ແນວຄວາມຄິດກ່ຽວກັບລາຄາ
1.1.ຄວາມໝາຍຂອງລາຄາ.
ລາຄາ (Price)
ໝາຍເຖິງຈໍານວນເງິນທີີ່ຜູ້ຊື້ຈ່າຍສໍາລັບສິນຄ້າ ແລະ ບໍລິການ ໂດຍກໍານົດຈາກມູນຄ່າຂອງສິນຄ້າໃນຮູບຂອງເງິນຕາ,
ລາຄາເປັນອົງປະກອບທີີ່ສໍາຄັນອັນໜຶ່ງຂອງສ່ວນປະສົມການຕະຫຼາດລາຄາເປັນສິ່ງທີີ່ເຮັດໃຫ້ເກີດການຊື້
- ຂາຍແລກປ່ຽນກັນ ລາຄາທີີ່ເກີດການຊື້ຄື ລາຄາທີີ່ຜູ້ຊື້ຍິນດີຊື້ ແລະ ຜູ້ຂາຍຍິນດີຂາຍ ມູນຄ່າຂອງຜະລິດຕະພັນທີີ່ກໍານົດເປັນລາຄາຈຶ່ງເກີດຈາກຄວາມພໍໃຈດ້ວຍກັນທັງສອງຝ່າຍຄືທັງຝ່າຍຜູ້ຊື້
ແລະ ຜູ້ຂາຍ, ລາຄາເປັນຕົວກາງ ຫຼື ສີ່ທີ່ເຮັດໃຫ້ເກີດການປ່ຽນແປງຄວາມເປັນເຈົ້າຂອງ
ລາຄາເມື່ອຄຸນກັບປະລິມານການຂາຍຂອງຜະລິດຕະພັນຊະນິດນັ້ນຈະເຮັດໃຫ້ເກີດລາຍໄດ້ຈາກການຂາຍ ແລະ
ເຮັດໃຫ້ຜູ້ຊື້ຜະລິດຕະພັນໄດ້ປະໂຫຍດ ແລະ ຄວາມເພິີ່ງພໍໃຈໃນການເປັນເຈົ້າຂອງຜະລິດຕະພັນ ແລະ
ບໍລິການນັ້ນ.
ເຖິງວ່າສິນຄ້າ ແລະ ບໍລິການຈະຖືກພັດທະນາຢ່າງຖືກຕ້ອງຕາມເປົ້າໝາຍການຕະຫຼາດ
ການຈັດຈໍາໜ່າຍໃນສະຖານທີີ່ ແລະ ເວລາທີີ່ຖືກຕ້ອງກໍຕາມ ແຕ່ກໍບໍໄດ້ໝາຍຄວາມວ່າການຜະລິດຜະລິດຕະພັນຈະຂາຍໄດູ້ຕາມເປົ້າໝາຍທີີ່ກໍານົດໄວ້.
ລາຄາຈຶ່ງເປັນກົນໄກທີີ່ສໍາຄັນທີີ່ຈະເຮັດໃຫ້ລູກຄ້າສົນໃຈ ແລະ ຍອມຮັບໃນຜະລິດຕະພັນລາຄາ ເປັນອົງປະກອບທີ່ສໍາຄັນທີ່ຜູ້ບໍລິຫານການຕະຫຼາດຕ້ອງໃຫ້ຄວາມສົນໃຈເປັນພິເສດເພາະລາຄາທີກໍານົດຕ້ອງມີຄວາມເໝາະສົມຈະເປັນສິ່ງທີີ່ຊ່ວຍຊຸກຍູ້ຜະລິດຕະພັນໃຫ້ອອກສູ່ຕະຫຼາດ
ແລະ ເປັນທີີ່ຕ້ອງການຂອງຕະຫຼາດເປົ້າ ໝາຍ. ລາຄາເປັນສິ່ງທີ່ເຮັດໃຫ້ເກີດລາຍໄດ້ຈາກການຂາຍຂອງກິດຈະການ
ແລະ ນໍາໄປສູ່ການສ້າງກໍາໄລໃນທີີ່ສຸດ ຄວາມສໍາຄັນຂອງລາຄາອາດສະຫຼຸບໄດ້ດັ່ງນີ້:
1.ເຮັດໃຫ້ເກີດລາຍໄດ້ຈາກການຂາຍ ເພື່ອການເພີີ່ມຂຶ້ນຂອງລາຍໄດ້ຈາກການຂາຍ ແລະ ເພື່ອເປັນການເພີີ່ມເງິນສົດໝູນວຽນ.
