ປະເພດຂອງຜູ້ປະກອບການ
1.1.ປະເພດຂອງຜູ້ປະກອບການແບ່ງຕາມລັກສະນະຂອງກິດຈະກຳການບໍລິຫານງານ.
1.ຜູ້ກໍ່ຕັ້ງ (Founder)
ແມ່ນຜູ້ປະກອບການທີ່ຈັດຕັ້ງທຸລະກິດຂຶ້ນມາ ຊຶ່ງອາດເປັນຜູ້ທີ່ຊຳນານທາງການວິຊາຊີບ ດ້ານໃດດ້ານໜຶ່ງມາກ່ອນ ເຊັ່ນ: ສຸກກີພັດຕາຄານອອກມາເປີດຮ້ານອາຫານເອງ ຫຼື ເປັນກຸ່ມເພື່ອນທີ່ຮຽນຈົບມານຳກັນເຂົ້າຫຸ້ນກັນເຮັດທຸລະກິດ ຫຼື ບາງຄົນອາດຕັດສິນໃຈລະຖິ້ມງານທີ່ເຄີຍເຮັດຢູ່ ຕົກລົງໃຈທີ່ຈະເລີ່ມກໍ່ຕັ້ງທຸລະກິດຂຶ້ນມາ ຊຶ່ງຫຼັງຈາກການກໍ່ຕັ້ງທຸລະກິດແລ້ວ ຜູ້ກໍ່ຕັ້ງຈະດຳເນີນກິດຈະການຕໍ່ໄປ ຫລືອາດຂາຍກິດຈະການໃຫ້ຜູ້ອື່ນແລ້ວເຣີ່ມກໍ່ຕັ້ງທຸລະກິດໃໝ່ຂຶ້ນມາອີກກໍໄດ້ ຜູ້ກໍ່ຕັ້ງຈະເປັນຄົົນທີ່ມີຄວາມຄິດລິເລີ່ມສ້າງສັນ ແລະ ສາມາດພັດທະນາສິນຄ້າໃຫ້ຕອບສະໝອງຄວາມຕ້ອງການຂອງຕະຫຼາດ ໂດຍການປະດິດຄິດຄົ້ນສິນຄ້າ ຫຼື ບໍລິການໃໝ່ໆ ແລ້ວລົງມືກໍ່ຕັ້ງທຸລະກິດໃຫ້ເປັນຮູບເປັນຮ່າງດ້ວຍການສ້າງຜະລິດຕະພັນໃໝ່ ສ້າງສັນວິທີການຜະລິດ ວິທີການດຳເນີນງານໃໝ່ໆ ຫຼື ເປີດຕະຫຼາດໃໝ່ໃຫ້ແກ່ຜະລິດຕະພັນທີ່ມີຢູ່ແລ້ວ.
2.ຜູ້ຈັດການທັ່ວໄປ (General Manager)
ແມ່ນຜູ້ປະກອບການທີ່ເຮັດໝ້າທີ່ບໍລິຫານງານເພື່ອໃຫ້ທຸລະກິດຂະໜາດຄວນປະສົບຄວາມສຳເລັດໃນໄລຍະຍາວ ຜູ້ກໍ່ຕັ້ງກັບຜູ້ຈັດການທັ່ວໄປອາດເປັນຄົນດຽວກັນ ຫຼື ບໍ່ກໍໄດ້ ຜູ້ຈັດການທັ່ວໄປຕ້ອງເອົາໃຈໃສ່ກັບທຸກສ່ວນຂອງກິດຈະການບໍ່ວ່າຈະເປັນການເງິນການຕະຫຼາດ ການຜະລິດ ແລະ ການບໍລິຫານບຸຄະລາກອນໃນອົງກອນທຸລະກິດ ຜູ້ປະກອບການຕ້ອງເປັນຜູ້ນຳທີ່ຈູງໃຈຂອງລູກນ້ອງໄດ້ ມອງກົນໄກໃນໄລຍະຍາວ ແລະ ພາກພຽນພະຍາຍາມເພື່ອສ້າງທີມງານທີ່ດີຕະຫຼອດຈົນສາມາດກຳນົດກົນຢຸດໂຄງສ້າງ ແລະ ວັດທະນະທຳໃຫ້ແກ່ອົງກອນໄດ້.
