ການຈັດທຳເອກະສານແຜນທຸລະກິດ (Business Plan Documentation)
ການຈັດທຳແຜນທຸລະກິດ
ຖືເປັນເລື່ອງສຳຄັນຢ່າງຍິ່ງ ເພາະເປັນສ່ວນທີ່ກ່ຽວຂ້ອງກັບການພິຈາລະນາແຜນທຸລະກິດຂອງຜູ້ປະກອບການ
ໃນການຂໍຮັບການສະໜັບສະໜູນທາງການເງິນຈາກທະນາຄານ ຫຼື ສະຖາບັນການເງິນ ແຜນທຸລະກິດຄວນຈັດທຳໃຫ້ສວຍງາມສອດຄ່ອງກັບພາບລັກສະນະຂອງອົງກອນ
ແລະ ປະທັບໃຈຜູ້ໄດ້ຮັບ ໃນການຈັດເຮັດເອກະສານແຜນທຸລະກິດຄວນປະຕິບັດດັ່ງນີ້:
1.ກະດາດທີ່ໃຊ້ພິມຄວນເປັນກະດາດສີຂາວ
ຄຸນນະພາບດີທີ່ສຸດ ຊີ້ນກະດາດຄວນເປັນ 80 ແກມ ຫຼື ເລືອກໃຊ້ກະດາດທີ່ເໝາະກັບການພິມເລເຊີສີ.
2.ເຄື່ອງພິມດີດຄວນໃຊ້ເຄື່ອງພິມເລເຊີສີ.
3.ຈຳນວນເອກະສານຄວນມີປະມານ 30-40 ໜ້າ ແຕ່ບໍ່ຄວນເກີນ 50 ໜ້າ
ຊຶ່ງອາດແບ່ງເປັນ.
-
ແຜນທຸລະກິດສະບັບຫຍໍ້ ທີ່ໃຊ້ສຳລັບທຸລະກິດລາຍຍ່ອຍ ເຈົ້າຂອງຄົນດຽວ ຫຼື 2-3 ຄົນ ຄວນມີ 12-20 ໜ້າ.
-
ແຜນທຸລະກິດມາດຕະຖານ ສຳລັບທຸລະກິດຂະໜາດນ້ອຍ ປະມານ 20-30 ໜ້າ
-
ແຜນທຸລະກິດແບບເຕັມຮູບແບບ ທີ່ຕ້ອງການສະແດງລາຍລະອຽດຢ່າງສົມບູນໃຊ້ທັງທຸລະກິດຂະໜາດນ້ອຍ
ເຖິງທຸລະກິດຂະໜາດໃຫຍ່ຄວນມີ 30-50 ໜ້າ.
4.ຂະໜາດຕົວອັກສອນ ຄວນເລືອກຟອນ (Font) ຂະໜາດ 14 -16 ພອຍ (Point) ສ່ວນຫົວຂໍ້ຂອງແຜນງານ
ຄວນເປັນ 18 - 20
ພອຍ ຫຼື ອາດໃຊ້ຕົວໜາ ຫຼື ຂີດເສັ້ນໃຕ້ ຕົວອັກສອນລຽບງ່າຍບໍ່ມີລວດລາຍ.
5.ຄວນເກັບເອກະສານແຜນທຸລະກິດໄວ້ໃນໄຟ ຂໍ້ມູນຕົ້ນສະບັບທີ່ຮອງຮັບຊຸດໂປແກມທີ່ໃຊ້ເປັນມາດຕະຖານ
ແລະ ເກັບສຳເນົາໄວ້ສະເໝີ.
6.ປົກໜ້າ ປະກອບດ້ວຍລາຍລະອຽດເບື້ອງຕົ້ນຂອງແຜນທຸລະກິດ
ລະບຸເຖິງການເປັນແຜນທຸລະກິດຊື່ທຸລະກິດທີ່ຢູ່ ໝາຍເລກໂທສັບ, ໂທສານ, ເວັບໄຊ, ອີເມວ, ຊື່ໝ່ວຍງານທີ່ສະເໜີແຜນທຸລະກິດຄວນມີການເພິ່ມເຕິມຮູບພາບຜະລິດຕະພັນທີ່ສະເໜີ
ແລະ ຄວນເນັ້ນຄວາມສວຍງາມດ້ວຍ.
