ຂໍ້ແນະນຳສຳລັບຜູ້ເລີ່ມປະກອບການ
ຜູ້ປະສົບຄວາມສຳເລັດໃນການເຮັດທຸລະກິດສ່ວນໃຫຍ່ໃຫ້ຄຳແນະນຳ 5 ຂັ້ນຕອນດັ່ງນີ້:
ຂັ້ນຕອນທີ່ 1: ລວບລວມຂໍ້ມູນດ້ານການຕະຫຼາດ ຄວນສຶກສາລວບລວມຂໍ້ມູນກ່ຽວກັບເລື່ອງຕໍ່ໄປນີ້:
- ຄວາມຕ້ອງການຂອງຜູ້ບໍລິໂພກ ໂດຍສະເພາະກຸ່ມເປົ້າໝາຍ.
- ທຳເລທີ່ຕັ້ງມີລັກສະນະຢ່າງໃດ ບໍລິເວນໃກ້ຄຽງມີທຸລະກິດຫຍັງທີ່ກ່ຽວກັບການດຳເນີນງານແຫຼ່ງວັດຖຸດິບຄວາມຕ້ອງການສິນຄ້າທີ່ຕົນຈະຜະລິດ.
- ການຄົມນາຄົມ ແລະ ສາທານະນູບໂພກຂອງແຫຼ່ງທີ່ຕັ້ງ.
- ຄູ່ແຂ່ງຂັນມີທຸລະກິດທີ່ຄ້າຍກັນຈຳນວນເທົ່າໃດ ປະລິມານການຜະລິດລາຄາ ແລະ ສະພາບການບໍລິການ.
ຂັ້ນຕອນທີ່ 2: ເງິນລົງທຶນ ແລະ ຜົນຕອບແທນ ຄວນພິຈາລະນາຫຼາຍປະການ ເຊັ່ນ:
- ຕ້ອງໃຊ້ເງິນລົງທຶນເທົ່າໃດ.
- ຈຸດຄຸ້ມທຶນຈັກປີ ຈຶ່ງຈະມີກຳໄລ.
- ຜົນຕອບແທນ ຄິດເປັນຈັກເປີ % ເຊັນຕົກອົງເງິນລົງທຶນຕໍ່ປີ.
- ໄລຍະເວລາທີ່ຄືນທຶນ.
ຂັ້ນຕອນທີ່ 3: ແຫຼ່ງທີ່ມາຂອງເງິນທຶນ
ຈະໄດ້ເງິນທິນມາຈາກໃສ (ຈາກເງິນອອມ ຈາກເງິນກູ້) ດອກເບ້ຍເງິນກູ້ໄລຍະເວລາທີ່ກູ້ສຳພັນກັບການດຳເນີນທຸລະກິດ ຫຼື ບໍ່.
ຂັ້ນຕອນທີ່ 4: ຄວາມພ້ອມຂອງຜູ້ປະກອບການ ໄດ້ແກ່
ຄວາມມຸ້ງມັ່ນ ຄວາມອົດທົນ ຄວາມຮູ້ດ້ານທຸລະກິດ ວິທີແກ້ບັນຫາເມື່ອທຸລະກິດປະສົບບັນຫາ ແລະ ການປະເມີນຜົນການປະກອບການ.
ຂັ້ນຕອນທີ່ 5: ການຕັດສິນໃຈ
ນຳຂໍ້ມູນທັງໝົດຂ້າງຕົ້ນມາປະເມີນເພື່ອຕັດສິນໃຈວ່າ ຈະລົງທຶນ ຫຼື ບໍ່ລົງທຶນ ຖ້າໄດ້ຂໍ້ມູນທີ່ລະອຽດ ແລະຖືກຕ້ອງແມ່ນຢຳ ແລະ ຜູ້ປະກອບການມີຄວາມພ້ອມຄວນປະສົບຄວາມສຳເລັດໃນການປະກອບທຸລະກິດ.
