜູ້ພິມຈຳໜ່າຍສາມາດກຳນົດລາຍຈ່າຍລວ່ງໜ້າດອກເບ້ຍ
ແລະ ເງິນຕົ້ນທຶນຄືນໃນຈຳນວນ ແລະ ເວລາທີ່ແນ່ນອນ, ດອເບ້ຍທີ່ຈ່າຍເປັນຄ່າໃຊ້ຈ່າຍທີ່ສາມາດຫຼຸດຜອ່ນພາລະການຈ່າຍພາສີອາກອນ
ລວມທັງວິທີການຈ່າຍ
36.ຜົນເສຍໃນການຈຳໜ່າຍຮຸ້ນກູ້ມີຫຍັງແດ່?
ເຮັດໃຫ້ຄວາມສ່ຽງຂອງກິດຈະການສູງຂຶ້ນມີຜົນກະທົບຕໍ່ກັບຕົ້ນທຶນສະເລ່ຍຂອງກິດຈະການ,
ເວລາຊຳລະສະສາງແມ່ນຊຳລະເທື່ອດຽວໃນຈຳນວນເງິນກອ້ນໃຫຍ່(ຄວາມສ່ຽງພາຍໃນ)
ມີພາລະໃນການຈ່າຍດອກເບ້ຍເປັນປະຈຳ,
ຕອ້ງມີແຜນກະກຽມເງິນເພື່ອໄຖ່ຖອນຮຸ້ນກູ້ເມື່ອຄົບກຳນົດ
37.ຫຼັກຊັບທຶນ ຫຼື ຮຸ້ນທຶນມີຈັກປະເພດ
ຄືປະເພດຫຍັງແດ່?
ຫຼັກຊັບທຶນ ຫຼື ຮຸ້ນທຶນມີ 2 ປະເພດ ຄື:
- ຮຸ້ນສາມັນ
- ຮຸ້ນບູລິມະສິດ
38.ຮຸ້ນທຶນແມ່ນຫຍັງ?
ແມ່ນຫຼັກຊັບປະເພດໜຶ່ງທີ່ໄດ້ຈຳໜ່າຍດວ້ຍຮູບແບບໃບຢັ້ງຢືນ
ຫຼື ການບັນທຶກບັນຊີເຊິ່ງໄດ້ກນໄດຄວາມເປັນເຈົ້າຂອງ ແລະ
ຜົນປະໂຫຍດຂອງຜູ້ຖືຮຸ້ນສວ່ນໜື່ງໆເຊິ່ງຖືກຕອ້ງຕາມກົດໝາຍ
39.ຮຸ້ນສາມັນແມ່ນຫຍັງ ?
ຮຸ້ນສາມັນເປັນໃບຢັ້ງຢືນກຳມະສິດເປັນເຈົ້າຂອງ
ໄດ້ກຳນົດກຳມະສິດຂອງຜູ້ຖືຮຸ້ນຕໍ່ກັບບໍລິສັດຮຸ້ນສວ່ນໜຶ່ງໆ
40.ຮຸ້ນສາມັນມີຈັກຈຸດພິເສດ ? ຄືຈຸດພິເສດຫຍັງແດ່ ?
ມີ 5 ຈຸດພິເສດຄື:
- ໃບຮຸ້ນແມ່ນໃບຢັ້ງຢືນການປະກອບທຶນເຊິ່ງໃນນັ້ນບໍ່ມີກຳນົດໃນການໄຖ່ຖອນທຶນ
- ຜົົນຕອບແທນຂອງໃບຮຸ້ນແມ່ນຂຶ້ນກັບຜົນການດຳເນີນທູລະກິດຂອງວິສາຫະກິດ(ບໍ່ຄົງທີ່)
- ຜູ້ຖືຮຸ້ນສາມັນມີສິດຊື້ຮຸ້ນໃໝ່ຂອງບໍລິສັດ, ມີສິດປອ່ນບັດ, ມີສິດຮັບຜົນຕອບແທນ (ເປັນເງິນ ລື ຮຸ້ນ)
- ເມື່ອບໍລິສັດຫາກລົ້ມລະລາຍ ຜູ້ຖືຮຸ້ນສາມັນໄດ້ຮັບສວ່ນແບ່ງສຸດທ້າຍຂອງຊັບສິນທີ່ຍັງເຫຼືອສຸດທິ
- ລາຄາຮຸ້ນມີການເໜັງຕີງຢ່າງວອ່ງໄວໂດຍສະເພາະແມ່ນຢູ່ໃນຕະຫຼາດຂັ້ນສອງ ຍອ້ນມີຫຼາຍປັດໄຈສົ່ງຜົນກະທົບ ແຕ່ວ່າປັດໄຈພື້ນຖານທີ່ພາໃຫ້ລາຄາຮຸ້ນມີການ ເໜັງຕີງແມ່ນປະສິດທິຜົນຂອງທຸລະກິດ ແລະ ມູນຄ່າຕະຫຼາດຂອງໃບຮຸ້ນ
41.ເງິນປັນຜົນຂອງຮຸ້ນສາມັນແມ່ນຫຍັງ?