2.ເຮັດໃຫ້ເກີດຜົນກໍາໄລຈາກການຂາຍ ລວມເຖິງການໄດ້ຜົນຕອບແທນຕາມເປົ້າໝາຍ ໄດ້ກໍາໄລສູງສຸດ
ແລະ ມີຜົນເຮັດໃຫ້ການດໍາເນີນທຸລະກິດຂອງກິດຈະການດໍາເນີນຕໍໄປໄດ້ ລາຄາເປັນກົນໄກທີີ່ສໍາຄັນທີີ່ເຮັດໃຫ້ລູກຄ້າສົນໃຈ
ແລະ ຍອມຮັບໃນຜະລິດຕະພັນ.
3.ເຮັດໃຫ້ສາມາດເພີີ່ມປະລິມານການຂາຍລວມທັງເຮັດໃຫ້ສາມາດເພີ່ມຍອດຂາຍສາມາດຮັກສາສ່ວນຄອງຕະຫຼາດ
ສາມາດເພີີ່ມສ່ວນຄອງຕະຫຼາດ ແລະ ເຮັດໃຫ້ທຸລະກິດຢ່ລອດ.
4.ເຮັດໃຫ້ສາມາດຕໍສູ່ກັບຄ່ແຂ່ງຂັນຄື ສາມາດພົບກັບຄ່ແຂ່ງຂັນ ຫຼີກລ້ຽງການແຂ່ງຂັນ
ແລະ ຕັດລາຄາຂອງຄ່ແຂ່ງຂັນ.
5.ສ້າງປະໂຫຍດໃຫ້ກັບສັງຄົມ ໃນດ້ານການຊຸກດັນໃຫ້ການຕະຫຼາດປະຕິບັດຕາມຫຼັກຈັນຍາບັນທີີ່ດີ
ແລະ ຊ່ວຍຮັກສາພາບການຈ້າງງານ.
ລາຄານອກຈາກຈະມີຄວາມສໍາຄັນດັ່ງກ່າວແລ້ວ ລາຄາຜະລິດຕະພັນໃນຖານະທີີ່ເປັນອົງປະກອບທີີ່ສໍາຄັນຕົວໜຶ່ງຂອງສ່ວນປະສົມການຕະຫຼາດ
ລາຄາຈຶ່ງມີອິດທິພົນຕໍອົງປະກອບໃນສ່ວນປະສົມການຕະຫຼາດອື່ນໆ ທຸກຕົວ ເພາະການກໍານົດລາຄາຍ່ອມມີຜົນກະທົບຕໍຄ່າໃຊ້ຈ່າຍ
ເຊິ່ງມີຜົນກະທົບຕໍ່ອົງປະກອບຕົວອື່ນໆ ໃນດ້ານຕົ້ນທຶນ ຄວາມສົນໃຈ ແລະ ການຍອມຮັບຂອງຜູ້ບໍລິໂພກດ້ວຍ.
ລາຄາເປັນກົນໄກອັນໜຶ່ງທີີ່ຈະໃຊ້ຕໍ່ສູ້ຄູ່ແຂ່ງຂັນໃນຂະນະທີີ່ພົບວ່າອົງປະກອບຕົວອື່ນບໍ່ສາມາດເຮັດຫຍັງຄູ່ແຂ່ງຂັນໄດ້
ຜູ້ບໍລິຫານການຕະຫຼາດຈະໃຊ້ລາຄາເປັນອາວຸດຕົວສຸດທ້າຍເມືອມີຄວາມຈໍາເປັນ ຄືບໍ່ໃຊ້ການຫຼຸດລາຄາຕໍ່າເປັນປັດໄຈທໍາອິດໃນການຕໍ່ສູ່
ເພາະຜູ້ບໍລິໂພກຍ່ອມຍິນດີຊື້ຜະລິດຕະພັນໃນລາຄາສງຜູ້ບໍລິຫານສາມາດສ້າງຄຸນຄ່າຂອງຜະລິດຕະພັນໂດຍການໂຄສະນາ, ການສະເໜີຜະລິດຕະພັນໃຫ້ມີປະສິດທິພາບ, ການບໍລິການ ແລະ
ການບັນຈຸຫຸ້ມຫໍ ຜູ້ບໍລິໂພກ ຍິນດີທີີ່ຈະຈ່າຍເງິນເທົ່າກັບຄວາມສາມາດຂອງຜະລິດຕະພັນທີີ່ສະໜອງຕອບຄວາມຕ້ອງການຂອງຜູ້ບໍລິໂພກໄດ້
ແລະ ໃນທາງກົງກັນຂ້າມລາຄາກໍສາມາດສະໜອງຄວາມຕ້ອງການຂອງກິດຈະການໃນດ້ານຜົນຕອບແທນຈາການລົງທຶນ, ການເປັນຜູ້ນໍາໃນສ່ວນຄອງຕະຫຼາດ ແລະ ການພົບກັບການແຂ່ງຂັນທີີ່ມີ.
