ຂໍ້ດີ ແລະ ຂໍ້ເສຍ ຂອງການເປັນຜູ້ປະກອບການ
ການເປັນຜູ້ປະກອບການມີທັງຂໍ້ດີ ແລະ ຂໍ້ເສຍ ເໝືອນກັບອາຊີບອື່ນໆ ຖ້າປຽບທຽບການເປັນລູກຈ້າງຂອງຜູ້ອື່ນກັບການເຮັດທຸລະກິດຂອງຕົນເອງນັ້ນ ຈະເຫັນໄດ້ວ່າຕ່າງກໍ່ມີທັງຂໍ້ດີ ແລະ ຂໍ້ເສຍແຕກຕ່າງກັນໄປ ໃນແງ່ຂອງຜົນປະໂຫຍດທີ່ໄດ້ຮັບ ແລະ ຄວາມເໝາະສົມກັບອຸປະນິໃສສະເພາະບຸກຄົນ ຈຶ່ງເປັນການຍາກທີ່ຈະຊີ້ສະເພາະລົງໄປວ່າການເປັນລູກຈ້າງຫລືຜູ້ປະກອບການດີກວ່າກັນ ຢ່າງໃດກໍດີບາງຄົນບໍ່ເໝາະເປັນຜູ້ປະກອບການແຕ່ສາມາດເປັນລູກຈ້າງທີ່ມີຄຸນຄ່າຕໍ່ອົງກອນ ແລະ ລູກຈ້າງບາງຄົນຍົກລະດັບຄວາມສາມາດ ແລະ ຖານະໄດ້ດ້ວຍການເປັນຜູ້ປະກອບການສ້າງທຸລະກິດຂອງຕົນເອງໄດ້.
1.1.ຂໍ້ດີຂອງການເປັນຜູ້ປະກອບການ.
1. ມີຄວາມເປັນອິດສະຫລະໃນການດຳລົງຊີວິດ ໃນການເຮັດວຽກງານສາມາດຕັດສິນໃຈດ້ວຍຕົນເອງໄດ້ໃນການສັ່ງການດຳເນີນງານທຸກຢ່າງ.
2. ໄດ້ໃຊ້ຄວາມສາມາດຂອງຕົນທຸກດ້ານຢ່າງເຕັມທີ່ເປັນນາຍຂອງຕົວເອງ ທຸ້ມເທແຮງກາຍແຮງໃຈໄດ້
ຈົນສຸດກຳລັງ ບໍ່ຕິດຂັດລ່າຊ້າ ຊຶ່ງນັ້ນທອນກຳລັງໃຈໃນການເຮັດວຽກງານ.
3. ໄດ້ເງິນກຳໄລເປັນຂອງຜູ້ປະກອບການທັງໝົດໂດຍບໍ່ຕ້ອງລໍຮັບເປັນໂບນັດ ແລະ ຖ້າປະສົບຄວາມ
ສຳເລັດໃນທຸລະກິດເປັນຢ່າງຫຼາຍກໍ່ຈະໄດ້ຮັບການຢົກຍ້ອງສັນເສີນມີຊື່ສຽງໃນສັງຄົມ.
4. ໄດ້ສະໝອງຄວາມພຶງພໍໃຈດ້ວຍການໃຊ້ຊີວິດທີ່ຕົນປາດຖະໝາ ເຊັ່ນ: ໄດ້ເຮັດວຽກທີ່ຕົນເອງຮັກ ຫຼື ມີ
ເວລາກັບຄອບຄົວຫລາຍຂຶ້ນ ໄດ້ຖ່າຍທອດຄວາມຮູ້ຄວາມຊຳນານແກ່ລູກຫຼານທີ່ຈະສືບຕໍ່ກິດຈະການໄດ້ສ້າງກຸສົນຈາກການດຳເນີນກິດຈະການ.
1.2.ຂໍ້ເສຍຂອງການເປັນຜູ້ປະກອບການ.
