ແນວທາງໃນການເປັນຜູ້ປະກອບການ
ການເປັນຜູ້ປະກອບການໃນກິດຈະການໃດກິດຈະການໜຶ່ງ ເປັນສິ່ງທີ່ທຸກຄົນມອງວ່າເປັນເລື່ອງຍາກຕໍ່ການເລີມຕົ້ນເພາະບໍ່ຮູ້ວ່າຈະເລີມຕົ້ນຈາກກົງຈຸດໃດກ່ອນ ແລ້ວເຮັດຢ່າງໃດຕໍ່ໄປ ຈຶ່ງຈະເຮັດໃຫ້ກິດຈະການຂອງຕົນເອງປຣະສົບຄວາມສຳເຣັດໄດ້ໃນທີ່ສຸດ ດັ່ງນັ້ນ ແນວທາງເລີ່ມຕົ້ນເປັນຜູ້ປະກອບການ ຈຶ່ງຄວນເລີ່ມຈາກການຫາຂໍ້ມູນ ດັ່ງນີ້:
1.ຮູ້ຈັກຕົນເອງ.
ໂດຍປະເມີນວ່າຕົນເອງມີຄຸນສົມບັດທີ່ຈະເຮັດທຸລະກິດນັ້ນ ຫຼື ບໍ່ ເຊັ່ນ ມີຄວາມຮູ້ ຄວາມສາມາດ ມີຄວາມອົດທົນ ຂະຫຍັນ ຊື່ສັດ ຍອມຮັບຄວາມສ່ຽງດ້ານຕ່າງໆ ເຊັ່ນ ກ້ານຳເງິນອອມທີ່ເກັບທັງຊີວິດມາລົງທຶນ ເປັນຕົ້ນແລະ ທີ່ສຳຄັນຕ້ອງໜັກແໜ້ນ ຈິງຈັງ ແລະ ກ້າຕັດສິນໃຈເຊັ່ນ:
- ການເລືອກປະເພດທຸລະກິດທີ່ເໝາະສົມກັບຕົນເອງ ໂດຍເບິ່ງຈາກຄວາມມັກ ຄວາມຖະນັດ ຄວາມສົນໃຈເປັນຫຼັກ ເພາະຈະເຮັດໃຫ້ຜູ້ປະກອບການຢາກສະແຫຼວງຫາຄວາມຮູ້ໃໝ່ໆ ທາງທຸລະກິດຢູ່ສະເໝີ.
- ສຳຫຼວດຖານະທາງການເງິນໂດຍຕົນເອງມີພຽງພໍ ຫຼື ບໍ່ ການເງິນຄວນຈັດແບ່ງອອກເປັນສ່ວນໆ ເຊັ່ນແບ່ງໄວ້ໃຊ້ຈ່າຍໃນຄອບຄົວ ແບ່ງຝາກໄວ້ກັບທະນາຄານເພື່ອໃຊ້ໃນກໍລະນີຈຳເປັນ ແລະ ແບ່ງໄວ້ສຳລັບການອອມເພື່ອ ການລົງທຶນ ເຊັ່ນ ການຊື້ພັນທະບັດລັດຖະບານ ເມື່ອຈັດແບ່ງເປັນສ່ວນຕ່າງໆ ແລ້ວ ຈະເຫັນວ່າຕົນເອງມີເງິນພຽງພໍເພື່ອ ເຮັດທຸລະກິດ ຫຼື ບໍ່ ຫຼື ຕ້ອງຫາຈາກແຫຼ່ງເງິນກູ້ອື່ນໆ.
- ທຳເລທີ່ຕັ້ງ ເປັນສ່ວນສຳຄັນໃນການຕັດສິນໃຈເພາະກ່ຽວຂ້ອງກັບການລົງທຶນສູງ ຫາກຜູ້ປະກອບການບໍ່ມີທີ່ດິນ ຫຼື ອາຄານເປັນຂອງຕົນເອງ ຖ້າຈະໃຊ້ເງິນລົງທຶນຊື້ກໍຈະບໍ່ຄຸ້ມຄ່າ.