1.2.ປັດໄຈທີ່ຕ້ອງພິຈາລະນາໃນການຕັ້ງລາຄາຂອງຜະລິດຕະພັນ.
ການທີີ່ຈະຕັ້ງລາຄາຂອງຜະລິດຕະພັນໃຫ້ເປັນທີີ່ພໍໃຈຂອງຜູ້ຊື້
ແລະ ເປັນທີີ່ພໍໃຈຂອງຜູ້ບໍລິຫານການຕະຫຼາດນັ້ນ ມີປັດໄຈຫຼັກທີີ່ຈະນໍາມາພິຈາລະນາຄື: ປັດໄຈພາຍໃນ
(Internal Factors) ແລະ ປັດໄຈພາຍນອກ (External Factors).
1.ປັດໄຈພາຍໃນ (Internal Factors)
ໝາຍເຖິງປັດໄຈທີີ່ເກີດຂຶ້ນພາຍໃນອົງກອນທີີ່ກິດຈະການສາມາດກໍານົດ
ແລະ ຄວບຄຸມໃຫ້ເປັນໄປຕາມເປົ້າໝາຍທີີ່ກິດຈະການກໍານົດໄວ້ເຊິີ່ງປະກອບດ້ວຍປັດໄຈຕ່າງໆ
ດັ່ງນີ້:
·
ປັດໄຈໃນການຈັດອົງກອນ (Organization Factor)
ປະກອບດ້ວຍໜ່ວຍງານຕ່າງໆ ທີີ່ກ່ຽວຂ້ອງ ແລະ ມີຜົນຕໍການກໍານົດລາຄາເຊັ່ນ:
ຝ່າຍຜະລິດ, ຝ່າຍການຕະຫຼາດ, ຝ່າຍການເງິນ
ລວມທັງນະໂຍບາຍໃນການກໍານົດລາຄາຂອງກິດຈະການ.
·
ຈຸດປະສົງໃນການຕັ້ງລາຄາຂອງອົງກອນ
(Organization GoodsObjectures)
ເຊັ່ນ ກິດຈະການອາດຈະຕັ້ງຈຸດປະສົງເພື່ອຄອງຕະຫຼາດໃນສ່ວນລຸ່ມທັງໝົດເພາະເປັນຕະຫຼາດໃຫຍ່
ລາຄາທີີ່ຕັ້ງກໍຕ້ອງເປັນລາຄາທີີ່ຕໍ່າ.
·
ຕົ້ນທຶນ (Cost)
ປັດໄຈສໍາຄັນອັນດັບທໍາອິດທີີ່ຈະຕ້ອງນໍາມາພິຈາລະນາຄ
ຕົ້ນທຶນຂອງສິນຄ້ານັ້ນ ລາຄາຄືຕົ້ນທຶນບວກກັບກໍາໄລທີີ່ຕ້ອງການ ແຕ່ໃນບາງຄັ້ງກິດຈະການອາດໃຊ້ວີທີການຕັ້ງລາຄາລໍໃຈ
(Loss Leader Pricing) ເປັນການຕັ້ງລາຄາຕໍ່າກວ່າຕົ້ນທຶນເພື່ອລໍໃຈໃຫ້ລູກຄ້າເຂົ້າຮ້ານເພື່ອຊື້ສິນຄ້າອືນ
ແຕ່ເຖິງຢ່າງໃດກໍຕາມ ລາຄາຕໍ່າສຸດນັ້ນຈະຕ້ອງບໍ່ຕໍ່າກວ່າຕົ້ນທຶນປ່ຽນແປງຕໍ່ໜ່ວຍ.