ແມ່ນເງິນທີ່ໄດ້ແບ່ງປັນໃຫ້ແກ່ຜູ້ຖືຮຸ້ນສາມັນແຕ່ລະຄົນ
ອີງໃສ່ຜົນໄດ້ຮັບຈາກການດຳເນີນການຜະລິດທຸລະກິດຂອງບໍລິສັດ,
ເງິນປັນຜົນຂອງຮຸ້ນສາມັນໄດ້ຈ່າຍຫຼງັເມື່ອຈ່າຍຜົນຕອບແທນຄົງທີ່ໃຫ້ແກ່ຜູ້ຖືຮຸ້ນບູລິມະສິດ
42.ຜົນຕອບແທນ ແລະ ຄວາມສ່ຽງ ຂອງຮຸ້ນສາມັນມີຫຍັງແດ່ ພອ້ມອະທິບາຍ?
ຜົນຕອບແທນຂອງຮຸ້ນສາມັນມີ:
- ເງິນປັນຜົນ:ແມ່ນສວ່ນແບ່ງປັນໃຫ້ແຕ່ລະຮຸ້ນໄດ້ມາຈາກກຳໄລສຸດທິຫຼັງຈາກການຫັກຈ່າຍຄ່າອາກອນ, ຫຼັງຈາກຈ່າຍຜົນຕອບແທນໃຫ້ຮຸ້ນບູລິມະສິດ ແລະ ຫຼັງຫັກລາຍໄດ້ສະສົມເຂົ້າຄັງ
- ຜົນຕອບແທນຈາກທຶນ: ສວ່ນໃຫຍ່ນັກລົງທຶນຈະມີຍຸດທິສາດທຸລະກິດໄລຍະສັ້ນ ຈະຂາຍໃບຮຸ້ນທັນທີເມື່ອລາຄາຂອງຮຸ້ນເພີ່ມຂຶ້ນ ເພື່ຶອຈະໄດ້ຮັບສວ່ນຕ່າງຈາກລາຄາ
ຄວາມສ່ຽງຂອງຮຸ້ນສາມັນ:
ໃນການລົງທຶນ, ຄວາມສ່ຽງເກີດຂຶ້ນຍອ້ນບັນດາປັດໄຈທີ່ຢູ່ນອກບໍລິສັດບໍ່ສາມາດຄວບຄຸມໄດ້ ແລະ ມີຜົນກະທົບຢ່າງໃຫຍ່ຫລວງເຖິງຕະຫຼາດ ແລະ ທຸກໆຫຼັກຊັບເອີ້ນວ່າຄວາມສ່ຽງເປັນລະບົບ (ຄວາມສ່ຽງນອກ) ເຊັ່ນ: ຄວາາມສ່ຽງຕະຫຼາດ, ຄວາມສ່ຽງອັດຕາດອກເບ້ຍ, ຄວາມສ່ຽງດ້ານຄວາມສາມາດຊື້.ກົງກັນຂ້າມ ຄວາມສ່ຽງທີ່ເກີດຂຶ້ນຍອ້ນບັນດາປັດໄຈພາຍນອກບໍ່ສາມາດຄວບຄຸມໄດ້ ແລະ ກະທົບຕໍ່ຂະແໜງການໃດໜຶ່ງ ຫຼື ທັງໝົດບໍລິສັດ ເອີ້ນວ່າຄວາມສ່ຽງບໍ່ເປັນລະບົບ(ຄວາມສ່ຽງພາຍໃນ) ເກີດຈາກການບໍລິຫານກະດຈະການບໍ່ໄດ້ປະສິດທິພາບ
43.ຮຸ້ນບູລິມະສິດແມ່ນຫຍັງ?