7.ການເຂົ້າເລ່ມເອກະສານ ຄວນເປັນການເຂົ້າເລ່ມດ້ວຍຫ່ວງພາລາດສະຕິກແບບກະດູກງູ
ຂະໜາດເໝາະສົມກັບຈຳນວນໜ້າ ແລະ ເໝາະທີ່ຈະຖອດຖ່າຍເອກະສານ.
8.ຖ້າຕ້ອງການຖືຮັກສາຄວາມລັບຂອງແຜນທຸລະກິດ
ຄວນພິມດ້ວຍວ່າ ບໍ່ອະນຸຍາດໃຫ້ຖ່າຍສຳເນົາ
ແລະແຈ້ງເຈົ້າໝ້າທີ່ໃນການຂໍຮັບຄືນ.
9.ການໃຊ້ພາບປະກອບ ແຜນພູມິ ກາບຟິກ
ແລະ ຕາຕະລາງ ຄວນມີຂະໜາດທີ່ເໝາະສົມ ແລະ ສວຍງາມ.
10.ແຫຼ່ງຂໍ້ມູນ ແລະ ການອ້າງອີງຂໍ້ມູນຄວນຂຽນໃຫ້ຖືກຕ້ອງ.
11.ພາສາທີ່ຂຽນ ຄວນໃຊ້ພາສາຂຽນທີ່ເຂົ້າໃຈງ່າຍ
ໄດ້ຄວາມໝາຍຄົບຖ້ວນ.
12.ຄວາມສອດຄ່ອງ ແລະ ຄວາມຖືກຕ້ອງ
ຂໍ້ມູນຕ່າງໆ ຕ້ອງຖືກຕ້ອງສອດຄ່ອງເປັນເຫດເປັນຜົນກັນ ຊຶ່ງຈະຊ່ວຍສ້າງຄວາມໜ້າເຊື່ອຖືໃນແຜນທຸລະກິດ
ແລະ ຈະຕ້ອງມີການກວດກາຮູ້ຕົວອັກສອນຢ່າງດີ ບໍ່ມີຜິດພາດ.
13.ການປັບປຸງແຜນທຸລະກິດ ຄວນປັບປຸງໃຫ້ທັນສະໄໝຢ່າງນ້ອຍປີລະ
1
ເທື່ອຈະຊ່ວຍໃຫ້ຜູ້ປະກອບການສາມາດຕິດຕາມ ກວດສອບ ທົບທວນ ແລະ ແກ້ໄຂ ເພື່ອໃຫ້ການດຳເນີນງານໄດ້ຜົນຕາມທີ່ວາງໄວ້.
14.ແຜນທຸລະກິດທີ່ຈັດເຮັດຂຶ້ນນັ້ນ
ຈະຕ້ອງມີຄວາມເປັນຈິງ ອ່ານແລ້ວເຂົ້າໃຈຊັດເຈນ ແນວໃດກໍຕາມ ແຜນທຸລະກິດສ່ວນໃຫຍ່ມັກຈະສ້າງຂຶ້ນໂດຍໃຊ້ໂຄງສ້າງຂອງແຜນງານຫຼາຍແບບມາລວມກັນ
ແລະ ຂຶ້ນຢູ່ກັບຮູບແບບທີ່ສະຖາບັນການເງິນຈັດເຮັດຂຶ້ນ ຊຶ່ງແຕ່ລະແຫ່ງອາດມີຮູບແບບຕ່າງກັນ.
ບົດສະຫຼຸບ.