·
ລັກສະນະຂອງຜະລິດຕະພັນ (Characteristic of Product)
ກາຍຕັ້ງລາຄາຈະຕ້ອງຄໍານຶງເຖິງຜະລິດຕະພັນດ້ວຍ ເປັນຜະລິດຕະພັນທີີ່ເນັ້ນໃນດ້ານເອກະລັກເປັນຜະລິດຕະພັນທີີ່ເດັນ
ເນັ້ນຕະຫຼາດຜູ້ມີລາຍໄດ້ ຫຼື ຜະລິດຕະພັນທີີ່ຂາຍກາສິນຄ້າເປັນສໍາຄັນຄື ຂາຍຊື່ສຽງ ການກໍານົດລາຄາຈະຕ້ອງກໍານົດໃຫ້ສູງ
ຖ້າເປັນຜະລິດຕະພັນທີີ່ເປັນສາຍຜະລິດຕະພັນ ຫຼື ຜະລິດຕະພັນເພີື່ອເປັນກາສິນຄ້າທີີ່ສອງ ລາຄາກໍຕ້ອງກໍານົດຮອງລົງມາຈາກກາສິນຄ້າຫຼັກ
ນອກຈາກນັ້ນຍັງຕ້ອງຄໍານຶງເຖິງການບໍລິການອື່ນໆ ທີີ່ຈະຕາມມາວ່າການກໍານົດລາຄາກໍ່ຕ້ອງໃຫ້ແຕກຕ່າງຕາມບໍລິການທີີ່ຈະສະເໜີໃຫ້ກັບລູກຄ້າ
·
ລັກສະນະວົງຈອນຊີວິດຜະລິດຕະພັນ.
1.ໄລຍະແນະນໍາ ລາຄາອາດຈະສູງ ຫຼື ຕໍ່າກໍໄດ້ແລ້ວແຕ່ຊະນິດຂອງຜະລິດຕະພັນ ແລະ ລູກຄ້າ.
2.ໄລຍະຈະເລີນເຕີບໃຫຍ່ ທິດທາງອາດຈະຫຼຸດລາຄາລົງເພື່ອຂະຫຍາຍຕະຫຼາດສູ່ກຸ່ມທີີ່ມີລາຍໄດ້ຕຳ່.
3.ໄລຍະຈະເລີນເຕີບໃຫຍ່ເຕັມທີີ່ຄູ່ ແຂ່ງຂັນຫຼາຍຂຶ້ນລາຄາຈະແຕກກັນ (PriceDiscrimination) ຕາມຜະລິດຕະພັນທີີ່ແຕກຕ່າງກັນ (ProductDifferentination).
4.ໄລຍະຕົກຕໍ່າ ລາຄາມີທິດທາງຈະຫຼຸດລົງເພື່ອຮັກສາສັດສ່ວນຕະຫຼາດ ຫຼື ອາດຈະຂຶ້ນລາຄາສໍາລັບລູກຄ້າທີີ່ມີຄວາມຊື່ສັດຕໍກາສິນຄ້າ.
5.ໂປແກຼມການຕະຫາດທີີມີຜົນຕໍ່ການຕັດສິນໃຈດ້ວຍລາຄາ (Marketing Programs in Price
Decision) ຕົວຜະລິດຕະພັນ, ການຈັດຈໍາໜ່າຍ
ຕະຫຼອດຮອດຄ່າໃຊ້ຈ່າຍໃນການສົ່ງເສີມການຕະຫຼາດລວມທັງບວກກໍາໄລທີີ່ຕ້ອງການດ້ວຍ
ຈະຕ້ອງນໍາມາຄິດໄລ່ໃນການກໍານົດລາຄາ.
2.ປັດໄຈພາຍນອກ (External Factors)
ເປັນປັດໄຈທີີ່ກິດຈະການບໍສາມາດຈະຄວບຄຸມໃຫ້ເປັນໄປຕາມທີີ່ຕ້ອງການໄດ້
ແຕ່ກິດຈະການຈະຕ້ອງນໍາມາພິຈາລະນາປະກອບໃນການຕັ້ງລາຄາສິນຄ້າ ເຊ່ິງມີລາຍລະອຽດດັ່ງນີ້:
·
ຄວາມຫົດຢືດຂອງອຸປະສົງ (Elasticity of Demand)
ອຸປະສົງຈະຖືກກໍານົດຈາກປັດໄຈຕ່າງໆ ໄດ້ແກ່: ຂະໜາດຄູ່ແຂ່ງຂັນ,
ຈໍານວນຄູ່ແຂ່ງຂັນ, ຄວາມແຕກຕ່າງຂອງຜະລິດຕະພັນ
ລວມທັງຄວາມພໍໃຈຂອງຜູ້ຊື້ທີີ່ມີຕໍຜະລິດຕະພັນ ແລະ ລາຄາທີີ່ເຕັມໃຈຈ່າຍ ສິ່ງຕ່າງໆ ເຫຼົ່ານີ້ມີສ່ວນກໍານົດຄວາມຫົດຢືດຂອງອຸປະສົງ.