ຮຸ້ນບູລິມະສິດເປັນຮຸ້ນທຶນປະເພດໜຶ່ງທີ່ຜູ້ຖືຮຸ້ນຈະມີສວ່ນຮວ່ມໃນການເປັນເຈົ້າຂອງກິດຈະການຄ້າຍຄືກັບຮຸ້ນສາມັນແຕ່ຄວາມແຕກຕ່າງຢູ່ບອ່ນວ່າຜູ້ຖືຮຸ້ນບູລິມະສິດມີສິດອອກສຽງໃນກອງປະຊຸມໜອ້ຍກວ່າຜູ້ຖືຮຸ້ນສາມັນແຕ່ມີສິດພິເສດໃນການໄດ້ຮັບເງິນປັນຜົນເໜືອກວ່າຮຸ້ນສາມັນຄືໄດ້ຮັບເງິນປັນຜົນໃນອັດຕາທີ່ແນ່ນອນ , ເມື່ອບໍລິສັດລົ້ມລະລາຍແມ່ນຈະໄດ້ຮັບສິດໃນການຊຳລະຄືນເງິນທຶນກອ່ນຜູ້ຖືຮຸ້ນສາມັນ, ເປັນປະເພດຮຸ້ນທີ່ມີຄວາມສ່ຽງຕ່ຳ ແລະ ມີໜອ້ຍທີ່່ສຸດໃນຕະຫຼາດຫຼັກຊັບ
44.ຮຸ້ນບູລິມະສິດມີຈັກຈຸດພິເສດ
ຄື ຈຸດພິເສດຫຍັງແດ່ ?
ມີ 2 ຈຸດພິເສດ ຄື:
- ຈຸດພິເສດຄືກັບຮຸ້ນສາມັນ
- ຈຸດພິເສດຄືກັບພັນທະບັດ
45.ຈົ່ງອະທິບາຍຈຸດພິເສດຂອງຮຸ້ນບູລິມະສິດທີ່ຄືກັບຮຸ້ນສາມັນ?
ຈຸດພິເສດຂອງຮຸ້ນບູລິມະສິດທີ່ຄືກັບຮຸ້ນສາມັນຢູ່ບອ່ນວ່າຊື້ແລ້ວຊື້ເລີຍບໍ່ມີກຳນົດເວລາ ບໍ່ສາມາດໄຖ່ຖອນຄືນ ຜູ້ຖືຮຸ້ນບູລິມະສິດກໍ່ເປັນຂາຮຸ້ນຜູ້ໜຶ່ງພອ້ມທັງເປັນເຈົ້າຂອງບໍລິສັດ ຍອ້ນແນວນັ້ນສວ່ນທຶນທີ່ປະກອບໂດຍຜ່ານການຊື້ຮຸ້ນແມ່ນຈະຄົງຕົວໄປຕະຫຼອດບໍ່ສາມາດຖອນຄືນໄດ້ແຕ່ວ່າເມື່ອເຂົາເຈົ້າມີຄວາມຕອ້ງການເງິນສາມາດນຳໄປຂາຍໃນຕະຫຼາດຫຼັກຊັບ
46.ຈົ່ງອະທິບາຍຈຸດພິເສດຂອງຮຸ້ນບູລິມະສິດທີ່ຄືກັບພັນທະບັດ?
ຈຸດພິເສດຂອງຮຸ້ນບູລິມະສິດທີ່ຄືກັບພັນທະບັດຄືຈະໄດ້ຮັບຜົນຕອບແທນຄົງທີ່ໃນອັດຕາທີ່ແນ່ນອນທີ່ກຳນົດໄວ້ໃນໜ້າໃບ
47.ຮຸ້ນບູລິມະສິດມີຈັກປະເພດ ? ຄືປະເພດໃດແດ່?
ຮຸ້ນບູລິມະສິດມີ 5 ປະເພດຄື:
- ຮຸ້ນບູລິມະສິດແບບສະສົມ
- ຮຸ້ນບູລິມະສິດແບບບໍ່ສະສົມ
- ຮຸ້ນບູລິມະສິດແບບຮວ່ມຮັບ
- ຮຸ້ນບູລິມະສິດແບບສາມາດແປງສະພາບເປັນຮຸ້ນສາມັນ
- ຮຸ້ນບູລິມະສິດແບບສາມາດໄຖ່ຖອນຄືນໄດ້
48.ຮຸ້ນບູລິມະສິດແບບສະສົມແມ່ນຮຸ້ນແນວໃດ?
ແມ່ນປະເພດຮຸ້ນບູລິມະສິດທີ່ຮັບດອກເບ້ຍແບບຄົງທີ່ແຕ່ໃນກໍລະນີບໍລິສັດດຳເນີນທຸລະກິດບໍ່ມີກຳໄລ
ຫຼື ຈ່າຍບໍ່ຄົບຕາມຈຳນວນຕາມດອກເບ້ຍທີ່ໄດ້ກຳນົດໄວ້ແມ່ນສວ່ນທີ່ເຫຼືອຈະໄດ້ສະສົມໄວ້ໃນປີຕໍ່ໄປ
ຫຼື ສອງສາມປີຖັດໄປ
49.ຮຸ້ນບູລິມະສິດແບບບໍ່ສະສົມແມ່ນຮຸ້ນແນວໃດ?