1. ຕ້ອງເຮັດວຽກໜັກຫຼາຍເກີນເວລາເຮັດວຽກທີ່ເປັນທາງການ ແລະ ຕ້ອງເຮັດວຽກທຸກຢ່າງທັງລະດັບປະຕິບັດການ ແລະ ລະດັບບໍລິຫານເປັນເວລາທີ່ຍາວນານແຮມປີຕິດຕໍ່ກັນ.
2. ຂອບເຂດຄວາມຮັບຜິດຊອບມີຫລວງຫລາຍບໍ່ຈຳກັດແລະຕ້ອງຕັດສິນໃຈທຸກເລື່ອງແມ່ນແຕ່ເລື່ອງທີ່ບໍ່
ຊຳນາຍຫລືບໍ່ມີຄວາມຮູ້.
3.ລາຍໄດ້ບໍ່ສມ່ຳສະເໝີເພາະການເຮັດທຸລະກິດຄວນມີຄວາມສ່ຽງທີ່ຈະກຳໄຣຫລືຂາດທຸນໄດ້ຕະຫລອດເວລາແຕ່ຖ້າເປັນລູກຈ້າງຈະມີເງີນເດືອນປະຈຳພຣ້ອມສວັດດິການ.
4. ຕ້ອງຮັບຜິດຊອບໜີ້ສິນຂອງກິດຈະການ ການກູ້ຢືມເງີນກໍເຮັດໄດ້ຍາກຫາກຕັວຜູ້ປະກອບການບໍ່ມີຫຼັກຊັບພຽງພໍ.
5. ແມ່ນຈະອິດສະຫລະໃນການເຮັດວຽກງານ ແຕ່ຜູ້ປະກອບການຢັງຕ້ອງເອົາໃຈໃສ່ລູກຄ້າ ປຣະນີປຣະນອມກັບລູກຈ້າງຫລືເຈົ້າຫນ້າທີ່ຂອງຣັດຫລືເຈົ້າໜີ້.
ສິ່ງທີ່ຈູງໃຈໃຫ້ຢາກເປັນຜູ້ປະກອບການຫຼາຍທີ່ສຸດຄື ໄດ້ມີຄວາມເປັນອິດສະຫລະ ໄດ້ພັດທະນາສັກຍາພາບຂອງຕົນໄດ້ເຕັມທີ່ ໄດ້ພາກພູມໃຈໃນຕົນເອງ ຊຶ່ງເປັນຄວາມຮູ້ສຶກທີ່ດີກວ່າໄດ້ຮັບການຢົກຍ້ອງສັນເສີນຕາມມານຢາດສັງຄົມ ນອກຈາກນັ້ນຢັງສາມາດໃຊ້ຊີວິດໃນແບບຢ່າງ ທີ່ຕົນປາດຖະໝາເພາະການເຮັດສິ່ງທີ່ຕົນມັກ ຄືຄວາມສຸກໃນຊີວິດທີ່ບໍ່ອາດໄດ້ມາດ້ວຍເງິນສະເໝີໄປ ແຕ່ການເປັນຜູ້ປະກອບການຕັ້ງທຸລະກິດມາດຳເນີນງານເອງບໍ່ໄດ້ປະສົບຄວາມສຳເລັດສະເໝີໄປ ມີທຸລະກິດຂະໜາດຄວນຫລວງຫລາຍທີ່ລົ້ມເຫລວຕ້ອງອອກຈາກຕະຫຼາດໄປ ເຮັດໃຫ້ການລົງທຶນລົງແຮງຂອງຜູ້ປະກອບການທີ່ທຸ້ມເທສູນເສຍ ເງິນທີ່ເກັບອອມມາຊົ່ວຊີວິດອາດໝົດໄປກັບທຸລະກິດທີ່ລົ້ມລະລາຍ ແຕ່ຜູ້ປະກອບການທີ່ບໍ່ປະສົບຄວາມສຳເລັດຕ້ອງບໍ່ທໍ້ຖອຍທີ່ຈະຕໍ່ສູ້ໃໝ່ອີກເທື່ອ ດັ່ງຄຳກ່າວທີ່ວ່າ ຜູ້ຊະນະໃນມື້ນີ້ເຄີຍພ່າຍແພ້ໃນມື້ກ່ອນມາແລ້ວທັງນັ້ນ.