ແຜນທຸລະກິດນັບເປັນເຄື່ອງມືທີ່ມີຄວາມສຳຄັນຢ່າງຍິ່ງສຳລັບຜູ້ປະກອບການ
ທີ່ລິເລີ່ມຈະກໍ່ຕັ້ງກິດຈະການ ແຜນນີ້ເປັນຜົນສະຫລຸບ ຫຼື
ຜົນລວມແຫ່ງຂະບວນການຄິດພິຈາລະນາ ແລະ
ການຕັດສິນໃຈທີ່ຈະປ່ຽນຄວາມຄິດຂອງຜູ້ປະກອບການອອກມາເປັນໂອກາດທາງທຸລະກິດ
ແຜນທຸລະກິດປຽບເໝືອນແຜນທີ່ໃນການເດິນທາງທີ່ຈະຊ່ວຍຊີ້ແນະຂັ້ນຕອນຕ່າງໆ ເທື່ອລະຂັ້ນຕອນໃນຂະບວນການກໍ່ຕັ້ງກິດຈະການ
ແຜນຈະໃຫ້ລາຍລະອຽດຕ່າງໆ ທັງໃນເລື່ອງການຕະຫຼາດ ການແຂ່ງຂັນ ກົນລະຍຸດການດຳເນີນທຸລະກິດ
ການຄາດຄະເນທາງການເງິນ ທີ່ຈະຊີ້ນຳຜູ້ປະກອບການໄປສູ່ຄວາມສຳເລັດ ຫຼື
ຊີ້ໃຫ້ເຫັນເຖິງຈຸດອ່ອນ ແລະ ຂໍ້ຄວນລະວັງ ແຜນທຸລະກິດປຽບເໝືອນລາຍແທງແຜນທີ່ນຳທຸລະກິດໄປສູ່ຂຸມຊັບຄວາມສຳເລັດ
ເປັນສິ່ງທີ່ຊ່ວຍຖ່າຍທອດຄວາມຄິດທີ່ຈັບຕ້ອງບໍ່ໄດ້ໃຫ້ກາຍເປັນຮູບທຳຫຼາຍຂຶ້ນ
ມີອົງປະະກອບຫຼັກເຊັ່ນ: ເປົ້າໝາຍ, ວັດຖຸປະສົງ, ການເງິນ, ການຕະຫຼາດ ແລະ
ກົນລະຍຸດຕ່າງໆ ໂດຍກຳນົດວິທີການເຮັດທຸລະກິດໄວ້ຢ່າງເປັນຂັ້ນເປັນຕອນ ລວມເຖິງການວິເຄາະຈຸດແຂງ
ຈຸດອ່ອນ ແລະ ທາງວິທີຄິດໄລ່ຂອງທຸລະກິດເອົາໄວ້
ໂດຍຊຶ່ງປະໂຫຍດຂອງການຈັດເຮັດແຜນທຸລະກິດໄດ້ແກ່:
1.ຫຼຸດຄວາມສ່ຽງໃນທຸລະກິດ ເນື່ອງຈາກໃນການຈັດເຮັດແຜນທຸລະກິດນັ້ນ
ຜູ້ປະກອບການຕ້ອງວິເຄາະທຸລະກິດຂອງຕົນເອງຢ່າງຕົງໄປຕົງມາ ບໍ່ວ່າຈະເປັນຈຸດແຂງ
ຈຸດອ່ອນ ໂອກາດ ແລະ ອຸປະສັກຂອງທຸລະກິດຢ່າງຮອບຄອບ ເຮັດໃຫ້ຜູ້ປະກອບການເບິ່ງເຫັນຂໍ້ບົກຜ່ອງໃນທຸລະກິດຂອງຕົນເອງເພື່ອຫາທາງແກ້ໄຂ
ປ້ອງກັນບັນຫາຫຼືຂໍ້ບົກຜ່ອງທີ່ອາດເກີດຂຶ້ນໄດ້ ນັ້ນເທົ່າກັບເປັນການຫຼຸດຄວາມສ່ຽງຕ່າງໆ
ທີ່ອາດເກີດຂຶ້ນໃນທຸລະກິດລົງໄດ້ນັ້ນເອງ.
2.ເພີ່ມໂອກາດຄວາມສຳເລັດ ການວິເຄາະພາບລວມຂອງກິດຈະການ
ແນວໂນ້ມຂອງຕະຫຼາດ ກໍເໝືອນການຊີ້ເປົ້າໃຫ້ຜູ້ປະກອບເຫັນວ່າທຸລະກິດຂອງຕົນເອງມີຂໍ້ໄດ້ປຽບແນວໃດ
ຈຶ່ງສາມາດກຳນົດທິດທາງ ແລະ
ກົນລະຍຸດທຸລະກິດເພື່ອຊ່ວງຊິງໂອກາດຄວ້າຄວາມສຳເລັດໄດ້ຢ່າງທັນທ່ວງທີໂດຍບໍ່ຕ້ອງເສຍເວລາຫຼົງປະເດັນ.