ຮຸ້ນບູລິມະສິດແບບບໍ່ສະສົມເປັນຮຸ້ນທີ່ຈ່າຍຜົນຕອບແທນໃຫ້ເມື່ອບໍລິສັດມີກຳໄລ
ເຊິ່ງຸຖ້າຫາກວ່າບໍລິສັດບໍ່ມີເງິນຈ່າຍ ຫຼື ຈ່າຍບໍ່ເຕັມຕາມທີ່ກຳນົດໄວ້
ແມ່ນຈະບໍ່ໄດ້ສະສົມເກັບໄວ້ໃນຕໍ່ໄປອີກຈ່າຍບໍ່ເຕັມຕາມທີ່ກຳນົດໄວ້, ເປັນປະເພດຮຸ້ນທີ່ມີຄວາມສ່ຽງຫຼາຍກວ່າຮຸ້ນບູລິມະສິດ
ແລະ ຜົນຕອບແທນກໍ່ຮຽກຮອ້ງສູງກວ່າ
50.ຮຸ້ນບູລິມະສິດແບບຮວ່ມຮັບແມ່ນຮຸ້ນແນວໃດ?
ແມ່ນປະເພດຮຸ້ນທີ່ຜູ້ຖືຮຸ້ນບູລິມະສິດປະເພດນີ້ນອກຈາກຈະໄດ້ຮັບຜົນຕອບແທນຄົງທີ່ແລ້ວ
ເມື່ອບໍລິສັດຫາກດຳເນີນທຸລະກິດເກີດມີກຳໄລຫຼາຍ
ພາຍຫຼັງບໍລິສັດຊຳລະໜີ້ແລ້ວແມ່ນຈະໄດ້ຮັບສວ່ນແບ່ງຮວ່ມກັບຮຸ້ນສາມັນແຕ່ດອກເບ້ຍຕໍ່າ
51.ຮຸ້ນບູລິມະສິດແບບສາມາດແປງສະພາບເປັນຮຸ້ນສາມັນແມ່ນຮຸ້ນແນວໃດ?
ຮຸ້ນປະເພດນີ້ສາມາດປ່ຽນເປັນຮຸ້ນສາມັນ (ຕາມລະບຽບທີ່ກຳນົດໄວ້)
ຕາມອັດຕາສວ່ນໃດໜຶ່ງທີ່ໄດ້ກຳນົດໄວ້ກອ່ນ
ຜູ້ຖືຮຸ້ນບູລິມະສິດດັ່ງກ່າວຈະປະະຕິບັດການປ່ຽນຮຸ້ນເມື່ອລາຄາຂອງຮຸ້ນສາມັນເພີ່ມຂຶ້ນ
52.ຮຸ້ນບູລິມະສິດແບບສາມາດໄຖ່ຖອນຄືນໄດ້ແມ່ນຮຸ້ນແນວໃດ?
ບໍລິສັດຈຳນວນໜຶ່ງຕົກຢູ່ໃນສະພາບທີ່ຕອ້ງການແຫຼ່ງທຶນຈຳນວນໃດໜຶ່ງ.
ດັ່ງນັ້ນຈຶ່ງພິມຈຳໜ່າຍຮຸ້ນອອກໃນອັດຕາດອກເບ້ຍທີ່ສູງເພື່ອເປັນການຈູງໃຈແກ່ນັກລົງທຶນ ແຕ່ວ່າຮຸ້ນບູລິມະສິດປະເພດນີ້ບໍລິສັດຈະໄຖ່ຖອນຄືນຫຼັງໄລຍະເວລາໃດໜຶ່ງທີ່ແນ່ນອນ
ເມື່ອບໍລິສັດມີສະພາບການເງິນທີ່ຂອ້ນຂ້າງດີ
53.ປະສິດທິພາບຂອງຕະຫຼາດການເງິນມີ
ຈັກລະດັບ? ຄືລະດັບຫຍັງແດ່?
ມີ 3 ລະດັບຄື:
- ປະສິດທິພາບລະດັບອອ່ນ: ໃນການສະໜອງຂໍ້ມູນຂ່າວສານອາດມີຜູ້ທີ່ຮູ້ ແລະບໍ່ຮູ້
- ປະສິດທິພາບລະດັບກາງ: ອາດຈະສະໜອງຂໍ້ມູນຂ່າວສານໄດ້ດີ, ຮູ້ຈັກລາຄາທີ່ຊັດເຈນ, ມີຂະໜາດໃຫຍ່ ແລະ ມີຜູ້ເຂົ້າຮວ່ມຫຼາຍ
- ປະສິດທິພາບລະດັບແຂງ: ເປັນຕະຫຼາດທີ່ທັນສະໄໝ ຮູ້ລາຄາເບື້ອງຕົ້ນໃນຕະຫຼາດຂັ້ນ 1 ແລະ 2, ສາມາດຮູ້ລາຄາປະຈຸບັນ, ແລະ ສະພາບການຕ່າງໆ