·
ປະເພດຂອງລູກຄ້າ (Type of Customer)
ລູກຄ້າເປົ້າໝາຍທີີ່ມີລາຍໄດ້ສູງ ແລະ ຊື້ດ້ວຍຄວາມພາກພູມໃຈ
ກໍຈະກໍານົດລາຄາສູງ ຖ້າລູກຄ້າເປົ້າ ໝາຍທີີ່ມີລາຍໄດ້ຕໍ່າ
ທິດີ່ທາງຂອງການກໍານົດລາຄາຈະຕໍ່າໄປດ້ວຍ ເນື່ອງຈາກກຸ່ມລາຍໄດ້ຕໍ່າມີຄວາມອ່ອນໄຫວຕໍ່ລາຄາຫຼາຍ.
·
ຜູ້ຈໍາໜ່າຍວັດຖຸດິບ (Supplier)
ວັດຖຸດິບເປັນປັດໄຈການຜະລິດທີີ່ຈະຕ້ອງນໍາມາຄິດໄລ່ເປັນຕົ້ນທຶນການຜະລິດຂອງສິນຄ້າ
ແລະ ລາຄາສິນຄ້າ ໃນທີີ່ສຸດຖ້າຜູ້ຈໍາໜ່າຍວັດຖຸດິບສະເໜີລາຄາວັດຖຸດິບທີີ່ສູງກໍ່ຈະມີຜົນກະທົບຕໍ່ລາຄາສິນຄ້ານໍາ.
·
ການແຂ່ງຂັນ (Competition)
ການແຂ່ງຂັນຈະມີຜົນກະທົບຫຼາຍຕໍ່ການຕັດສິນໃຈໃນດ້ານລາຄາ
ເມື່ອມີການແຂ່ງຂັນໜ້ອຍກໍານົດລາຄາສູງໄດ້ ແຕ່ກໍານົດສູງເກີນໄປ ແລະ ສ້າງກໍາໄລໄດ້ຫຼາຍ ຄູ່ແຂ່ງຂັນລາຍໃໝ່ກໍ່ຈະເຂົ້າມາແຂ່ງຂັນ.
·
ສະພາບເສດຖະກິດ (Economic Environment)
ໃນພາວະເສດຖະກິດຮຸ່ງເຮືອງ, ກໍາລັງການຊື້ຫຼາຍ, ລາຄາມີທິດທາງຈະສູງຂຶ້ນເນື່ອງຈາກຕົ້ນທຶນສູງແຕ່ໃນພາວະເສດຖະກິດຕົກຕໍ່າອໍານາດການຊື້ຈະຫຼຸດລົງ
ເພື່ອກະຕຸ້ນໃຫ້ເກີດການຊື້ລາຄາສິນຄ້າຈະຕໍ່າລົງ.
·
ກົດໝາຍ (Legal)
ລັດຖະບານມີຖານະໃນການຄວບຄຸມ ແລະ ຄຸມຄ້ອງຜູ້ບໍລິໂພກສິນຄ້າບາງຢ່າງ
ລັດຖະບານຈະອອກກົດ ໝາຍກໍານົດລາຄາສູງສຸດໄວ້ເພື່ອບໍໃຫ້ຜູ້ຜະລິດເອົາປຽບຜູ້ບໍລິໂພກ
ນອກຈາກນັ້ນອອກກົດລະບຽບການປະກັນລາຄາຂັ້ນສູງກົດໝາຍອາກອນທັງນີ້ເພື່ອປ້ອງກັນການຄ້າກໍາໄລເກີນຄວນ.
·
ຈັນຍາບັນຂອງນັກທຸລະກິດ (Ethical)
ການກໍານົດລາຄາຈະຕ້ອງຄໍານຶງເຖິງຄວາມຮັບຜິດຊອບຕໍ່ສັງຄົມ
ຄືບໍຄ້າກໍາໄລເກີນຄວນ ຫຼື ບໍຕັດລາຄາກັນເກີນໄປ.