3.ເປັນແນວທາງປະຕິບັດ ໃນແຜນທຸລະກິດຈະປະກອບໄປດ້ວຍແນວທາງໃນການປະຕິບັດງານທຸກຂັ້ນຕອນຢ່າງລະອຽດ
ຕັ້ງແຕ່ການເລີ່ມລົງທຶນ ແລະ
ການດຳເນີນງານຕະຫຼອດຈົນແຜນຂະຫຍາຍກິດຈະການລຳດັບໃນການລົງມືປະຕິບັດວ່າເລື່ອງໃດຕ້ອງເຮັດກ່ອນເຮັດຫຼັງ
ຮຽກວ່າເປັນຄູ່ມື ຫຼື ແຜນທີ່ໃນການເຮັດວຽກກໍວ່າໄດ້.
4.ໃຊ້ຄວບຄຸມ ແລະ ປະເມີນຜົນ ແຜນການເຮັດວຽກງານທີ່ດີຈະຕ້ອງມີການວັດຜົນງານ
ດັ່ງນັ້ນນອກຈາກການກຳນົດເປົ້າໝາຍໃນການເຮັດວຽກງານແລ້ວ ຜູ້ປະກອບການຈະຕ້ອງກຳນົດວິທີການຄວບຄຸມ
ແລະ ການປະເມີນຜົນງານ ເພື່ອໃຊ້ວັດປະສິດທິພາບການດຳເນີນງານເອົາໄວ້.
5.ຊ່ວຍລະດົມທຶນ ເນື່ອງຈາກບັນຫາຂອງຜູ້ປະກອບການ
SME
ແມ່ນເລື່ອງການເຂົ້າເຖິງແຫຼ່ງເງິນທຶນຍາກ ດັ່ງນັ້ນການກຽມຕົວ ແລະ ກຽມເອກະສານໃຫ້ພ້ອມກ່ອນຈະເຂົ້າໄປຂໍສິນເຊື່ອຈຶ່ງເປັນສິ່ງທີ່ຜູ້ປະກອບການຄວນໃຫ້ຄວາມສຳຄັນ
ຊຶ່ງແຜນທຸລະກິດກໍເປັນເອກະສານທີ່ຊ່ວຍເພີ່ມຄວາມໜ້າເຊື່ອຖືໃຫ້ທຸລະກິດໄດ້
ເພາະສະແດງໃຫ້ທະນາຄານ ຫຼື ສະຖາບັນການເງິນເຂົ້າໃຈທຸລະກິດໄດ້ຫຼາຍຂຶ້ນ
ເນື່ອງຈາກສະແດງພາບລວມຂອງທຸລະກິດ ໂອກາດທາງການຕະຫຼາດ ແລະ
ກົນຍຸດທີ່ທຸລະກິດຈະໃຊ້ເພື່ອນຳໄປສູ່ຄວາມສຳເລັດ ຈຶ່ງເພີ່ມໂອກາດໃນການລໍອະນຸມັດເງິນທຶນ.
ເມື່ອແຜນທຸລະກິດ
ແມ່ນແນວທາງໃນການບໍລິຫານງານ ແລະ ເປັນຄູ່ມືການເຮັດວຽກງານໃຫ້ນຳໄປປະຕິບັດຈຶ່ງຄວນມີເນື້ອຫາກະຊັບບໍ່ຢືດຍາວ
ເຂົ້າໃຈງ່າຍ ແຕ່ຂໍ້ມູນຕ້ອງຄົບຖ້ວນ ຖືກຕ້ອງ ເປັນຄວາມຈິງ ແລະ ທັນສະໄໝ ເພື່ອໃຫ້ທຸກຄົນເຂົ້າໃຈກົງກັນ
ສາມາດດຳເນີນງານໄດ້ຕາມແຜນ ຊຶ່ງຈະຊ່ວຍໃຫ້ທຸລະກິດເຄື່ອນໄປສູ່ຈຸດ ໝາຍໄດ້ຢ່າງວ່ອງໄວ ຮູ້ແນວນີ້ແລ້ວໃຜທີ່ຍັງບໍ່ໄດ້ເຮັດແຜນທຸລະກິດຮີບລົງມືເຮັດຕອນນີ້ກໍຍັງບໍ່ສາຍ.