3.ຜູ້ຮັບສິດທິທາງການຄ້າ (Franchisee)
ແມ່ນຜູ້ປະກອບການທີ່ຮັບສິດທິທາງການຄ້າຂອງທຸລະກິດສິດທິທາງການຄ້າ (Franchise) ແມ່ນຜູ້ຮັບສິດທິທາງການຄ້າຈະມີໝ້າທີ່ຄ້າຍຜູ້ຈັດການທັ່ວໄປ ແຕ່ກໍບໍ່ມີອິດສະຫລະໃນການດຳເນີນການໄດ້ເຕັມທີ່ ເພາະຕ້ອງຢູ່ໃນກອບຂໍ້ສັນຍາຜູກພັນຂອງຜູ້ໃຫ້ສິດທິທາງການຄ້າ (Franchisor).
1.2.ປະເພດຂອງຜູ້ປະກອບການແບ່ງຕາມວິທີການດຳເນີນງານ.
1. ຜູ້ປະກອບການທີ່ເປັນຜູ້ຊ່ຽວຊານສະເພາະ (Artisan Entrepreneur)
ເປັນຜູ້ທີ່ມີທັກສະທາງວິຊາຊີບສະເພາະດ້ານທີ່ຈັດຕັ້ງທຸລະກິດຂຶ້ນມາຈົນສາມາດເປັນຜູ້ປະກອບການ ບັນຫາຂອງຜູ້ປະກອບການປະເພດນີ້ຄື ຂາດຄວາມຮູ້ໃນການບໍລິຫານງານ ມັກຈະຕິດຕໍ່ສື່ສານບໍ່ຄ່ອຍເປັນ ໃຊ້ສັບເທກນິກທີ່ຄົນອື່ນບໍ່ເຂົ້າໃຈ ຂາດວິໃສທັດໃນການພັດທະນາໃຫ້ທຸລະກິດກ້າວໜ້າ ບໍ່ກ້າກະຈາຍອຳນາດໝ້າທີ່ຄວາມຮັບຜິດຊອບໃຫ້ລູກຈ້າງ ແລະ ມັກບໍ່ມອງພາບຣວມຂອງທຸລະກິດ.
2.ຜູ້ປະກອບການທີ່ມີໂອກາດສຳເລັດພຽບພ້ອມ (Opportunistic Entrepreneur)
ເປັນຜູ້ທີ່ມີທັກສະທາງເທກນິກໃນຂັ້ນເລີ່ມຕົ້ນແຕ່ໄດ້ພະຍາຍາມສຶກສາວິຊາການບໍລິຫານຈັດການເພິ່ມເຕິມເພື່ອທີ່ຈະບໍລິຫານງານຢ່າງມີວິໃສທັດກ້ວາງຂຶ້ນ ສາມາດມອບໝາຍງານ ແລະ ກະຈາຍອຳນາດຕະຫຼອດຈົນວາງແຜນພັດທະນາທຸລະກິດໃຫ້ກ້າວໜ້າໃນໄລຍະຍາວໄດ້.
3.ຜູ້ປະກອບການທີ່ເປັນກຸ່ມຄະນະ (Entrepreneurial Team)
ເປັນກຸ່ມບຸກຄົນທີ່ມີການບໍລິຫານງານ ຕາມຄວາມສາມາດຂອງແຕ່ລະຄົນໂດຍມີການປະສານງານກັນ ເຮັດໃຫ້ໄດ້ຜູ້ຊ່ຽວຊານຫຼາຍດ້ານມາຊ່ວຍກັນລົງທຶນ ແລະ ລົງແຮງດຳເນີນທຸລະກິດຂະໜາດຄວນນຳກັນ.