1.3.ຂໍ້ຄວນພິຈາລະນາໃນການຕັດສິນໃຈກ່ຽວກັບການບໍລິຫານດ້ານລາຄາ.
ການພິຈາລະນາການຕັດສິນໃຈກ່ຽວກັບການບໍລິຫານດ້ານລາຄາ
ຄວນຕ້ອງພິຈາລະນາຈາກຈຸດປະສົງ ຂອງການຕັ້ງລາຄາ ເຊິ່ງການຕັດສິນໃຈໃນເລື່ອງລາຄາໂດຍທົ່ວໄປທີີ່ຖືປະຕິບັດກັນມາເປັນວຽກງານດ້ານບັນຊີ.
ການຕັ້ງລາຄາຂອງທຸລະກິດຜະລິດສິນຄ້າອຸປະໂພກບໍລິໂພກ ແລະ ສິນຄ້າອຸດສາຫະກໍາ ໂດຍທົ່ວໄປຜູ້ກໍານົດລາຄາຄືນັກບັນຊີແລ້ວມອບໃຫ້ພະນັກງານຂາຍເປັນຜູ້ບໍລິຫານຕາມແນວປະຕິບັດດັ່ງກ່າວມີເຫດຜົນທີສໍາຄັນຄື:
ເມື່ອລາຄາໂດຍທົ່ວໄປມາຈາກຖານຂອງຕົ້ນທຶນ ຝ່າຍບັນຊີຈະເປັນຜູ້ຄວນຄຸມຂໍ້ມູນທີີ່ຖືກຕ້ອງທີີ່ີ່ສຸດ
ໃນການທີີ່ຈະນໍາໄປໃຊ້ໃນການຕັດສິນໃຈປະກອບກັບຜູ້ບໍລິຫານສ່ວນໃຫຍ່ບໍມັກທີີ່ຈະມີບັນຫາກັບປັດໄຈການຕັ້ງລາຄາເພາະເປັນສະພາບການຕະຫຼາດ
ໃນອະດີດຈະເນັນທີີ່ການຂາຍຢ່າງດຽວ ແລະ ຝ່າຍການຕະຫຼາດຍອມໃຫ້ຝ່າຍບັນຊີເປັນຜູ້ກໍານົດລາຄາຕໍໄປ
ເມື່ອໃດທີີ່ລະດັບລາຄານັ້ນຍັງຢູ່ໃນລະດັບທີີ່ຜູ້ບໍລິຫານຍັງສາມາດໃຫ້ສ່ວນຫຼຸດການຄ້າໄດ້ຕາມທີີ່ຕ້ອງການ.
ເມື່ອແນວຄວາມຄິດການຕະຫຼາດໄດ້ພັດທະນາມາແບບນັ້ນ ທຸລະກິດຈຶ່ງເຫັນຄວາມຈໍາ
ເປັນທີ່ຈະຕ້ອງປະສານຕົວແປຕ່າງໆ ໃນສ່ວນປະສົມການຕະຫຼາດ ຜົນຈຶ່ງເຮັດໃຫ້ຄວາມຮັບຜິດຊອບໃນການຕັດສິນໃຈເລື່ອງການຕັ້ງລາຄາ
ປ່ຽນມາເປັນຄວາມຮັບຜິດຊອບທາງການຕະຫຼາດ ຜູ້ບໍລິຫານທຸລະກິດທັງຫຼາຍໄດ້ເຫັນວ່າ: ການຮັບຜິດຊອບໃນກິດຈະກໍາດ້ານລາຄານັ້ນຝ່າຍການຕະຫຼາດຈະປະຕິບັດໄດ້ດີກວ່າ.
ນອກນັ້ນການພັດທະນາລະບົບຂໍ້ມູນຂ່າວສານໄດ້ເອື້ອໃຫ້ຝ່າຍການຕະຫຼາດໄດ້ຮັບປະໂຫຍດໃນດ້ານການຂາຍ
ແລະ ມີຂໍ້ມູນກ່ຽວກັບຕົ້ນທຶນ ເຖິງແມ່ນວ່າການຕັ້ງລາຄາເບິງຄວ່າເປັນໜ້າທີີ່ຂອງການຕະຫຼາດກໍຕາມ
ຫຼັກໃນການຕັ້ງລາຄາຂອງແຕ່ລະກິດຈະການຍັງມີຄວາມຫຼາກຫຼາຍ.