2.ຮູ້ຂໍ້ມູນຂອງລູກຄ້າ.
ຜູ້ປະກອບການຄວນສຳຫຼວດຄວາມຕ້ອງການສິນຄ້າ ຫຼື ບໍລິການ ວ່າມີຫຼາຍນ້ອຍພຽງໃດເໝາະກັບລູກຄ້າກຸ່ມໃດ ເພື່ອໃຊ້ເປັນແນວທາງສຳລັບການຜະລິດຕໍ່ໄປ.
3.ຮູ້ຂໍ້ມູນຂອງຄູ່ແຂ່ງ.
ທຸລະກິດໃນປະຈຸບັນມີຈຳນວນຫຼາຍ ຈຳເປັນຕ້ອງຮູ້ວ່າຄູ່ແຂ່ງມີໃຜດ້ວຍ ຢູ່ທີ່ໃດ ກຳລັງເຮັດຫຍັງຢູ່ ທຸລະກິດຈະແຂ່ງຂັນຢ່າງໃດເພື່ອໄຊຊະນະ ຈະຜະລິດສິນຄ້າ ຫຼື ໃຫ້ບໍລິການຢ່າງໃດເພື່ອເປັນຈຸດຂາຍທີ່ ເດັ່ນກວ່າຂອງຄູ່ແຂ່ງ ສຶກສາວິທີການຂາຍ ການຕະຫຼາດ ການໂຄສະນາ ການກະຈາຍສິນຄ້າ ການສົ່ງເສີມການຕະຫຼາດ ຫຼື ການສະໜັບສະໜູນການຂາຍ ແລະ ການໃຫ້ບໍລິການຫຼັງການຂາຍຂອງຄູ່ແຂ່ງເປັນຢ່າງໃດ ແຕ່ການຮູ້ຂໍ້ມູນຂອງຄູ່ແຂ່ງບໍ່ແມ່ນ ເລື່ອງງ່າຍເນື່ອງຈາກຕ່າງຝ່າຍຕ່າງປິດບັງຂໍ້ມູນເຫຼົ່ານີ້.
4.ນະໂຍບາຍສົ່ງເສີມຈາກພາກລັດຖະບານ.
ຫາຂໍ້ມູນ ຫຼື ແຫຼ່ງທີ່ໃຫ້ການສົ່ງເສີມການຄ້າ ໃຫ້ເງິນທຶນ ຫຼື ໃຫ້ບໍລິການເພື່ອສະໜັບສະໜູນທຸລະກິດຕ່າງໆ ບໍ່ວ່າຈະເປັນກະຊວງ ກົມກອງສະຖາບັນການສຶກສາໃດກໍຕາມ ເຊັ່ນ ກົມສົ່ງເສີມການສົ່ງອອກສະໜັບສະໜູນຜູ້ສົ່ງອອກໄປຈັດນິທັດການໃນຕ່າງປະເທດ ໂດຍອອກຄ່າໃຊ້ຈ່າຍໃຫ້ໃນບາງສ່ວນ ແລະ ຜູ້ປະກອບການຕ້ອງເບິ່ງແນວໂນ້ມໃນອະນາຄົດວ່າລັດຖະບານຈະສະໜັບສະໜູນຫຍັງແດ່.
5.ວາງແຜນການເງິນໃນໄລຍະຍາວ.
ບັນຫາທາງການເງິນເປັນສາເຫດທີ່ເຮັດໃຫ້ການດຳເນີນ ເຄືອການຂະໜາດນ້ອຍຈະຂໍເງຶນກູ້ໄດ້ຍາກກວ່າກິດຈະການຂະໜາດໃຫຍ່ ເຈົ້າຂອງກິດຈະການທີ່ຂໍກູ້ເງິນນ້ອຍເກີນໄປ ເປີດກິດຈະການໄວເພາະວ່າບໍ່ມີເງິນທຶນໃນການດຳເນີນກິດຈະການ ດັ່ງນັ້ນກ່ອນທີ່ຈະເລີ່ມທຸລະກິດ ຈຶ່ງມີຄວາມຈຳເປັນ ທີ່ຈະຕ້ອງວາງແຜນວ່າຕ້ອງໃຊ້ເງິນເທົ່າໃດ.