ຄວາມຮັບຜິດຊອບຂອງຜູ້ບໍລິຫານໃນການຕັດສິນໃຈດ້ານລາຄາຕ້ອງຂໍຄວາມເຫັນຈາກບຸກຄົນຫຼາຍຝ່າຍ
ເພື່ອຈະໄດ້ແງ່ມຸມຕ່າງໆ ຂອງຜະລິດຕະພັນ ຫຼື ອາດຈັດໃຫ້ມີຄະນະກໍາມະການພິຈາລະນາກໍານົດລາຄາຂຶ້ນມາດໍາເນີນການ
ຄະນະກໍາມະການດັ່ງກ່າວອາດປະກອບດ້ວບບຸກຄົນທາງດ້ານວິໄຈການຕະຫຼາດ, ການຂາຍ, ການໂຄສະນາ, ການຜະລິດ
ແລະ ການເງິນ ຄະນະກໍາມະການອາດສະເໜີລາຄາທີີ່ຕັດສິນໃຈ ແຕ່ຄວາມຮັບຜິດຊອບຈະຢູ່ທີີ່ຜູ້ບໍລິຫານທີີ່ຮັບຜິດຊອບໂດຍໜ້າທີີ່.
ຜູ້ບໍລິຫານທີີ່ເປັນຜູ້ຕັດສິນໃຈໃນການຕັ້ງລາຄາຄວນໄດ້ຄິດສະເໝີວ່າ
ຄວາມສົນໃຈຂອງຕົວຜູ້ບໍລິຫານເອງຍ່ອມມີອິດທິພົນຕໍການຕັດສິນໃຈຂອງເຂົາເຈົ້າ ໂດຍເພາະເຈດຕະນາທີີ່ເກີດຂຶ້ນຈະລວມໄປເຖິງບາງບັນຫາດັ່ງນີ້:
1.ບາງຈຸດປະສົງທີີ່ແອບແຝງຢູ່ ເຊິີງບາງຄົນອາດຈະເຫັນດີຕາມການສະເໜີຂອງຄະນະກໍາມະການແຕ່ບໍ່ເຖິງສິ່ງທີີ່ບໍຈໍາເປັນທີີ່ຕົນໃຫ້ຄວາມສົນໃຈ.
2.ຈຸດປະສົງທີີ່ຈະໃຫ້ເກີດຄວາມປອດໄພໃນກໍລະນີແບບນີ້ ການຕັດສິນໃນເລືອກທາງເລືອກໃນການຕັ້ງລາຄາອາດເລືອກຕັ້ງລາຄາທີີ່ໃຫ້ຜົນກໍາໄລຕໍ່າສຸດ
ແຕ່ມີຄວາມສ່ຽງໜ້ອຍ ເຊິີ່ງມັກຈະເກີດຈາກການເລືອກຕັດສິນໃຈກໍານົດລາຄາທີີ່ໃກ້ຄຽງກັບຄູ່ແຂ່ງຂັນ
ການຕັດສິນໃຈໃນກໍລະນີດັ່ງກ່າວ ດໍາເນີນໄດ້ງ່າຍກວ່າດ້ວຍການຄິດໄລ່ຕົ້ນທຶນ, ຄວາມຕ້ອງການ, ກໍາໄລ ຫຼື ການວິເຄາະຈຸດກຸ້ມທຶນ.
3.ຈຸດປະສົງທີີ່ຈະສະແດງໃຫ້ເປັນທີີ່ຍອມຮັບການສະເໜີຕັດສິນໃຈຕັ້ງລາຄາທີີ່ບໍເປັນທີີ່ຍອມຮັບ
ຫຼື ການປ່ຽນແປງນະໂຍບາຍທີີ່ບໍປົກກະຕິອາດເຮັດໃຫ້ຜູ້ຮັບຜິດຊອບຕ້ອງເຂົ້າມາເບິີ່ງແຍງເປັນພິເສດ
ການພິຈາລະນາອາດຕ້ອງເບິ່ງທີີ່ຜົນກໍາໄລຜູ້ບໍລິຫານທີີ່ຮັບຜິດຊອບອາດເຂົ້າມາຊ່ວຍໃນການໃຫ້ການແນະນໍາ
ແຕ່ນັ້ນໝາຍເຖິງວ່າວີທີການໃໝ່ນັ້ນຈະຕ້ອງມີຄວາມຖືກຕ້ອງຊັດເຈນ.
ໃນດ້ານພຶດຕິກໍາ ຫຼື ທາງປະຕິບັດພຽງຕ້ອງການຈະຊີື້ໃຫ້ເຫັນວ່າການຕັດສິນໃຈໃນເລື່ອງລາຄາ
ໃນບາງຄັ້ງກະທໍາຕາມຄວາມສົນໃຈຂອງຜູ້ມີອໍານາດຕັດສິນໃຈ ເຊິີ່ງອາດມີຜົນເສຍແກ່ກິດຈະການໃນພາບລວມໄດ້
ເຊິີ່ງກໍເປັນແຕ່ພຽງຄວາມຫວັງວ່າຈະບໍ່ມີຄວາມຂັດແຍ່ງໃນການກໍານົດລາຄາ.
ການຕັດສິນໃຈໃນການຕັ້ງລາຄາສິນຄ້າ ຫຼື ບໍລິການຄວນຕ້ອງພິຈາລະນາປັດໄຈດ້ານຕ່າງໆ
ຫຼາຍດ້ານຄື:
1.ວົງຈອນຊີວິດຜະລິດຕະພັນ ການຕັ້ງລາຄາຄວນໄດ້ກໍານົດໃຫ້ເໝາະສົມກັບແຕ່ລະໄລຍະຂອງວົງຈອນຊີວິດຜະລິດຕະພັນ
ເພື່ອຍືດອາຍຸຜະລິດຕະພັນໃຫ້ໄລຍະບັນປາຍຂອງຊີວິດຜະລິດຕະພັນໃຫ້ຊ້າລົງ.
2.ສາຍຜະລິດຕະພັນການຕັງລາຄາຜະລິດຕະພັນບາງ
ຊະນິດບໍອາດກະທໍາໄດ້ໂດຍອິດສະຫຼະເນື່ອງຈາກຜະລິດຕະພັນນັ້ນມີຄວາມສໍາຄັນກັບຜະລິດຕະພັນຊະນິດອື່ນໆ
ໂດຍອາດຈະມີອຸປະສົງທີີ່ສໍາພັນກັນ ຕົ້ນທຶນທີີ່ສໍາພັນກັນ ແລະ ຜະລິດຕະພັນທີີ່ສໍາພັນກັນນັ້ນຢູ່ໃນສະພາບການແຂ່ງຂັນທີີ່ແຕກຕ່າງກັນ
ການຕັ້ງລາຄາຈຶງຕ້ອງຄໍານຶງເຖິງຜົນກະທົບທີີ່ອາດເກີດກັບຜະລິດຕະພັນອື່ນໆ ໃນສາຍຜະລິດຕະພັນດຽວກັນ
ໂດຍເພາະການຕັ້ງລາຄາຂອງຜະລິດຕະພັນມີຈຸດປະສົງເພື່ອເຮັດໃຫ້ກໍາໄລລວມຂອງທັງສາຍຜະລິດຕະພັນສູງສຸດ.
3.ຍຸດທະສາດ ຫຼື ເຕັກນິກທີີ່ໃຊ້ໃນການຕັ້ງລາຄາ ເຕັກນິກໃນການຕັ້ງລາຄາເປັນຫຼັກເກນໃນການຕັ້ງລາຄາຕາມສະພາບການຕ່າງໆ.
4.ຕົ້ນທຶນ ການຕັ້ງລາຄາຈະຕັ້ງຄວບຄຸມຕົ້ນທຶນທີີ່ຈະເກີດຂຶ້ນທັງໝົດ ບໍວ່າຈະເປັນຕົ້ນທຶນໃນສ່ວນທີີ່ກ່ຽວກັບການຜະລິດ,
ການຕະຫຼາດ ແລະ ການດໍາເນີນການທັງໝົດ.
5.ອຸປະສົງຜະລິດຕະພັນ ເປັນການພິຈາະລະນາລະດັບລາຄາທີມີຜົນຕໍປະລິມານຄວາມຕ້ອງການອັນເນື່ອງມາຈາກອໍານາດການຊື້ຂອງຜູ້ບໍລິໂພກ.
6.ການແຂ່ງຂັນ ເປັນການໃຫ້ຄວາມສົນໃຈໃນລາຄາຂອງຄູ່ແຂ່ງຂັນ ການຕັ້ງລາຈຶ່ງພິຈາລະນາພາວະການຄູ່ແຂ່ງຂັນໃນຕະຫຼາດແລ້ວນໍາມາກໍານົດລາຄາທີີ່ເໝາະສົມ.