6.ການເຮັດບັນຊີ.
ຜູ້ປະກອບການຈະຕ້ອງສົນໃຈ ງົບການເງິນ ໃນການດຳເນີນກິດຈະການ ຈຳເປັນຈະຕ້ອງໃຊ້ຕົວເລກໃຫ້ເປັນ ແລະ ບໍ່ສາມາດເຮັດທຸລະກິດໄດ້ຖ້າບໍ່ມີລະບົບບັນຊີທີ່ເໝາະສົມເພື່ອໃຊ້ເປັນເຄື່ອງມື ກົດທີ່ຮ້າຍແຮງຂອງຜູ້ປະກອບການໄດ້ ຖ້າເຮັດໃຫ້ລະບົບບັນຊີງ່າຍ ທີ່ສຸດ ນອກຈາກນັ້ນຂໍ້ມູນທາງການເງິນທີ່ຖືກຕ້ອງ ແລະ ສົມບູນກໍຈະສາມາດເຮັດໄດ້ດ້ວຍເວລາ ແລະ ຄ່າໃຊ້ຈ່າຍທີ່ນ້ອຍທີ່ສຸດ ນອກຈາກນັ້ນຂໍ້ມູນທາງ ຈະຊ່ວຍໃຫ້ວາງແຜນການຈະເລີນເຕີບໂຕຂອງທຸລະກິດໃນອະນາຄົດໄດ້.
7.ການບໍລິຫານທີ່ມີປະສິດທິພາບ.
ປະກອບດ້ວຍການວາງແຜນ ການຈັດອົງກອນ ການຄວບຄຸມ ແລະ ການນຳທຸລະກິດທີ່ບໍ່ປະສົບຄວາມສຳເຣັດເກີດຈາກການບໍລິຫານຜິດພາດ ຫຼັກການບໍລິຫານທຸລະກິດຄືການຮູ້ວ່າກຳລັງຢູ່ກົງ ຈຸດໃດຕະຫຼອດເວລາ ບໍ່ວ່າສະຖານນະການຫລືເສດຖະກິດຈະດີຫລືບໍ່ບໍ່ກ່ຽວກັບການບໍລິຫານງານ ຜູ້ຊຽວຊາຍຫຼາຍຄົນ ເຊື່ອວ່າລັກສະນະຂອງຜູ້ນຳທີ່ດີຈະຕ້ອງມີຄວາມສາມາດຈູງໃຈ ແນະນຳແນວທາງການດຶງດູດຄວາມສົນໃຈ ແລະ ມີທັກສະ ທີ່ຈະເຮັດໃຫ້ຜົນຜະລິດມີອັດຕາສູງ ສາມາດຄວບຄຸມການເຮັດວຽກງານໃຫ້ກົງເປົ້າໝາຍໄດ້ ຜູ້ນຳທີ່ດີຕ້ອງມີຄວາມຢືດຫຢຸ່ນ ເພາະວ່າສະຖານນະການປ່ຽນແປງຕະຫຼອດເວລາ.
8.ຂາຍສິນຄ້າ ຫຼື ບໍລິການທີ່ມີຄຸນນະພາບ.
ຄຸນນະພາບຂອງສິນຄ້າ ຫຼື ບໍລິການເປັນສິ່ງທີ່ຖືຮັກສາຄວາມສຳເລັດດຂອງກິດຈະການໃຫ້ຢູ່ຕະຫຼອດໄປ ຖ້າເຮັດກົນຍຸດການຕະຫຼາດ ທີ່ດີອາດຈະດຶງດູດລູກຄ້າໄດ້ ແຕ່ຖ້າສິນຄ້າບໍ່ເປັນທີ່ພໍໃຈຂອງລູກຄ້າລູກຄ້າກໍບໍ່ມາຊື້ສິນຄ້າອີກ ແລ້ວຈະເຮັດໃຫ້ທຸລະກິດເສຍຫາຍ ດັ່ງນັ້ນ ຈະຕ້ອງຮູ້ຂໍ້ດີ ແລະ ຂໍ້ເສຍ ຂອງສິນຄ້າ ຫຼື ບໍລິການຕ້ອງເຂົ້າໃຈລູກຄ້າ ແລະ ໃຫ້ຄວາມສຳຄັນແກ່ລູກຄ້າໃຫ້ຫຼາຍ ການອອກແບບສິນຄ້າ ຫຼື ບໍລິການຕາມຄວາມຕ້ອງການຂອງລູກຄ້າພັດທະນາມາດຕະຖານຄຸນນະພາບສິນຄ້າ ແລະ ຄຸນຄ່າສິນຄ້າໃຫ້ດີ.
9.ຈ້າງບຸກຄະລາກອນທີ່ເໝາະສົມ.
ແມ່ນບຸກຄະລາກອນທີ່ດີມີປະສິດທິພາບອາດນຳໄປສູ່ຄວາມສຳເລັດໄດ້ ການບໍລິຫານບຸກຄະລາກອນ ການມີພະນັກງານທີ່ດີເປັນສິ່ງສຳຄັນຕໍ່ກິດຈະການ ແຕ່ຜູ້ນຳກໍ່ຕ້ອງຈູງໃຈໃຫ້ເຮັດວຽກດີດ້ວຍ ໃນຂະບວນການ ຈ້າງງານບໍ່ຄວນເປັນໄປຢ່າງບໍ່ຕັ້ງໃຈ ກ່ອນທີ່ຈະປະກາດຮັບສະໝັກງານ ຕ້ອງວາງຕຳແໜ່ງ ແລະ ໝ້າທີ່ງານ ຄຸນສົມບັດ ແລະປະສົບການທີ່ຕ້ອງການ ລະບຽບວິທີການຈ້າງງານຄວນຈະຈັດເຮັດເພື່ອໃຫ້ໄດ້ບຸກຄະລາກອນທີ່ມີຄຸນນະພາບ ແລະ ມີປະສິດທິພາບ.
10. ເລືອກເຮັດທຳເລທີ່ຕັ້ງທີ່ເໝາະສົມກັບສິນຄ້າ ຫຼື ບໍລິການ.
ຄວນຈະຕັດສິນໃຈໄວ້ລ່ວງໜ້າວ່າຈະເລືອກສະຖານທີ່ຕາມຊະນິດຂອງສິນຄ້າ ຫຼື ບໍລິການ ແລະ ກຸ່ມລູກຄ້າເປົ້າໝາຍເປັນຫຼັກຫຼາຍກວ່າຄວາມສະດວກສະບາຍສ່ວນຕົວ ຖ້າເປັນກິດຈະການຄ້າຂາຍ ທຳເລທີ່ຕັ້ງກ່ຳຄວນຈະເປັນສະຖານທີ່ຊຸມຊົນ ແລະ ມີສະຖານທີ່ຈອດລົດ ການຂົນສົ່ງມວນຊົນ ສະຖານີຈອດລົດ ເມລົດ ລົດໄຟຟ້າ ຄວາມ ເໝາະສົມກັບທຸລະກິດ ສຳລັບທຸນກິດຈະການຜະລິດ ແລະ ບໍລິການ ຄວນຈະຕັ້ງຢູ່ໃກ້ ແຫຼ່ງຜູ້ຜະລິດສິນຄ້າໃຫ້ ແລະໃກ້ລູກຄ້າມີຄວາມສະດວກໃນການຂົນສົ່ງສິນຄ້າ ແລະ ເປັນໄປຕາມເຂດພື້ນທີ່ຕາມກົດຫມາຍ ທີ່ກຳນົດໄວ້ເພື່ອການຂະຫຍາຍທຸລະກິດໃນອະນາຄົດ.
